Eevvetho 4:6 - ꞌBuuk cĩ Thõõth cĩ Nyekuci

⁶ Aaĩ Nyekuci hõdẽẽthõng ꞌcĩ ĩĩn Maaꞌnyĩ eet vẽlẽk. Hõllõngaa ĩllõõan nẽẽ eet vẽlẽk diooni, adticaninneet nẽẽ ngagĩĩt vẽlẽk nẽ aaĩ nẽẽ hĩ ngagĩĩt vẽlẽk.

Eevvetho 4:6 ပူးပေါင်းရင်းမြစ်များ

ꞌThianaattõ 14:19

Nĩngĩtĩ aggatanĩ Melkithẽdẽhĩ Abũraamõ annẽẽkĩ, “Aꞌnyĩĩk Nyekuc ꞌcĩ ĩllõõan vẽlẽk, Teheꞌnyioohit cĩ hẽẽtkujjieen hĩ cĩ lootu, haggataniina.

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

Maatteeo 6:9

“ꞌGõõl ꞌcĩ occa alaiinnu niig cieeni, “ ‘Baangeet ꞌcĩ aaĩ hẽẽtahujjieen, hubulli ꞌthaara cugunnig,

Yõaannẽ 14:23

Ẽdẽcĩ Yeesu ꞌJuuda anneek, “Má ammĩnannaa eet umwaa nganĩĩta, aꞌthũũnnĩ hatĩ nẽẽ ꞌlimman caannĩ. Ammĩnan hatĩ Baaba ĩnõõnnõ buúk nẽ hatĩ hiitaawa naag hĩ Baaba hẽtẽhẽnytaawa õlõ cĩnaang hĩ ĩnõõnnõ.

Yõaannẽ 17:26

Haaꞌnyĩha naa ĩhõõggõ hagayyi nganiita nẽ aalla hatĩ haaꞌnyihi ĩhõõggõ hagayyi nganiit, hátĩ haau mĩnnanĩ ꞌcĩ aꞌnyaheekaa nii nganĩĩt hĩ ĩhõõggõ nẽ hátĩ haau naa buúk hĩ ĩhõõggõ.”

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

ꞌRooma 11:36

Au hẽlẽggĩ vẽlẽk hĩ Makayyioohit. Nẽ baa ẽhẽnytaa hẽlẽggĩ vẽlẽk, hĩnĩngĩtĩ ĩnõõnnõ nẽ hatĩ obodoothi hĩ ĩnõõnnõ. Hĩdĩhĩthĩt Makayyioohit ooo! Aamẽn.

1 Korinthia 12:6

Adticanni Nyekuci ꞌgoolliohĩĩ cĩg mẽẽlĩg nẽ Nyekuc nicci dioo ꞌcĩ adtican thooꞌthiok hĩ eet vẽlẽk.

1 Korinthia 8:6

Haꞌnyak naag Nyekuc hõdẽẽthõng diooni nẽ ĩĩn Baangeet. Baa ẽhẽnyta nẽẽ hẽlẽggĩ vẽlẽk nẽ harũgĩ naag, hĩnĩngĩtĩ ĩnõõnnõ. Yeesu Krĩstõ diooni ꞌcĩ ĩĩn Makayyioohit cĩnaac. Baa ẽhẽnytaa hẽlẽggĩ vẽlẽk ꞌthaarĩĩ cĩgĩnnĩg nẽ aaꞌnyeet Yeesu ngagĩĩt rũgẽt.

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

Eevvetho 1:21

Aggam Krĩstõ hẽlẽggĩ vẽlẽk ꞌcĩg attiran hĩ ꞌcĩg aꞌnyak makaaꞌthĩt hĩ ꞌcĩg aggam loonyin vẽlẽk. Aggam nẽẽ hẽlẽggĩ vẽlẽk cĩg looc nicci nẽ hatĩ aggam cĩg looc ꞌcĩ hatĩ horumwa buúk.

Eevvetho 2:22

Nẽ iiginnu niig dhoorit cĩ ꞌcieeth tĩho, ꞌcĩ baa ẽhẽnyĩt Krĩstõ hĩĩ nĩngĩtĩ aayyi Lorii cĩ Nyekuci.

Eevvetho 3:17

hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ.

Eevvetho 6:23

Aꞌnyĩĩk ganõn hĩ mĩnnan hĩ lemiinit ꞌcĩ aku hĩ Baangeet Nyekuc hĩ Makayyioohit cĩnaac Yeesu Krĩstõ, haau hĩ ngagiit ꞌgotoonoga hĩ ngoonoga.

1 Yõaannẽ 3:24

Má hathĩhĩ naag tilooinit cĩ Nyekuci, harũmĩ hatĩ naag ꞌthinneetinii cĩggaac hĩ ĩnõõnnõ nẽ hatĩ aau nẽẽ ꞌthinneetinii cĩggaac. Eterꞌtheekeet Lorii baa aaꞌnyeet nẽẽ ngagĩĩt ngaatĩ hĩĩgĩnnĩ naag hõdẽẽthõng hĩ ĩnõõnnõ.