Eevvetho 4:7 - ꞌBuuk cĩ Thõõth cĩ Nyekuci

⁷ Baa eꞌngereeheet Krĩstõ ꞌthĩnĩtaa cĩnnĩ ꞌcĩ callĩ ꞌbaaninit ngagĩĩt vẽlẽk.

Eevvetho 4:7 ပူးပေါင်းရင်းမြစ်များ

Maatteeo 25:15

Baa aaꞌnyĩk nẽẽ dticciannioohit umwa ꞌrabbẽẽt ꞌtalẽnꞌnya ꞌtur nẽ aaꞌnyĩk umwa ꞌtalẽnꞌnya ꞌramma nẽ aaꞌnyĩk umwa ꞌtalẽn hõdẽẽthõng. Eꞌngereek nẽẽ ĩhõõggõ dtiicanĩ ꞌcĩg occa ũũlũ nẽẽgĩ, nĩngĩtĩ õkõõĩ hẽẽrõnaa cĩnnĩ.

Yõaannẽ 3:34

Hĩnĩngĩtĩ ẽẽtĩ baa ĩꞌthõõa Nyekuci, õthõõth thõõth cĩ Nyekuci, hĩnĩngĩtĩ hõllõngaa abĩlĩ Nyekuci ngaatĩ aaꞌnyĩkĩ eet Lori ꞌcĩ Ẽllẽẽmĩthĩ.

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

Eevvetho 3:2

Dĩdĩ, occa ithiktu niig tarbalꞌthẽẽt cĩ Nyekuci ngaatĩ ẽbẽraanna nganĩĩt hikia heeluung ngagiita.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Ebereei 2:4

Aduha Nyekuci nẽẽ dẽẽdẽ aĩ thõõth ꞌcĩ ĩĩn dĩdĩ cieeni, ꞌgõõlaa ꞌcĩ adticanĩ thooꞌthiok ꞌcĩg mẽẽlĩg ꞌcĩg ĩnaat eeta nẽ aaꞌnyĩk eet Lori ꞌcĩ Ẽllẽẽmĩth hĩ ꞌbaaninit hĩcĩ adiim nẽẽnĩ.

1 Pẽẽtũrũ 4:10

Aꞌnyĩĩk eet hõdẽĩ hõdẽĩ hidticattõõĩ ꞌbaaninit ꞌcĩ baa aaꞌnyĩk Nyekuci ĩhõõggõ heelli ꞌgõõnõgĩ. Idticattõõĩ bũnnai cĩ Nyekuci ꞌcĩ maka gẽrrẽẽt ꞌgõõlaa ꞌcĩ abũnnaa.