Eevvetho 6:9 - ꞌBuuk cĩ Thõõth cĩ Nyekuci

⁹ Nẽ niig makayyiooha, ĩdĩmanit niig buúk appahacaaꞌnya cugguung jurrung. Ma hadĩmannu ĩhõõggõ ꞌbuth, hĩnĩngĩtĩ agayyu niig aꞌnyak nẽẽg buúk Makayyioohit ꞌcĩ aaĩ hẽẽtahujjieen ꞌcĩ aduhõõ hĩ ꞌcĩ aꞌnyaku niiga, makayyioohit ꞌcĩ hõllõngaa ahal eeta.

Eevvetho 6:9 ပူးပေါင်းရင်းမြစ်များ

Maatteeo 22:10

Nĩngĩtĩ õõĩ dticcianniooha ꞌgoolliohĩ nẽ uluttia eet vẽlẽk ꞌcĩg ammũda nẽẽgĩ, ꞌcĩg abũnnaa hĩ ꞌcĩg abathĩ nẽ ikia ĩbbĩt ꞌcieeth cĩ karramaaõ.

Maatteeo 22:8

“Nĩngĩtĩ aduhaakĩ dticcianniook cĩgĩnnĩg annẽẽkĩ, ‘Hũkũmaneeha karrama cĩ nyahũũtaaõ ẽlẽk, nẽẽthĩ hinnia, occa baa hõllõngaa havva naa eet iccig.

Maatteeo 24:48

Má occa hummuk dticciannioohiti ꞌcĩ abathĩ nẽ ĩĩ, ‘Nga baaĩ nẽẽ aayyiaa nganĩĩt baattĩ olu ĩꞌthõng,’

Maatteeo 24:51

Aku hatĩ uuk baattĩ olu dticciannioohit niccia ꞌbuth nẽ itiggia ĩnõõnnõ dtiicaa cĩnnĩ, hõõt hũrũmtĩ hĩ oloꞌngiaak, ngaatĩ arruuẽnĩ eeta hadahit nyĩgĩt huciitha.”

Maatteeo 7:12

Nẽẽthĩ hẽlẽggẽẽnnĩ vẽlẽk, ĩdĩmatteek ꞌgoonogu thooꞌthiok vẽlẽk ꞌcĩg adiimmu niig hĩdĩmatteehuung nẽẽg ngagiita, hĩnĩngĩtĩ arũma thõõth ciee Nyattal hĩ thõõth cĩ Põrõvẽtaaꞌnyanu vẽlẽk.

ꞌLuuka 6:31

Ĩdĩmatteek ꞌgoonogu thooꞌthiok ꞌcĩg occa adiimmu niig ĩhõõggõ hĩdĩmatteehuung ngagiita.

Yõaannẽ 13:13

Aũũyyaangu niig nganĩĩt anneekaangu ꞌLimmannioohit hĩ Makayyioohit cunuung nẽ ẽbẽaneeku, hĩnĩngĩtĩ hĩĩnĩ eet tĩho dĩdĩ.

Dtiicanĩ cĩg ꞌThooyyiahu 10:34

Ma ho, iꞌthianaaĩ Pẽẽtũrũ õthõõth ĩĩ, “Nẽ ꞌyioko hagawa dĩdĩ Nyekuc dioo ꞌcĩ hõllõngaa ahal eeta,

ꞌRooma 2:11

Hĩnĩngĩtĩ hõllõngaa ahal Nyekuci eeta.

1 Korinthia 1:2

Hẽhẽẽdakuung naa ngagiit waraga, lothippit cĩ lemmiook cĩg Nyekuci ꞌtaaũnaa cĩ Korinthia. Baa ẽbẽraauung Yeesu Krĩstõ ngagiit ĩĩtõ eet cĩgĩnnĩg dẽẽdẽ nẽ alayyioou ꞌthaarĩĩ cĩgĩnnĩg, haau hĩcĩ ꞌyioko hala naag hĩ eet ũgĩ vẽlẽk ꞌcĩg aũ ĩnõõnnõ anneek Makayyioohit.

1 Korinthia 7:22

Ma baa ẽbẽra Makayyioohiti appahacaaꞌnya, iita ĩĩtõ nẽẽg eet cĩgĩnnĩg ꞌcĩg õõgta. Nẽ ma ẽbẽra nẽẽ eet ꞌcĩg õõgta ẽlẽk, iita ĩĩtõ nẽẽg appahacaaꞌnya cĩg Krĩstõ.

Kolooꞌthe 3:25

Nẽẽthĩ, ẽẽtĩ ꞌcĩ adĩman thõõth ꞌcĩ abathĩ, adĩmanoothĩk hatĩ ĩnõõnnõ buúk thõõth ꞌcĩ abathĩ nẽ aitiõõ haliiniti tõõ.

Kolooꞌthe 4:1

Niig makayyiooha, ĩdĩmatteek appahacaaꞌnya cugguung thooꞌthiok ꞌcĩg abũnnaa ꞌcĩg aũlanĩ, hĩnĩngĩtĩ agayyu niig buúk ngaatĩ aꞌnyaku Makayyioohit cunuung hẽẽtahujjieen.

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.

ꞌJeemith 2:8

Má aꞌthuunnu niig nyattal ꞌcĩ aaddi ꞌcĩ eheeddi ꞌBuuhaa cĩ Nyekuci ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnannu eleeti cugguung,” occa thĩ adĩmannu thõõth ꞌcĩ aũlanĩ.

ꞌJeemith 5:4

Ĩthĩktõ! Ĩthĩhĩt ulwa cĩ dticcianniook cĩg manẽẽn cugguung, baag iggoollu hõllõngaa adũmannu ꞌrabbẽẽt cĩggĩĩng. Allweekuung ngagiit ꞌrabbẽẽta tĩko, baag edennu niiga. Õdõlan ulwaanĩ cĩ dticcianniook cĩg manẽẽn cugguung, Makayyioohit cĩ ũũrũta cĩ hẽẽtkujjieen.