ꞌGalaaꞌthia 2:1 - ꞌBuuk cĩ Thõõth cĩ Nyekuci

¹ Ma baa urutaa cĩ irkiꞌnyia õmmõtõ hĩ ꞌwec, hikia hobodootha ꞌJeruꞌthalẽma. Kõr niccia, hiita hookorria hĩ Baarnaba nẽ baa haggameehi Tiito buúk aꞌthiit.

ꞌGalaaꞌthia 2:1 ပူးပေါင်းရင်းမြစ်များ

Dtiicanĩ cĩg ꞌThooyyiahu 11:25

Ma nĩngaata, ũũk nẽẽ ꞌTaartho hũũk hidiimõthĩ ꞌThaaulo.

Dtiicanĩ cĩg ꞌThooyyiahu 11:30

Nĩngĩtĩ aduhaakĩ nẽẽg Baarnaba hĩ ꞌThaaulo hootti ꞌbaaninit cĩnĩĩng haꞌnyaktoothĩk makayyiook cĩg lemmioohu ꞌJeruꞌthalẽma.

Dtiicanĩ cĩg ꞌThooyyiahu 12:25

Ma baa edecciaak Baarnaba hĩ ꞌThaaulo dtiic cĩnĩĩng baa ĩꞌthõõĩ eeta hõõt hidticanit, iita oboddia nẽẽg ĩĩcĩ ꞌJeruꞌthalẽmĩ othohotit Yõaannẽ buúk ꞌcĩ haĩ ꞌthaar ũgĩ Maarko.

Dtiicanĩ cĩg ꞌThooyyiahu 13:2

Ma baa nga abuluth nẽẽg Makayyioohit nẽ edettia eleeti ꞌgẽẽna, ikia ĩĩnnĩk Lorii ꞌcĩ Ẽllẽẽmĩth ĩhõõggõ, “Eberriahaangu Baarnaba hĩ ꞌThaaulo, hátĩ hidticanit dtiic ꞌcĩ havveehi naa ĩhõõggõ ho.”

Dtiicanĩ cĩg ꞌThooyyiahu 13:50

Ma nĩngaata, baa hinnia õõ alũllũũman makayyiooha cĩg ꞌJudeei eet ũgĩ ꞌcĩg obbitig ꞌtaaũnatõõ, hĩ ngaaĩ ũgĩ ꞌcĩg iꞌngolli thõõth cĩ Nyekuci. Nĩngĩtĩ aaꞌnyĩkĩ eeta cĩg ꞌJudeei ĩhõõggõ hutuhuyyioothĩk Paaulo hĩ Baarnaba nẽ iꞌthiattaaĩ ĩdĩmanit ĩhõõggõ ꞌbuth. Nĩngĩtĩ iiggiaĩ ĩhõõggõ looccaa cĩnĩĩng battaala.

Dtiicanĩ cĩg ꞌThooyyiahu 14:12

Ma ho, akattieek nẽẽg Baarnaba ꞌthaar ꞌcĩg haĩ, ꞌTheu nẽ akattieek Paaulo ꞌthaar ꞌcĩg haĩ Hẽẽrmẽ, hĩnĩngĩtĩ baa ĩĩn Paaulo baattĩ thootho.

Dtiicanĩ cĩg ꞌThooyyiahu 15:25

Nĩngĩtĩ ꞌyioko homotoonna ngaatĩ hõdẽẽthõng nẽ hummukta ngaatĩ hẽbẽraanna eet ũgĩ nẽ hĩꞌthooyyiahuung ngagiit hookorria hĩ Baarnaba hĩ Paaulo, ꞌgoonoga cĩggaang ꞌcĩg hammĩnanna.

1 Korinthia 9:6

Hode nganĩĩt hĩ Baarnaba dioo ꞌcĩg occa hadticaniinna, hátĩ hũrũgta?

2 Korinthia 2:13

Baa nga apuppudii nganĩĩt ꞌthĩnĩt ngaatĩ hõllõngaa hammũdõõthĩkĩ ꞌgõtõna Tiito, nĩngĩtĩ hannẽẽkĩ ĩhõõggõ ĩlaallẽ nẽ hedeceeha hũũha ĩĩcĩ looc cĩ Maccedoonia.

2 Korinthia 8:16

Hatali naa Nyekuc ꞌcĩ aaꞌnyĩk ꞌthĩnĩt cĩ Tiito hĩrrĩcanaauung ngagiit haau hĩcĩ harrĩcanaannuung naa ngagiit ko.

2 Korinthia 8:23

Nẽẽthĩ, Tiito, ĩĩn nẽẽ eet ꞌcĩ hadticaniinna hõdẽĩ hĩ ngagĩĩta, hĩnĩngĩtĩ ngagiita nẽ ꞌgotoonoga ꞌcĩg ĩĩn ꞌramma hataa, ĩĩn nẽẽg ꞌthooyyiak ꞌcĩg ĩꞌthõõa lothippiꞌnya cĩg lemmiook cĩggĩĩng cũũmõ cũũmõ looccaa cĩ Maccedoonia. Aꞌnyahaak Krĩstõ bulẽẽnĩt thooꞌthiohĩĩ cĩg adtican nẽẽgĩ.

ꞌGalaaꞌthia 1:18

Ma baa urutaa cĩ irkiꞌnyia iyyio, hikia hidiimotha Pẽẽtũrũ ꞌJeruꞌthalẽma nĩngĩtĩ hau harũmeenna waathinniook õmmõtõ hĩ ꞌtur.

ꞌGalaaꞌthia 2:13

Ma baa adtuuha eeta cĩg ꞌJudeei ũgẽẽgĩ ꞌcĩg baag aattĩg nĩngaata Pẽẽtũrũ ngaatĩ adĩmanĩ hoti ho, iita ĩthahithit nẽẽg buúk ĩnõõnnõ, Baarnaba buúk nĩngaata ataddaanĩ haaga, nĩngĩtĩ anũĩ nẽẽ buúk ꞌgõõl cĩnĩĩng ko.

ꞌGalaaꞌthia 2:3

Nẽ tananga Tiito baa haggameehi aꞌthiit buúk, nga hĩttĩnganoothĩk ngaatĩ ẽttẽẽdĩ ẽlẽ, tananga baa ĩĩn nẽẽ ꞌGiriheenit.

ꞌGalaaꞌthia 2:9

Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.

Kolooꞌthe 4:10

Ĩꞌthaayyuung ꞌgõõna Arithtarko ꞌcĩ harũmeenna baabuutha hõdẽĩ ngagiita, ĩꞌthaayyuung Maarko midinni Baarnaba buúk. Baa ithiktu niig nyeemuut ꞌcĩ akuuni Maarko hĩ ngagiit ẽlẽk, ma õdõlanuunga, ũrũmtĩ hĩ ĩnõõnnõ lõꞌngõõc.

Tiito 1:4

Ẽlẽ Tiito, hẽhẽẽdakii naa nganiit waraga icci, aau nii hĩ loholeec caannẽẽnĩ, hĩnĩngĩtĩ helemit naag hĩ nganiit thõõth cĩ Nyekuci hõdẽĩ. Aꞌnyĩĩk Nyekuc Baangeet cĩnaac hĩ Makayyioohit Ellioohit cĩnaac Yeesu Krĩstõ, haanyti bũnnai nẽ aau lõꞌngõõc.