Eevvetho 5:8 - ꞌBuuk cĩ Thõõth cĩ Nyekuci

⁸ Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,

Eevvetho 5:8 ပူးပေါင်းရင်းမြစ်များ

Maatteeo 3:8

Idticanit thooꞌthiok ꞌcĩg ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ.

Maatteeo 4:16

Tananga aattĩg eeta cugunnig muguratõõ, acĩn hatĩ nẽẽg lanyit ꞌcĩ õõppẽr. Tananga aattĩg nẽẽg muguraa cĩ daahĩthõõ, attũlla hatĩ lanyit ĩhõõggõ.”

ꞌLuuka 1:79

hikia hũttũhũla eet ꞌcĩg aattĩg muguratõõ, hĩ ꞌcĩg aattĩg ꞌriiyyia cĩ daahĩthõõ nẽ eteretheheet ngagĩĩt ꞌgõõl ꞌcĩ haattiyyi lõꞌngõõc.”

ꞌLuuka 16:8

“Ma ho, ikia accamana ballioohiti dticciannioohit ꞌcĩ ĩĩn oloꞌngiaahit ko gẽrrẽẽt, ngaatĩ ẽggẽẽꞌnyĩ nẽ ĩdĩman eet ꞌcĩg acuhan ijjio jurrung. Nẽ dĩdĩ, ẽggẽẽnyĩth eeta cĩg looc nicci, ngaatĩ adĩmanĩ ꞌgõõnõgĩ jurrung hĩllõõanit eet cĩg lanyitaak.

Yõaannẽ 1:9

Lanyit ꞌcĩ ĩĩn dĩdĩ, ꞌcĩ aku aara hĩ eet vẽlẽk ko, aku hĩ eet loota nĩnga.

Yõaannẽ 12:35

Ẽdẽcĩ Yeesu ĩhõõggõ anneek, “Aaĩ hatĩ lanyit hĩ ngagiit ꞌthaa ꞌcĩ huturi haaga. Õtõõc nga aꞌnyaku lanyit, nga hikia muguuri hĩ ngagiita. Ẽẽtĩ ꞌcĩ õvvõ muguratõõ, ẽrẽk nĩngĩtĩ õkõõĩ.

Yõaannẽ 12:36

Elemit lanyit nga arũmeennu ho nẽ hatĩ iita iittu lõhõlĩ cĩg lanyitaak.” Ma baa ẽdẽcaak Yeesu thõõth, ikia ũũk nẽẽ utuguny ẽlẽ cĩnnĩ.

Yõaannẽ 12:46

Baa hakuu naa loota nĩnga hĩĩ lanyit, hatĩ hiittiõõ eeta ꞌcĩg ẽlẽmma nganĩĩt hõllõngaa aattĩg muguratõõ.

Yõaannẽ 8:12

Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Dtiicanĩ cĩg ꞌThooyyiahu 17:30

Baarkit, baa ũtũngeek Nyekuci ꞌgiithẽnĩt ꞌcĩ alaĩ eeta nyekuꞌnya ꞌcĩg hõllõngaa ĩĩn dĩdĩ, hĩnĩngĩtĩ baa hõllõngaa aga eeta thooꞌthiok ꞌcĩg baag adĩman nẽẽgĩ. Nẽẽthĩ ꞌyioko, uduhaak Nyekuci eet loonyini vẽlẽk hũtũngteek ꞌthẽccanẽẽt cĩggĩĩng.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

ꞌRooma 1:21

Tananga baa aga ꞌthẽccanniooha Nyekuc, baa hõllõngaa abuluth nẽẽg ĩnõõnnõ haau hĩ Nyekuci dĩdĩ, hode anneek ĩnõõnnõ ĩlaallẽ, nẽẽthĩ, ikia ẽꞌthẽcanĩ muhẽẽnĩtĩ cĩnĩĩng nẽ abathit ꞌthinneeti cĩggĩĩng.

ꞌRooma 13:12

Õbõhĩ edeccia baalini nẽ uppwaanna hatĩ kõrra. Occa hõllõngaa haattĩg naag hĩ eeta ꞌcĩg aattĩg muguuratõõ, hũkũmattoothĩk haaut lanyita.

ꞌRooma 2:19

Aga nii ngaatĩ ĩĩnnĩ ꞌtiꞌthittioohit cĩ eet ꞌcĩg rubettĩg nẽ iinu lanyit cĩ eet ꞌcĩg aattĩg muguratõõ,

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

2 Korinthia 6:14

Iliittia eet ꞌcĩg hõllõngaa ĩĩn lemmiook cĩg Krĩstõ. Occa gõõng õõkõrõõ eeta ꞌcĩg abũnnaa hĩ eet ꞌcĩg abathĩ? Hode aduhõõ gõõng lanyit hĩ muguur?

ꞌGalaaꞌthia 5:25

Aaꞌnyeet ngagĩĩt Lorii ꞌcĩ Ẽllẽẽmĩth rũgẽt nẽ ꞌyioko hũnnẽẽc naag buúk Lori ꞌcĩ Ẽllẽẽmĩthĩ.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

Eevvetho 4:18

Adĩĩtĩ ĩhõõggõ ooti pĩd nẽ ĩĩtõ ꞌrẽẽttĩg hĩ authet cĩ Nyekuci, hĩnĩngĩtĩ aggiithi nẽẽg nẽ aalla õkõmĩ ĩhõõggõ ooti kak.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Eevvetho 6:12

Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen.

Kolooꞌthe 1:12

Halayyi naa, hátĩ ĩĩttĩk Nyekuc Baangeet ĩlaallẽ, ngaatĩ aaꞌnyuung ngagiit otholit hĩ ĩnõõnnõ thõõth baa aduhaak nẽẽ eet ꞌcĩg aattĩg habuccieetaa cĩ lanyito.

Kolooꞌthe 1:13

Ikia ẽẽlaeet Nyekuci ngagĩĩt habuccieetaa cĩ ꞌThĩttaanõ nẽ aꞌnyahaaeet habuccieetaa cĩ Ngeerĩnĩ ꞌcĩ ammĩnan nẽẽnĩ,

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.