ꞌGalaaꞌthia 1:8 - ꞌBuuk cĩ Thõõth cĩ Nyekuci

⁸ Hala naa Nyekuc hĩccĩĩn eet umwa hode aajĩlõ ꞌcĩ aku hẽẽtahujjieen, hatĩ irrioon nyeemuut ꞌcĩ abũnnaa ꞌcĩ ꞌrĩĩng ꞌcĩ hõllõngaa aaĩ hĩ baa hirrioonna naaga.

ꞌGalaaꞌthia 1:8 ပူးပေါင်းရင်းမြစ်များ

ꞌThianaattõ 9:25

Nĩngĩtĩ alĩĩllĩ gẽrrẽẽt ĩꞌthõng hĩccĩĩn Kanaan ngeertĩ Haamĩ anneek, “Aku hatĩ ĩĩnĩ nii appahaca ꞌcĩ adticanoothihi ꞌgotoonogu.”

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maarko 14:71

Ma nĩngaata, ũbũtan Pẽẽtũrũ tarĩ ĩĩ, “Ẽrẽka nganĩĩt eet ꞌcĩ othooꞌthu niig ko!”

Dtiicanĩ cĩg ꞌThooyyiahu 23:14

Nĩngĩtĩ õõĩ nẽẽg hĩ makayyiook cĩg paadĩrꞌnyaannu hĩ nyakangaaꞌnya nẽ õõt ĩĩtõ, “Iyyia hũbũtatta naag lõbũtĩ ꞌcĩ aꞌngirannii, ꞌcĩ hõllõngaa hadaka ꞌgiimwa ĩꞌthõng hurukta Paaulo.

ꞌRooma 16:17

Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ.

ꞌRooma 9:3

Hĩnĩngĩtĩ occa baa hadiimi naa ẽllaa caannĩ hĩccĩĩnĩ nẽ heꞌngerriooa hĩ Krĩstõ, hatĩ má occa ẽẽla thõõth ciee eet cĩgannĩg

1 Korinthia 12:3

Nẽẽthĩ ꞌyioko, hadiimmuung naa ngagiit agaac ĩĩtõ, aitiõõ ẽẽtĩ ꞌcĩ occa õthõõth loriia cĩ Nyekuci hõllõngaa occa accĩĩn Yeesu nẽ aitiõõ ẽẽtĩ ꞌcĩ occa õthõõth aĩ, ĩĩn Yeesu Makayyioohit, hatĩ aitiõõ Lorii ꞌcĩ Ẽllẽẽmĩth hĩ ĩnõõnnõ tõõ.

1 Korinthia 16:22

Má hõllõngaa ammĩnan eet umwaa Makayyioohit, ĩccĩĩnĩ nẽẽ ẽlẽk. Anneek baaĩ nuun Makayyioohit ijjia!

ꞌGalaaꞌthia 1:9

Baa huduha naa ẽlẽk nẽ nga hõbõdẽẽkĩ tarĩ. Hammuhi accĩĩn hatĩ Nyekuci eet ꞌcĩg irrioon nyeemuut ꞌcĩ hõllõngaa ĩĩn nyeemuut ꞌcĩ abũnnaa, baa elemtu niig ẽlẽk.

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 3:13

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”

Tiito 3:10

ꞌRioonĩk eet ꞌcĩg attiha jore tabattĩ ꞌramma, ma urutaa cĩnnĩ, ma nga hedecoothihi tarĩ.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.