ꞌGalaaꞌthia 1:6 - ꞌBuuk cĩ Thõõth cĩ Nyekuci

⁶ Homoꞌthi naa thõõth ꞌcĩ utuburru niig Nyekuc hĩdĩĩkoothong, hĩnĩngĩtĩ baa ẽbẽraauung nẽẽ ngagiit bũnnaiittaa cĩ Krĩstõ, nẽẽthĩ, ma helemmu nyeemuut umwa cĩrrĩĩng,

ꞌGalaaꞌthia 1:6 ပူးပေါင်းရင်းမြစ်များ

Maarko 6:6

Nẽ baa aꞌngalĩlĩ nẽẽ gẽrrẽẽt, hĩnĩngĩtĩ thõõth ꞌcĩ hõllõngaa aꞌnyahĩ eeta lemiinit. Nĩngĩtĩ õvvõõĩ Yeesu olooyyiohĩ vẽlẽk allimanĩ eeta.

Yõaannẽ 9:30

Ẽdẽcĩ ẽẽtĩ ĩhõõggõ anneek, “Thõõth ꞌcĩ abulanneet niccia! Erekuung ngagiit nĩngĩtĩ akuuni nẽẽnĩ. Nẽẽthĩ, aaꞌnyĩk nẽẽ hẽbẽrĩ cĩgannĩg hĩcĩttĩ.

Dtiicanĩ cĩg ꞌThooyyiahu 15:11

Aitiõõ hõlõ! Hẽlẽmĩ naag ngaatĩ akuuni elliaanĩtĩ cĩnaac bũnnaiittaa cĩ Makayyioohit Yeesu, haau hĩcĩ ꞌthẽk eelliaa eeta ꞌcĩg hõllõngaa ĩĩn ꞌJudeei ho.”

ꞌRooma 10:3

Hĩnĩngĩtĩ hõllõngaa aga eeta cĩg Ĩꞌthĩraẽlĩ ꞌgõõl cĩ bũnnai ꞌcĩ aku hĩ Nyekuc nẽ idiimito ngaatĩ ammũdaanĩ ꞌgõõl ꞌcĩ bũnnai cĩnĩĩng ẽmmẽn nẽ ũtũbũrĩt bũnnai cĩ Nyekuci.

ꞌRooma 5:2

nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

ꞌRooma 8:30

Nĩngĩtĩ ẽlẽmmĩ Nyekuci eet baag ẽbẽra nẽẽ baa ĩĩcĩ oou ẽlẽk nẽ otholit bulẽẽnĩt cĩnnĩ hĩ ĩhõõggõ.

1 Korinthia 4:15

Tananga aꞌnyahit bekiook aalibꞌnya õmmõtõ thõõthaa cĩ Krĩstõ, hõllõngaa aꞌnyaku maajihu ꞌcĩg mẽẽlĩg nẽ hĩnĩngĩtĩ Yeesu Krĩstõ, hikia hĩĩna naa maaꞌnyu nyeemuutaa ꞌcĩ abũnnaa.

2 Korinthia 11:4

Baa hillimatteehuung naag ngagiit nyeemuut cĩ Yeesu nẽ iita elemtu nyeemuut cĩnaang nẽ aggamtu Lori ꞌcĩ Ẽllẽẽmĩthĩ. Nẽ iita aanytĩhu eet ũgĩ hillimatteehuung nyeemuut ꞌcĩ abũnnaa cĩ Yeesu. Nẽ ꞌyioko, iita ũkũmattoothihu niig ngaatĩ elemmu nyeemuut umwa ꞌcĩ abũnnaa nẽ aggamtu lori ꞌcĩ ꞌrĩĩng.

2 Korinthia 2:17

Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.

ꞌGalaaꞌthia 1:11

ꞌGotoonoga hĩ ngoonoga, hadiimmuung naa ngagiit agaac ĩĩtõ, nyeemuut ꞌcĩ abũnnaa ꞌcĩ hirriooni naa ho, hõllõngaa ĩĩn nyeemuut ꞌcĩ aku hĩ eet cĩ holli õõ.

ꞌGalaaꞌthia 1:15

Nẽẽthĩ, baa nga hittirria naana, baa ẽbẽraawa Nyekuci nganĩĩt nẽ ũtũvvaawa bũnnaiittaa cĩnnĩ. Nĩngĩtĩ accamanõõthĩkĩ nẽẽ

ꞌGalaaꞌthia 1:7

ꞌcĩ hõllõngaa ĩĩn dĩdĩ. Nẽẽthĩ, aattĩg eeta ũgẽẽgĩ ꞌcĩg aaꞌnyuung ngagiit pĩĩrnanĩt nẽ adiimmuung ngagiit ũtũbũrĩt nyeemuut ꞌcĩ abũnnaa cĩ Krĩstõ.

ꞌGalaaꞌthia 2:14

Ma baa hacini ngaatĩ arahanĩ Pẽẽtũrũ thõõthaa ꞌcĩ ĩĩn dĩdĩ ĩcĩ nyeemuut ꞌcĩ abũnnaa ho, hikia heggerenyeeha ĩnõõnnõ hõrggẽẽnaa cĩ eet vẽlẽk hĩĩnnĩha, “Ĩĩnĩ nii ꞌJudeeinit nẽ aau hĩ ẽẽtĩ ꞌcĩ hõllõngaa ĩĩn ꞌJudeeinit. Inni gõõng nii ꞌtĩnganeek eet ꞌcĩg hõllõngaa ĩĩn ꞌJudeei hũnnẽẽcõ nyattalliook cĩg ꞌJudeei ho?

ꞌGalaaꞌthia 2:2

Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

ꞌGalaaꞌthia 2:5

Baa hõllõngaa hedecoothĩka naag ĩhõõggõ, tananga hĩdĩhĩdĩĩc haaga buúk, hĩnĩngĩtĩ haĩnna haala nyeemuut ꞌcĩ abũnnaa ꞌcĩ ĩĩn dĩdĩ ho hõrggẽẽnaa cunuung.

ꞌGalaaꞌthia 2:7

Iita ĩcĩnĩt ꞌthooyyiaha aĩ, baa ꞌthẽk aaꞌnya Nyekuci nganĩĩt dtiic ꞌcĩ hallimanẽẽkĩ eet ꞌcĩg hõllõngaa ĩĩn ꞌJudeei nyeemuut ꞌcĩ abũnnaa cĩ Yeesu Krĩstõ, haau hĩ baa aaꞌnyĩk nẽẽ Pẽẽtũrũ hillimaneek eet cĩg ꞌJudeei.

ꞌGalaaꞌthia 5:14

Arummiaa nyattalĩ vẽlẽk hĩĩ hõdẽẽthõng aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”

ꞌGalaaꞌthia 5:4

Nẽ ma adiimmu niig hataluung Nyekuci ꞌgõõlaa ꞌcĩ anuyyu nyattal cĩ Mũũꞌtha, eꞌngerrioou niig hĩ bũnnai cĩ Krĩstõ ꞌcĩ ĩllõõan vẽlẽk.

2 Tẽꞌthaloonika 2:14

Avvaannuung nẽẽ ngagiit nyeemuutaa ꞌcĩ abũnnaa ĩcĩnaang, hátĩ otholit bulẽẽnĩt cĩ Makayyioohit cĩnaac Yeesu Krĩstõ.

1 Timotteeo 1:14

Baa tarbal Makayyioohiti cĩnaac Yeesu Krĩstõ hĩ nganĩĩta. Baa aggatan nẽẽ rũgẽt caannĩ lemiitta, hĩ mĩnnaanaa haau hĩ loholeec cĩnnẽẽnĩ.

1 Timotteeo 1:3

Ma baa hũũha naa ĩĩcĩ Maccedoonia, baa haduhaakii nganiit hanneekii au nõõ ꞌtaaũnaa cĩ Eevvetho, hátĩ bĩlĩ eet ꞌcĩg allimaneek eet thõõth ꞌcĩ hõllõngaa ĩĩn dĩdĩ.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

2 Timotteeo 2:1

Nẽ nii loholeec caannẽẽnĩ, kõõm bũnnaiittaa ꞌcĩ aaĩ hĩ Yeesu Krĩstõ.

1 Pẽẽtũrũ 1:15

Nẽẽthĩ, hĩcĩ ẽllẽẽmĩth ẽẽtĩ baa aũũyyuung ngagiita, elleemit niig buúk thooꞌthiohĩ vẽlẽk ĩcĩg adĩmannu niiga.

2 Pẽẽtũrũ 1:3

ꞌTirriaanaa cĩnnĩ, aaꞌnyeet Nyekuci ngagĩĩt hẽlẽggĩ vẽlẽk ꞌcĩg hadiim naag haautti rũgẽtaa ꞌcĩ aaꞌnyĩk Nyekuc haccamanoothĩk. Hammũda naag hẽlẽggĩ iccig vẽlẽk ngaatĩ hau hagaĩ ĩnõõnnõ, baa aũũyyeet nẽẽ ngagĩĩt hiita hĩ ĩnõõnnõ bulẽẽttaa cĩnnĩ ĩcĩ ĩllõõan nẽ ẽllẽẽm gẽrrẽẽt.

Terethiinit 22:21

Aꞌnyĩĩk bũnnai cĩ Makayyioohit Yeesu haau hĩ eet ꞌcĩg ẽllẽẽmĩth cĩg Nyekuci.