ꞌGalaaꞌthia 1:21 - ꞌBuuk cĩ Thõõth cĩ Nyekuci

²¹ Ma baa uruta, hũũha ĩĩcĩ looc cĩ Thiiria, nĩngĩtĩ hõyõyyõrĩĩ ĩꞌthõng hõdõlan looc cĩ ꞌCilicia.

ꞌGalaaꞌthia 1:21 ပူးပေါင်းရင်းမြစ်များ

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

Dtiicanĩ cĩg ꞌThooyyiahu 13:1

Lothippitaa cĩ lemmiook cĩg Antiohĩ, baa aattĩg põrõvẽtaaꞌnya hĩ ꞌlimmanniook. Ĩhõõggõ Baarnaba hĩ ꞌThimiõõnẽ ꞌcĩ haĩ ꞌthaar ũgĩ Niger, hĩ Luuccio cĩ looc cĩ Cireene hĩ Manaaen ꞌcĩ baa ĩĩn ꞌgõõnĩ habu Ẽrõõdẽ hĩ ꞌThaaulo.

Dtiicanĩ cĩg ꞌThooyyiahu 15:23

Baa ẽhẽẽd nẽẽg waraga ꞌcĩ aĩ, Hĩꞌthõõakuung naag ꞌthooyyiaha hĩ makayyiook ꞌthaainit ngagiit vẽlẽk eet ꞌcĩg hõllõngaa iiginnu ꞌJudeei ꞌcĩg aattiyyu Antioha hĩ loonyinii cĩg Thiiria hĩ ꞌCilicia.

Dtiicanĩ cĩg ꞌThooyyiahu 15:41

Nĩngĩtĩ ĩꞌngaannĩ õõ adukni looc cĩ Thiiria hĩ cĩ ꞌCilicia, hõõt hirrioottĩk lothippiꞌnya cĩg lemmioohu.

Dtiicanĩ cĩg ꞌThooyyiahu 18:18

Baa aaĩ Paaulo ꞌtaaũnaa cĩ Korinthia waathinniook ꞌcĩg mẽẽlĩg. Ma ho, ĩtĩnga nẽẽ õtõd haahũl ũũk looccaa cĩ Thiiria. Baa ittioon Piriciilla hĩ Akwila ĩnõõnnõ. Ma baa nga hõtõd nẽẽ haahũl, ikia ũtũhũũc nõõ õõ cĩnnĩ ꞌtaaũnaa ꞌcĩ haĩ Cencerea, hĩnĩngĩtĩ lõbũtĩ ꞌcĩ baa abũtaneek nẽẽ Nyekuc.

Dtiicanĩ cĩg ꞌThooyyiahu 21:3

Ma urutaa ꞌcĩ hedeenyoꞌtha dtuung cĩ Ciporo ꞌcĩ aaĩ bũlũca hõrggẽẽna nẽ hẽꞌngẽrkẽẽthatta hoottia ĩĩcĩ hujjieen, hedeccieeha ĩꞌthõng looc cĩ Thiiria. Ma ho, hõõt hibillia ꞌtaaũnaa cĩ ꞌTire ngaatĩ baa õkõ adhuhaanĩ haahũlĩ cĩnaang ko ijjio.

Dtiicanĩ cĩg ꞌThooyyiahu 21:39

Ẽdẽcĩ Paaulo anneek, “Hĩĩnĩ naa ꞌJudeeinit nẽ harittia ꞌtaaũnaa cobbi cĩ ꞌTaartho looccaa cĩ ꞌCilicia. Ẽlẽ aꞌnyaa baaĩ nuun hothooꞌthioa hĩ eeta.”

Dtiicanĩ cĩg ꞌThooyyiahu 22:3

“Hĩĩnĩ naa ꞌJudeeinit ꞌcĩ harittia ꞌtaaũnaa cĩ ꞌTaartho, looccaa cĩ ꞌCilicia, nẽẽthĩ, baa halĩꞌtha ꞌtaaũnaa cĩ. Baa hĩĩnĩ naa loholeec cĩ ꞌthukuul cĩ ꞌGamalieelĩ ꞌcĩ hallimannia nyattaalaa cĩ nyakangaaꞌnya cĩggaac. Nẽ dĩdĩ, haccamanaa naa buúk Nyekuc haau hĩcĩ accamanaannu niig kõr nicci ho.

Dtiicanĩ cĩg ꞌThooyyiahu 23:34

Ma ho, itigiil ꞌgaalacĩ cobbi waraga, nẽ ijin Paaulo nẽ ũmmũda ngaatĩ akuuni nẽẽ looccaa cĩ ꞌCilicia.

Dtiicanĩ cĩg ꞌThooyyiahu 6:9

Nẽ baa aattĩg eeta cĩg ꞌJudeei ũgẽẽgĩ cĩg ꞌCieeth cĩ Laiitto ꞌcĩg haĩ Eet ꞌcĩg Õõgta ꞌcĩg baag abũrĩ Tẽẽvẽnõ. Baa ĩĩn ꞌJudeei cieeg ꞌcĩg au ꞌtaaũnaa cĩ Alethandria hĩ looccaa cĩ Cireene hĩ ꞌCilicia hĩ Aaꞌthia.

Dtiicanĩ cĩg ꞌThooyyiahu 9:30

Tõjõhõ hiita hummuddia nuyyiooha thõõth icci, nĩngĩtĩ ittiõõnĩ ꞌThaaulo, ĩꞌthõng ꞌtaaũn cĩ Caetharea. Ma ĩĩca, iꞌthooyyik ĩnõõnnõ hedeceek ꞌtaaũnaa cĩ ꞌTaartho.