Eevvetho 4:9 - ꞌBuuk cĩ Thõõth cĩ Nyekuci

⁹ Ma aĩ, “Baa õtõd nẽẽ hẽẽtahujjieen,” aĩ thõõth ciee, baa aaĩ Krĩstõ loota nĩnga.

Eevvetho 4:9 ပူးပေါင်းရင်းမြစ်များ

ꞌThianaattõ 11:5

Ma ho, ulluuccia Makayyioohiti Nyekuci loota hikia hĩcĩn ꞌtaaũn hĩ ꞌcieeth ꞌcĩ uuni ꞌcĩ ẽhẽnyĩt eeta niccieeg ko,

Luugithõõ 19:20

Ma ho, ulluucciak Makayyioohiti Muur cĩ ꞌThĩnaĩ nẽ ũtũvvũ Mũũꞌtha hõtõd muura hujjieen. Nĩngĩtĩ õtõdĩ Mũũꞌtha õkõõĩ,

Maatteeo 12:40

Hĩnĩngĩtĩ baa aaĩ Yõõna hẽẽngatõõ cĩ ulugooc cobbi waathinniook iyyio hĩ baalinniook iyyio, hĩcĩ hatĩ aaĩ Ngeertĩ Eeto ꞌloohatõõ, waathinniook iyyio hĩ baalinniook iyyio buúk.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Yõaannẽ 3:13

Nga hõdõlan ẽẽtĩ umwaa õlõ cĩ Nyekuci hẽẽtahujjieen, nganĩĩt dioo Ngeertĩ Eeto, ꞌcĩ baa halluuccia hakuu loota nĩnga, ꞌcĩ hõdõlana õlõ cĩ Nyekuci.

Yõaannẽ 6:33

Nẽ ũbũnĩ ꞌcĩ aaꞌnyĩk Nyekuci eet ko, ĩnõõnnõ ꞌcĩ alluuccia hẽẽtahujjieen hikia haaꞌnyĩk eet cĩg looc nicci rũgẽt.”

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Yõaannẽ 6:41

Ma nĩngaata, iita ongoongoyyieek eeta cĩg ꞌJudeei ĩnõõnnõ, hĩnĩngĩtĩ aĩ nẽẽ, “Hĩĩnĩ ũbũnĩ ꞌcĩ aku hẽẽtahujjieen.”

Yõaannẽ 6:51

Hĩĩnĩ naa ũbũnĩ cĩ rũgẽtõ baa alluuccia hẽẽtahujjieen. Eeta ꞌcĩg aduk ũbũnĩ icci, arũgĩ hatĩ nẽẽg ũdũt. Ĩĩn ũbũnĩ ciee ẽlẽ caannĩ ꞌcĩ hatĩ haaꞌnyihi eet cĩg looc nicci, hátĩ hũrũgĩt.”

Yõaannẽ 6:58

Ũbũnĩ baa aku hẽẽtahujjieen cieeni. Baa aduk hĩbaangĩ cugguung manna nẽ aalla adaahĩ noho, nẽẽthĩ, ẽẽtĩ ꞌcĩ aduk ũbũnĩ icci, arũgĩ hatĩ nẽẽ ũdũt.”

Yõaannẽ 6:62

Ma hatĩ ꞌyioko icittu Ngeertĩ Eeto ngaatĩ õtõdĩ õkõõĩ hẽẽtahujjieen ĩĩ baa akuuni!

Yõaannẽ 8:14

Ẽdẽcĩ Yeesu anneek, “Tananga hothoothi thõõth cĩ ẽlẽ caannĩ ẽmmẽn, hothoothi thõõth ꞌcĩ ĩĩn dĩdĩ. Hĩnĩngĩtĩ haga naa nĩngĩtĩ baa hakuuni nẽ hagawa ꞌgõõl ꞌcĩ hõkõõĩ. Nẽẽthĩ, aitiõõ hõllõngaa agayyu niig nĩngĩtĩ hakuuni hĩ nĩngĩtĩ hõkõõĩ naa ho.

Ebereei 2:7

Hĩnĩngĩtĩ irritanaa nii ĩnõõnnõ hĩdĩhĩdĩĩc hĩllõõan aajĩlẽẽt nẽ itihimẽẽhĩ ĩnõõnnõ temedek cĩ bulẽẽttõ hĩ ꞌcĩ iꞌngoliini eeta ĩnõõnnõ.

Ebereei 2:9

Hĩcĩnĩt naag Yeesu baa arritanniaa hĩdĩhĩdĩĩc hĩllõõan aajĩlẽẽt. Nẽẽthĩ ꞌyioko, itihimoothĩk ĩnõõnnõ tẽmẽdẽhĩ cĩ bulẽẽttõ hĩcĩ tẽẽlꞌthĩtõõ, hĩnĩngĩtĩ baa adaak nẽẽnĩ. Bũnnaiittaa cĩ Nyekuci dĩdĩ, ikia atar Yeesu daahĩth hĩnĩngĩtĩ eet vẽlẽk.