Eevvetho 5:3 - ꞌBuuk cĩ Thõõth cĩ Nyekuci

³ Ma haaꞌnyiku thooꞌthiok ꞌcĩg ĩĩn ꞌriiring hẽdẽẽnyta hõrggẽẽnaa cunuung hode ainnu ngaam ngaam, hĩnĩngĩtĩ ĩĩn cieeg thooꞌthiok ꞌcĩg abathĩ ꞌcĩg occa hõllõngaa adĩman eeta ꞌcĩg ẽllẽẽmĩth cĩg Nyekuci.

Eevvetho 5:3 ပူးပေါင်းရင်းမြစ်များ

Luugithõõ 18:21

Nẽẽthĩ, bẽra eet ꞌcĩg ũũlũ thooꞌthiok hõrggẽẽnaa cĩ eet vẽlẽk, eet ꞌcĩg iꞌngolli Nyekuc hĩ eet ꞌcĩg aduha thooꞌthiok ꞌcĩg ĩĩn dĩdĩ nẽ abũrĩ ĩgõr. Arĩĩk ĩhõõggõ hĩĩtõ makayyiook ꞌcĩg aggam eet aalibꞌnya, hĩ ꞌcĩg aggam eet ꞌmiia hõdẽĩ, hĩ ꞌcĩg aggam eet hẽẽn ꞌtur, hĩ ꞌcĩg aggam eet õmmõtõ.

Luugithõõ 20:17

Ma habũraneehi ꞌcieeth cĩ eet ꞌcĩ aaronnu. Ma habũraneehi ngaa cĩ eet ꞌcĩ aaronnu hode dticciannioohit cĩnnĩ ꞌcĩ maacĩ hode ꞌcĩ ngayyi hode olĩ cĩnnĩ hode thigir cĩnnĩ hode ꞌthẽk ꞌgiimwa cĩ eet ꞌcĩ aaronnu.”

Luugithõõ 23:13

“Ũnnẽẽc thooꞌthiok vẽlẽk ꞌcĩg haduhaakuung naa ho jurrung. Ma halayyu nyekuꞌnya ũgĩ haaga. Ma ꞌthẽk habbuuꞌngu ꞌthaarriok cĩggĩĩng ũdũt.

Maatteeo 15:19

Adukna ꞌthinneetini cugguung muhẽẽnĩtĩ ꞌcĩ abathĩ, ruhẽẽnĩt hĩ ꞌtihẽẽnĩt cĩ ngaa cĩ eeto, hĩ ꞌtihõõnĩt tahatak, hĩ ĩgõr hĩ thooꞌthiok ꞌcĩg addangaakĩ eeta ꞌgõõnõgĩ hĩ ngaatĩ aduhaanĩ eeta thooꞌthiok ꞌcĩg abathĩ hẽꞌthẽcanit ꞌthaar cĩg eet umwa.

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 16:14

Ma baa athĩhĩ Variꞌtheei thõõth icci ho, iita atararri nẽẽg Yeesu ꞌbuth, hĩnĩngĩtĩ ĩĩn nẽẽg eet ꞌcĩg ammĩnan ꞌrabbẽẽta.

Dtiicanĩ cĩg ꞌThooyyiahu 15:20

Nẽẽthĩ hinnia, occa heheedĩk ĩhõõggõ waraga ꞌcĩ haduhaakĩ hũtũngteek ngaatĩ adahĩ ꞌgiimwa ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya. Occa adukiaak ĩhõõggõ hiittiõõ hõllõngaa adak iding umwa ꞌcĩ acud eeta thõng, hode iding ꞌcĩ nga aꞌnyak biyyi. Nẽ occa adukiaak ĩhõõggõ hũtũngteek ꞌthẽccan ꞌcĩ abathĩ dtẽc ꞌcĩ attihi ngaaĩ tahatak.

Dtiicanĩ cĩg ꞌThooyyiahu 20:33

Nga hũbũraneek maccĩrẽẽn hode ceremwa cĩg eet umwa ũdũt.

ꞌRooma 1:29

Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

ꞌRooma 16:2

Halayyuung naa ngagiit elemit ĩnõõnnõ ꞌthaarĩĩ cĩg Makayyiooktak, ꞌgõõlaa ꞌcĩ abũnnaa ĩcĩ lemmioohu nẽ aanytĩk eliinit vẽlẽk ꞌcĩ horoong adiim nẽẽ hĩ ngagiita, hĩnĩngĩtĩ gõõng ẽẽl nẽẽ eet ꞌcĩg mẽẽlĩg gẽrrẽẽt hĩ nganĩĩt buúk.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

1 Korinthia 10:8

Occa hõllõngaa hadĩman naag buúk thooꞌthiok ꞌcĩg ĩĩn ꞌriiring, hĩ baa adĩman eeta ũgẽẽgĩ hõrggẽẽnaa cĩnĩĩng nẽ waathĩna hõdẽẽthõng, iita adaahito aalibꞌnya hẽẽn ꞌramma hĩ iyyio (23,000) hõrggẽẽnaa cĩnĩĩng.

1 Korinthia 5:1

Baa hathihi naa aĩ, aattĩg eeta ũgẽẽgĩ ꞌcĩg adĩman thooꞌthiok ꞌcĩg ĩĩn ꞌriiring hõrggẽẽnaa cunuung. Nẽ dĩdĩ, abaꞌthioothu niig ĩllõõattu eet ꞌcĩg hõllõngaa aga Nyekuc. Aĩ oogin aattĩ ẽẽtĩ hĩ ngamaacõnĩ.

1 Korinthia 6:13

Nẽ tarĩ iittu niig, “Ĩĩn ꞌgẽẽn cĩ heengu nẽ ĩĩ hẽẽng cĩ ꞌgeeno,” nẽẽthĩ, aruk hatĩ Nyekuci ĩhõõggõ ꞌrammaattĩg. Hõllõngaa ĩĩn ẽlẽ ꞌcĩ hadticanĩ thooꞌthiok ꞌcĩg ĩĩn ꞌriiring, nẽẽthĩ, ĩĩn ẽlẽ cĩ Makayyiookto nẽ ĩĩ Makayyioohiti cĩ ello.

1 Korinthia 6:18

Iliittia thooꞌthiok ꞌcĩg ĩĩn ꞌriiring. Nẽ ꞌthẽccanẽẽta ũgẽẽgĩ vẽlẽk ꞌcĩg ẽꞌthẽcan ẽẽtĩ, aattĩg ẽllaa cĩnnĩ battaala, nẽẽthĩ, ẽẽtĩ ꞌcĩ adĩman ꞌthẽccan ꞌcĩ attihi ngaaĩ tahatak, adĩman ꞌthẽccan cĩ ẽlẽ cĩnnĩ ẽmmẽn.

2 Korinthia 12:21

Hiteelli naa haini ma hõbõda tarĩ, aaꞌnya hatĩ Nyekuci nganĩĩt ngaaoni hõrggẽẽnaa cunuung. Nẽ homoꞌthi hatĩ naa, hĩnĩngĩtĩ mẽẽlĩg eeta ꞌcĩg nga hũtũngteek ꞌthẽccanẽẽt cĩggĩĩng baag ꞌrẽẽttĩg. Nga mẽẽlĩg eeta ꞌcĩg adĩman hẽlẽggĩ ꞌcĩg ĩĩn ꞌriiring, ꞌwaangĩth, hĩ thooꞌthiok ꞌcĩg hõllõngaa aũlan lothippita, hĩ thooꞌthiok ꞌcĩg aaꞌnyeet ngaaoni.

Eevvetho 5:12

Hĩnĩngĩtĩ thooꞌthioha ꞌcĩg adĩman eeta ꞌcĩg hõllõngaa athĩhĩ Nyekuc burkiitina, haꞌngaaõn ngaatĩ occa habbũũngĩ.

Eevvetho 5:5

Hĩnĩngĩtĩ thooꞌthiok iccig agaac jurrung ĩĩtõ, aitiõõ ẽẽtĩ ꞌcĩ adĩman hẽlẽggĩ ꞌcĩg ĩĩn ꞌriiring hode ẽẽtĩ ꞌcĩ aĩ ngaam ngaam, hõllõngaa hatĩ arigith ꞌgiimwa habuccieetaa cĩ Krĩstõ hĩ ĩcĩ Nyekuci, hĩnĩngĩtĩ ala eet ꞌcĩ aaĩ hoti, hẽlẽggĩ ꞌcĩg aar eeta hĩĩtõ nyekuꞌnya.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

1 Tẽꞌthaloonika 4:3

Adiimmuung ngagiit Nyekuci aꞌnyahit ꞌthinneeti ꞌcĩg ẽllẽẽmĩthĩ nẽ ma hattihoonnu tahatak.

1 Tẽꞌthaloonika 4:7

Baa avvaanneet ngagĩĩt Nyekuci hiita hĩĩtõ eet ꞌcĩg ẽllẽẽmĩth, ꞌcĩg haburi thooꞌthiok ꞌcĩg ĩĩn ꞌriiring.

1 Timotteeo 2:10

Nẽ ngaaĩ ꞌcĩg aĩ halayya nẽ hĩmmĩnatta Nyekuc, aꞌnyĩĩk hĩdĩmatteek ꞌgõõnõgĩ thooꞌthiok ꞌcĩg abũnnaa.

1 Timotteeo 3:3

Abũnnaa ĩĩn eet ꞌcĩ hõllõngaa ĩĩn duuttiahit hode ahaattiohit, abũnnaa ĩĩn eet ꞌcĩ alalĩ ꞌthĩnĩt. Abũnnaa ĩĩn eet ꞌcĩ arũmĩ hĩ eet vẽlẽk lõꞌngõõc nẽ hõllõngaa ammĩnan ꞌrabbẽẽta.

1 Timotteeo 6:10

Hĩnĩngĩtĩ má haangal ꞌrabbẽẽtĩ, hau hadtican thooꞌthiok vẽlẽk ꞌcĩg abathĩ. Aauto eeta ũgẽẽgĩ ꞌcĩg ꞌthẽk ummuhit ꞌrabbẽẽt diooni nẽ ataarriothĩ thõõth cĩ lemiinit cĩ Nyekuci nẽ aaꞌnyĩk ĩhõõggõ hiita haccanattĩ nẽ ummuddia pĩĩrnanĩt ꞌcĩ ahuci gẽrrẽẽt haaga noho.

2 Timotteeo 3:2

Ammĩnan hatĩ eeta eleeti cĩggĩĩng ẽmmẽn nẽ ĩmmĩnanit ꞌrabbẽẽt, athĩngõõnyan nẽ uduulito eleeti, odoommi tahatak nẽ iittiõõ hõllõngaa athĩhĩ maajihi nẽ hõllõngaa anneek eet ĩlaallẽ nẽ ũtũbũrĩt ngaatĩ anũĩ thõõth cĩ Nyekuci.

Tiito 1:11

Bĩlĩ ꞌlimman cĩnĩĩng abathĩ ho, hĩnĩngĩtĩ accanan ꞌlimmanĩ cĩnĩĩng ko halaꞌngiook ꞌcĩg mẽẽlĩg nẽ aduha nẽẽg õlõng cĩnĩĩng ko, hátĩ hummuddia ꞌrabbẽẽta.

Tiito 1:7

Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

Tiito 2:3

Nẽ ꞌgõõlaa nĩĩcĩ dioo, ꞌlimman morwak buúk, haauto ꞌgõõlaa ꞌcĩ accamana Nyekuci. Aꞌnyĩĩk hiittiõõ hõllõngaa addangaak eet umwa haaga nẽ ma hahuddu mẽrtĩ gẽrrẽẽt. Aꞌnyĩĩk hillimanit thõõth ꞌcĩ abũnnaa cĩ Nyekuci.

Ebereei 12:16

Ma hẽlẽmaaku eet umwa ꞌcĩ adĩman thooꞌthiok ꞌcĩg ĩĩn ꞌriiring nẽ ũtũbũr Nyekuc hĩ baa Eꞌthaau, baa ũũtẽnĩ ꞌgattan cĩnnĩ cĩ ꞌtirriaattõ, hĩnĩngĩtĩ ahat ꞌcĩ baa aduk tabattĩ hõdẽẽthõng.

1 Pẽẽtũrũ 5:2

Ũtũhaac eet ꞌcĩg aaꞌnyuung Nyekuci ngagiita. Idticattoothĩk ĩhõõggõ jurrung, hõllõngaa hĩnĩngĩtĩ attĩnganoothikuung thõng, nẽẽthĩ, hĩnĩngĩtĩ accamanaannu ngaatĩ adticanoothiku Nyekuc, hõllõngaa hĩnĩngĩtĩ hátĩ ummuddia ꞌrabbẽẽta.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.

Terethiinit 2:14

“Haꞌnyahi naa thooꞌthiok ꞌcĩg abadtẽc ꞌcĩg hatabi haduhaakuunga, ꞌcĩg nga adĩmannu niig ꞌgõõlaa ꞌcĩ abathĩ. Aattĩg eeta ũgẽẽgĩ hõrggẽẽnaa cunuung ꞌcĩg anũ ꞌlimman cĩ Balaamĩ, eet baa eterꞌtheek Balak haaꞌnyĩk eet cĩg Ĩꞌthĩraẽlĩ hĩdĩmanit thooꞌthiok ꞌcĩg abathĩ. Baarkit, baa alũllũũmaneek Balaamĩ eet hẽꞌthẽcattõõ ꞌgõõlaa ꞌcĩ aduhi ꞌgeenniok ꞌcĩg aaꞌnyĩk eeta hẽlẽggĩ ꞌcĩg aar nẽẽg hĩĩtõ nyekuꞌnya hatĩ alayyi. Nẽ ũlũllũũmaneek hitikto tahatak.

Terethiinit 2:21

Haaꞌnyĩha naa ĩnõõnnõ kõr ꞌcĩ ũũnnĩkĩ ꞌthẽccanẽẽt cĩgĩnnĩg ꞌcĩg adĩmani ꞌwaangĩꞌthẽẽt ko nẽ aitiõõ hinnia hõllõngaa adiim ũũnnĩk nẽẽ thooꞌthiok cĩgĩnnĩg ꞌcĩg ĩĩn ꞌriiring ko buúk.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”

Terethiinit 22:15

Ma battaala ꞌtaaũna, baa aattĩg eeta ꞌcĩg aattĩg hĩ ũthũrẽẽta ꞌcĩg adĩman thooꞌthiok ꞌcĩg ĩĩn ꞌriiring, hĩ buuyyiak hĩ ngarĩta hĩ eet ꞌcĩg adtican thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ ꞌcĩg eetuk tahatak, hĩ eet ꞌcĩg aruk ꞌgõõnõgĩ, hĩ ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya, hĩ eet ꞌcĩg accamana ngaatĩ õthõõthĩ õlõng ooo haaga nẽ otongomit ꞌgõõnõgĩ.

Terethiinit 9:21

Baa aitiõõ hõllõngaa ũũhũ eeta cieeg ꞌthinneeti cĩggĩĩng hĩ authet ꞌcĩ aruhi eet. Baa aalla ẽlẽmĩ nẽẽg hẽlẽggĩ ꞌcĩg ĩĩn õlõng, hĩ thooꞌthiok cĩg ꞌwaangĩꞌthẽẽtak hĩ ĩgõr cĩnĩĩng.