ꞌGalaaꞌthia 1:1 - ꞌBuuk cĩ Thõõth cĩ Nyekuci

¹ Nganĩĩt Paaulo ꞌthooyyiahit ꞌcĩ ĩꞌthõõannaa Yeesu Krĩstõ hĩ Nyekuc Baangeet, baa arũgtha Yeesu daahĩtha. Baa hõllõngaa ĩꞌthõõannaa nganĩĩt eeta hode ẽẽtĩ umwaa haaga.

ꞌGalaaꞌthia 1:1 ပူးပေါင်းရင်းမြစ်များ

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 20:21

Nẽ õbõdẽẽhĩ Yeesu õthõõth tarĩ ĩĩ, “Aꞌnyĩĩk ganõn haau hĩ ngagiita! Hĩ baa ĩꞌthõõannaa nganĩĩt Baaba, hĩꞌthooyyuung naa ngagiit buúk.”

Yõaannẽ 5:19

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.

Dtiicanĩ cĩg ꞌThooyyiahu 22:10

“Ma ho, hijina hĩĩnnĩha, ‘Hĩdĩman ꞌyioko hutuno Makayyioohit?’ “Ẽdẽcĩ anneeka, ‘Tĩnga nẽ uuhu Damaathĩko. Õkõ hatĩ adukiaaki ꞌgii ꞌcĩ adticani ĩĩca.’

Dtiicanĩ cĩg ꞌThooyyiahu 3:15

Uruktu eet ꞌcĩ aaꞌnyeet rũgẽt, nẽẽthĩ, baa ũrũgũtha Nyekuci ĩnõõnnõ daahĩtha. Hĩĩgĩnna ꞌyioko naag hẽbẽrĩ cĩg thõõth ꞌcĩ adtican nẽẽ ho.

Dtiicanĩ cĩg ꞌThooyyiahu 9:6

Nẽẽthĩ ꞌyioko, tĩnga bĩĩt ꞌtaaũnatõõ hũũk heterethoothihii thõõth ꞌcĩ hatĩ õkõ adĩmani.”

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 10:9

Hĩnĩngĩtĩ má uduha nii ũtũũgaa cunni iinu, “Ĩĩn Yeesu Makayyioohit,” nẽ elemu ꞌthĩnĩtaa cunni iinu, baa arũgtha Nyekuci ĩnõõnnõ daahĩtha, eellia hatĩnĩ.

ꞌRooma 14:9

Hĩnĩngĩtĩ thõõth icci, baa adaahĩ Krĩstõ nẽ ũrũga daahĩtha, hátĩ hĩĩ nẽẽ Makayyioohit cĩ daakiahu hĩ cĩ eet ꞌcĩg arũgĩ.

1 Korinthia 1:1

Nganĩĩt Paaulo baa ẽbẽraanna Nyekuci hĩĩ ꞌthooyyiahit cĩ Yeesu Krĩstõ tabiittaa cĩnnĩ, hõdẽĩ hĩ ꞌgotooneet Thõõthẽnẽ.

2 Korinthia 1:1

Nganĩĩt Paaulo ꞌcĩ hĩĩnĩ ꞌthooyyiahit cĩ Yeesu Krĩstõ, ꞌcĩ hẽhẽẽdakuung waraga icci, hĩnĩngĩtĩ baa ẽbẽraawa nganĩĩt Nyekuci thõõthaa cĩ. Harũmeenna hĩ Timotteeo ꞌcĩ ĩĩn lemmioohit hĩ naa buúk. Hĩꞌthõõakuung naa ngagiit waraga icci, lemmiook cĩg ꞌtaaũn cĩ Korinthia hĩ lothippit cĩ lemmiook vẽlẽk ꞌcĩg aattĩg looccaa cĩ Acaia.

ꞌGalaaꞌthia 1:15

Nẽẽthĩ, baa nga hittirria naana, baa ẽbẽraawa Nyekuci nganĩĩt nẽ ũtũvvaawa bũnnaiittaa cĩnnĩ. Nĩngĩtĩ accamanõõthĩkĩ nẽẽ

ꞌGalaaꞌthia 1:17

Nẽ nga hũũk ꞌJeruꞌthalẽma, hũũk hijin ꞌthooyyiak cĩg Yeesu, baag uwwattaa hĩ nganĩĩt thõõth umwa. Hõkõ hinnia hedeceehi cũrũmũũm ĩĩcĩ battaali cĩ Arabia, ma baa uruta, hikia hobodootha ĩĩcĩ ꞌtaaũn cĩ Damaathĩko.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

2 Timotteeo 1:1

Nganĩĩt Paaulo ꞌthooyyiahit cĩ Yeesu Krĩstõ. Baa Nyekuc ꞌcĩ ẽbẽraanna nganĩĩt nẽ aaꞌnya rũgẽt baa aduha nẽẽ aĩ, aku hĩ Yeesu Krĩstõ.

Tiito 1:3

Ma kõr baa ẽbẽraanna nẽẽ nganĩĩta, ikia uppulanaaha Nyekuci Ellioohiti cĩnaac nyeemuut icci, ꞌlimmaanaa baa aaꞌnyĩhoothĩkaa nganĩĩta.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.