Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eevvetho 4:4 - ꞌBuuk cĩ Thõõth cĩ Nyekuci

4 Iiginnu niig vẽlẽk eet cĩg ẽlẽ hõdẽẽthõng. Ĩĩn Lorii cĩ Nyekuci hõdẽẽthõng, hĩ baa aaꞌnyuung ngagiit Nyekuci muhẽẽnĩt hõdẽẽthõng ꞌcĩ abũnnaa.

အခန်းကိုကြည့်ပါ။ ကော်ပီ




Eevvetho 4:4
28 ပူးပေါင်းရင်းမြစ်များ  

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,


Aitiõõ hõlõ! Hẽlẽmĩ naag ngaatĩ akuuni elliaanĩtĩ cĩnaac bũnnaiittaa cĩ Makayyioohit Yeesu, haau hĩcĩ ꞌthẽk eelliaa eeta ꞌcĩg hõllõngaa ĩĩn ꞌJudeei ho.”


Hõllõngaa õbõdĩ Nyekuci ꞌbaaninit baa aaꞌnyĩk nẽẽ eeta nẽ nga hataarõthĩ eet baag ẽbẽra nẽẽnĩ.


Hĩnĩngĩtĩ hõthõl naag ũbũnĩ hõdẽẽthõng, hiita hĩĩtõ naag ẽlẽ hõdẽẽthõng, tananga hĩĩgĩn mẽẽlĩg.


Nẽ hĩ ꞌyioko ho, mẽẽlĩg dhooriꞌnya cĩg ẽllaak, nẽẽthĩ hinnia, odoyyii ẽlẽ.


Baa hillimatteehuung naag ngagiit nyeemuut cĩ Yeesu nẽ iita elemtu nyeemuut cĩnaang nẽ aggamtu Lori ꞌcĩ Ẽllẽẽmĩthĩ. Nẽ iita aanytĩhu eet ũgĩ hillimatteehuung nyeemuut ꞌcĩ abũnnaa cĩ Yeesu. Nẽ ꞌyioko, iita ũkũmattoothihu niig ngaatĩ elemmu nyeemuut umwa ꞌcĩ abũnnaa nẽ aggamtu lori ꞌcĩ ꞌrĩĩng.


Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.


Nẽ ẽllaa nĩĩcĩ dioo, ikia aganĩth Krĩstõ ĩhõõggõ hĩ Nyekuc, ngaatĩ adaaknĩ hurucceea nẽ ĩbĩlĩ mẽdẽr cĩnĩĩng.


Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.


Nẽ iiginnu niig dhoorit cĩ ꞌcieeth tĩho, ꞌcĩ baa ẽhẽnyĩt Krĩstõ hĩĩ nĩngĩtĩ aayyi Lorii cĩ Nyekuci.


Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.


hĩnĩngĩtĩ hĩĩgĩn naag dhooriꞌnya cĩg ẽlẽ cĩnnĩ.


hĩnĩngĩtĩ muhẽẽnĩtĩ ꞌcĩ abũnnaa ꞌcĩ aꞌnyaku niiga, itiangthoothikuung ngagiit hẽẽtahujjieen. Baa ithiktu niig muhẽẽnĩt ꞌcĩ abũnnaa ho ĩĩcĩ oou, baa elemmu nyeemuut ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa,


Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.


Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,


Nganĩĩt Paaulo ꞌthooyyiahit cĩ Yeesu Krĩstõ, ꞌcĩ hẽhẽẽda waraga icci ho. Baa ẽbẽraanna nganĩĩt Nyekuci Ellioohiti hĩ Yeesu Krĩstõ ꞌcĩ aaꞌnyeet ngagĩĩt muhẽẽnĩt ꞌcĩ abũnnaa.


ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.


nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.


hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.


Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.


Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ