ꞌGalaaꞌthia 1:10 - ꞌBuuk cĩ Thõõth cĩ Nyekuci

¹⁰ Hõllõngaa haini naa, hátĩ hatalit eeta, hadiimi naa hatal Nyekuci. Ammuku niig ainnu hadiimi naa hatalit eeta? Má baa hĩdĩman naa noho, occa ꞌyioko hõllõngaa hĩĩnĩ appahaca cĩ Krĩstõ.

ꞌGalaaꞌthia 1:10 ပူးပေါင်းရင်းမြစ်များ

Maatteeo 22:16

Ma ho, ĩꞌthooyyia nẽẽg nuyyiook cĩggĩĩng hõdẽĩ hĩ eet cĩg Ẽrõõdẽ, hiita hĩ ĩnõõnnõ. Iita uduktaak nẽẽg ĩnõõnnõ ĩĩttĩk, “ꞌLimmannioohit, hagayyi naag ĩĩnĩ eet ꞌcĩ abũnnaa nẽ allimani thõõth cĩ Nyekuci ꞌgõõlaa ꞌcĩ ĩĩn dĩdĩ. Acini nii eet vẽlẽk ꞌgõõlaa ꞌcĩ aduhõõ thõng nẽ hagayyia ngaatĩ hõllõngaa ũũhũĩ thõõth ꞌcĩ allimani, hĩnĩngĩtĩ thooꞌthiok ꞌcĩg aduhaaki eeta ꞌcĩg obbitig nganiita.

Maatteeo 28:14

Nẽ má ũũk ĩthĩk ꞌgaalacĩ cobbi thõõth icci, hothoothonna hatĩ hĩ ngagĩĩta nẽ hatĩ iittiõõ thõõth umwaa ꞌcĩ abathĩ hĩ ngagiit tõõ.”

Maatteeo 6:24

“Aitiõõ ẽẽtĩ ꞌcĩ occa adticanoothĩk makayyiook ꞌramma tõõ! Ma adĩman noho, occa hinnia hatĩ aaburreek makayyioohit umwa nẽ ĩmmĩnan umwa, hode occa hinnia hatĩ adticanoothĩk makayyioohit hõdẽẽthõng nẽ aabureek umwa. Aitiõõ niig hõllõngaa occa adticanoothiku Nyekuc hĩ ꞌrabbẽẽt hõdẽĩ.”

Dtiicanĩ cĩg ꞌThooyyiahu 12:20

Baa ẽggẽrꞌnyõõ habuui Ẽrõõdẽ hĩ eet cĩg ꞌtaaũn cĩ ꞌTire hĩ eet cĩg ꞌtaaũn cĩ ꞌThidõõnẽ gẽrrẽẽt. Nẽẽthĩ, baa ammũda lõõcĩ cĩnĩĩng ꞌgẽẽn dhoortaa ꞌcĩ baa aggam Ẽrõõdẽ. Nĩngĩtĩ akuuni lothippiti eetinii cĩggĩĩng, hõõt hothooꞌthio hĩ Balathto ꞌcĩ baa ĩĩn ꞌgaalac cobbi makayyioohĩĩ ꞌcĩg adticanoothĩk Ẽrõõdẽ. Iita amammaayanit eeta Balathto haꞌnyahit ganõn hõrggẽẽnaa cĩ ꞌtaaũnꞌnya cĩggĩĩng ꞌcĩg obbitig hĩ Ẽrõõdẽ.

Dtiicanĩ cĩg ꞌThooyyiahu 5:29

Ma ho, edecit Pẽẽtũrũ hĩ ꞌthooyyiak ũgĩ ĩĩttĩk, “Hõllõngaa hathĩkna naag eeta. Hathĩkna naag Nyekuc.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 2:29

Aitiõõ, ĩĩn ẽẽtĩ ꞌJudeeinit hatĩ ĩĩn ꞌJudeeinit ꞌthĩnĩtatõõ dĩdĩ nẽ hõllõngaa ĩĩn ciee ꞌteedinit cĩ ello, ĩĩn ꞌteedinit cĩ ꞌthĩnĩtõ Loriiaa ꞌcĩ Ẽllẽẽmĩthĩ nẽ hõllõngaa nyattaala ꞌcĩ eheeddi loota. Aku dĩhĩthẽẽnĩtĩ cĩ eet ꞌcĩ aaĩ hoti hĩ Nyekuc, hõllõngaa aku hĩ eeta.

ꞌRooma 2:8

Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt.

1 Korinthia 10:33

tananga hĩcĩ hattĩmani naa haaꞌnyĩk eet haccamattoothĩk ꞌgoolliohĩ vẽlẽk. Hĩnĩngĩtĩ hõllõngaa hadiimi naa bũnnai caannĩ dioo, hadiimi bũnnai cĩ eet ꞌcĩg mẽẽlĩg, hátĩ heellia nẽẽgĩ.

2 Korinthia 12:19

Unuuktihu baa niig ngaatĩ ammuku aĩ, hẽẽlanna naag eleeti cĩggaang? Baa hõthõõꞌtha thooꞌthiok ꞌcĩg aga Nyekuci buúk aĩ, hĩĩgĩnna nuyyiook cĩg Krĩstõ. Nẽ ꞌgotoonoga hĩ ngoonoga, ꞌgii vẽlẽk ꞌcĩ hadticanna naaga, hadticanna, hátĩ hõkõm lemiiniti cunuung hĩ Krĩstõ.

Eevvetho 6:6

Ĩthĩhĩt ĩhõõggõ, hõllõngaa hĩnĩngĩtĩ haccamattoothĩk nẽẽg hatĩ ebekuung ngagiit thõng diooni, nẽẽthĩ, ĩthĩhĩt ĩhõõggõ hĩ appahacaaꞌnya cĩg Krĩstõ ꞌcĩg adĩman tabiinit cĩ Nyekuci ꞌthinneetini dĩdĩ.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Kolooꞌthe 3:22

Niig appahacaaꞌnya, ĩthĩhĩt thooꞌthiok vẽlẽk ꞌcĩg aduhaakuung makayyiooha cugguung cĩg looc nicci, hõllõngaa hĩnĩngĩtĩ ebekuung nẽẽg ngagiit thõng, hode hatĩ accamanaannuung ngagiit thõng diooni, ĩthĩhĩt ĩhõõggõ ꞌthinneetini dĩdĩ hĩ tẽẽlꞌthĩtaa cĩ Makayyiookto.

1 Tẽꞌthaloonika 2:4

Baa accamanoothĩk Nyekuci ngaatĩ aaꞌnyeet ngagĩĩt nyeemuut cĩnnĩ ꞌcĩ abũnnaa nẽ baa hõllõngaa hõthõõꞌtha naag, hátĩ haccamattoothĩk eeta, Nyekuc dioo ꞌcĩ aga thõõth cĩ ꞌthinneeti cĩggaang, ĩnõõnnõ ꞌcĩ hadiimma naag haccamanoothĩk.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

1 Yõaannẽ 3:9

Hõllõngaa occa aalla adĩman lohollia cĩg Nyekuci ꞌthẽcan. Hĩnĩngĩtĩ aaĩ ꞌtirriani cĩ Nyekuci ꞌcĩ aaꞌnyĩk ĩhõõggõ rũgẽt nẽ aaꞌnyĩk ĩhõõggõ hĩĩtõ lõhõlĩ cĩgĩnnĩg, hátĩ hiittiõõ hõllõngaa ara adĩman ꞌthẽccan.