ꞌGalaaꞌthia 2:15 - ꞌBuuk cĩ Thõõth cĩ Nyekuci

¹⁵ “ꞌTirriaatta, hĩĩgĩn naag ꞌJudeei nẽ hõllõngaa hĩĩgĩn ꞌthẽccanniook hĩ eeta ꞌcĩg hõllõngaa ĩĩn ꞌJudeei.

ꞌGalaaꞌthia 2:15 ပူးပေါင်းရင်းမြစ်များ

Maatteeo 9:11

Ma baa adtuuha Variꞌtheei thõõth icci ho, iita ijinit nuyyiook cĩgĩnnĩg ĩĩttĩk, “Inni hudukto ꞌlimmannioohiti cunuung hĩ eet ꞌcĩg alũt occoro hĩ ꞌthẽccanniook ko?”

ꞌLuuka 24:7

‘Aaꞌnyĩhoothĩk hatĩ Ngeertĩ Eeto athĩnĩĩ cĩg ꞌthẽccannioohu nẽ õtõddõĩ hurucceea. Ma kõr ꞌcĩ ĩĩn iyyio, arũgna hatĩ daahĩtha.’ ”

Dtiicanĩ cĩg ꞌThooyyiahu 22:21

“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”

ꞌRooma 3:9

Hõthõõth occa ꞌthẽk ꞌyioko thõõth icci haĩ ne? Haĩ hĩĩgĩn naag ꞌJudeei mẽẽttĩg? Aitiõõ ũdũt! Hĩnĩngĩtĩ hagaacõ naag ẽlẽk ngaatĩ aduhõõnĩ eeta ꞌcĩg ĩĩn ꞌJudeei hĩ ꞌcĩg hõllõngaa ĩĩn ꞌJudeei ꞌthẽccanẽẽtĩĩ cĩggĩĩng thõng.

ꞌRooma 4:16

Nẽẽthĩ hoti ho, aku thõõth ꞌcĩ aduha Nyekuci, hĩnĩngĩtĩ lemiinit nẽ thõõth ꞌcĩ aduha nẽẽ ho, agayyi, hĩnĩngĩtĩ tarbalꞌthẽẽt cĩnnĩ cobbi. Hõllõngaa ĩĩn thõõth ꞌcĩ aduha Nyekuci ho, cĩ lõhõlĩ cĩg Abũrahamĩ dioo ꞌcĩg aꞌnyak nyattal. Ĩĩn cĩ lõhõlĩ cĩg lõhõlĩ cĩg Abũrahamĩ vẽlẽk, hĩnĩngĩtĩ aꞌnyak nẽẽg lemiinit hĩ baa nẽẽnĩ. Ĩĩn Abũrahamĩ baangeet cĩnaac vẽlẽk.

ꞌGalaaꞌthia 2:17

“Má baa nga hadiim naag ꞌJudeei hummuddia ꞌgõõl ꞌcĩ elemmeet Krĩstõ ngagĩĩta, hiita hummuddia naag buúk ngaatĩ hĩĩgĩnnĩ ꞌthẽccanniook. Aĩ occa thõõth ciee Krĩstõ ꞌcĩ aaꞌnyeet hĩĩtõ ꞌthẽccanniook ko? Aitiõõ ũdũt!

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

Pilippi 3:4

tananga haꞌnyahi naa thooꞌthiok ꞌcĩg occa hirrianĩ. Má irrian eet umwaa, hĩnĩngĩtĩ thooꞌthiok ꞌcĩg ĩdĩman nẽẽnĩ, haꞌnyahi naa ꞌcĩg ĩllõõan cĩg eet tĩho.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.