Eevvetho 4:18 - ꞌBuuk cĩ Thõõth cĩ Nyekuci

¹⁸ Adĩĩtĩ ĩhõõggõ ooti pĩd nẽ ĩĩtõ ꞌrẽẽttĩg hĩ authet cĩ Nyekuci, hĩnĩngĩtĩ aggiithi nẽẽg nẽ aalla õkõmĩ ĩhõõggõ ooti kak.

Eevvetho 4:18 ပူးပေါင်းရင်းမြစ်များ

Maatteeo 13:15

Hĩnĩngĩtĩ õkõmĩ ĩhõõggõ vẽlẽk ooti, iita idiitti ĩĩna cĩggĩĩng pĩd, nẽ ĩĩtõ rubettĩg hẽbẽrĩ cĩggĩĩng. ꞌYioko baa hiittiõõ hõllõngaa aattĩg nẽẽg hoti, occa ꞌyioko acĩnĩ hẽbẽrẽẽnnĩĩ cĩggĩĩng, nẽ ĩthĩktõ ĩĩnĩĩ cĩggĩĩng. Ma baa hagaacõ ꞌthinneetinitõõ cĩggĩĩng nẽ iita hĩ nganĩĩta, occa thĩ baa hẽẽla ĩhõõggõ.’

Maarko 3:5

Nĩngĩtĩ ẽggẽlẽẽmĩ Yeesu ĩhõõggõ lĩĩlĩẽẽttaa nẽ iittiõõ hõllõngaa accamanoothĩk, hĩnĩngĩtĩ baa õkõmĩ ĩhõõggõ ooti. Nẽ uduhaak eet nicci ĩĩnnĩk, “Õõd aꞌthiit cunni hũũlan.” Nĩngĩtĩ õõdĩ nẽẽ aꞌthiit nẽ ũbũna aꞌthiiti cĩnnĩ ho tarĩ!

Yõaannẽ 12:40

“Akata Nyekuci hẽbẽrĩ cĩggĩĩng, nẽ aaꞌnyĩk ooti cĩggĩĩng hilloorito. Adĩman Nyekuci thõõth icci, hátĩ hiittiõõ hõllõngaa acĩnĩ nẽẽgĩ, nẽ iittiõõ hõllõngaa athĩknĩ, nẽ iittiõõ hõllõngaa õbõda hĩ nganĩĩt nẽ haaꞌnyĩha ĩhõõggõ hũbũttaathõ.”

Dtiicanĩ cĩg ꞌThooyyiahu 17:30

Baarkit, baa ũtũngeek Nyekuci ꞌgiithẽnĩt ꞌcĩ alaĩ eeta nyekuꞌnya ꞌcĩg hõllõngaa ĩĩn dĩdĩ, hĩnĩngĩtĩ baa hõllõngaa aga eeta thooꞌthiok ꞌcĩg baag adĩman nẽẽgĩ. Nẽẽthĩ ꞌyioko, uduhaak Nyekuci eet loonyini vẽlẽk hũtũngteek ꞌthẽccanẽẽt cĩggĩĩng.

Dtiicanĩ cĩg ꞌThooyyiahu 3:17

“ꞌGotoonoga hĩ ngoonoga, hammuhi occa erekuung ngagiit ꞌgii baa adticannu hĩ baa makayyiooha cugguung.

ꞌRooma 1:28

Nẽẽthĩ hoti ho, hĩcĩ ũtũbũrĩt eeta cieeg ngaatĩ aꞌthũũnnĩ thõõth cĩ Nyekuci ho, ikia alahanẽẽhĩ nẽẽ muhẽẽnĩt ꞌcĩ abathĩ haggam ĩhõõggõ, hátĩ hĩdĩmanit nẽẽg thooꞌthiok ꞌcĩg hõllõngaa occa adĩmanni.

ꞌRooma 11:25

ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.

ꞌRooma 11:7

Aĩ thõõth ciee nẽẽ, eet cĩg Ĩꞌthĩraẽlĩ ꞌcĩg abadtẽc haaga ꞌcĩg eberriaa ꞌcĩg ummuddia thõõth ꞌcĩ baa attarraaban nẽẽg vẽlẽk ko. Nẽ aaꞌnyĩk Nyekuci ũgĩ hidiitti ooti pĩd,

ꞌRooma 2:19

Aga nii ngaatĩ ĩĩnnĩ ꞌtiꞌthittioohit cĩ eet ꞌcĩg rubettĩg nẽ iinu lanyit cĩ eet ꞌcĩg aattĩg muguratõõ,

1 Korinthia 1:21

Baa ẽggẽẽnyĩth Nyekuci ngaatĩ hõllõngaa aaꞌnyĩkĩ eet cĩg looc nicci hidticattõõĩ ꞌgẽẽnyĩth cĩnĩĩng hagayyi ĩnõõnnõ. Nẽẽthĩ hinnianĩ, baa ẽbẽra Nyekuci ngaatĩ ẽẽlĩ eet ꞌcĩg ẽlẽmĩ nyeemuut ꞌcĩ aggiithi ꞌcĩ hallimanna naag ko diooni.

1 Korinthia 2:8

Baa hõllõngaa aga ꞌgaala cĩg looc nicci ꞌgẽẽnyĩth icci ũdũt. Má baa hagaacõ, occa ꞌyioko baa hõllõngaa odooddĩk nẽẽg Makayyioohit ꞌcĩ abuli hurucceea.

2 Korinthia 3:14

Nẽẽthĩ hinnia, nga adĩĩtĩ ĩhõõggõ ooti pĩd hĩĩ kõr hĩ niccieeni, hiittiõõ hõllõngaa acĩn thõõth ꞌcĩ ĩĩn dĩdĩ, hatĩ agiili lõhõt baa baarkit. Nẽ Krĩstõ dioo ꞌcĩ occa abbuuk hẽbẽrĩ cĩggĩĩng hĩcĩttĩ.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

ꞌGalaaꞌthia 4:8

Baa hũnũũk, baa nga agaac niig Nyekuc, baa nga iiginnu niig appahacaaꞌnya cĩg hẽlẽggĩ ꞌcĩg aar eeta hĩĩtõ nyekuꞌnya.

Eevvetho 2:1

Nẽẽthĩ, baa adaaktu niig, hĩnĩngĩtĩ ꞌthẽccanẽẽt cugguung,

Eevvetho 2:12

Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.

Kolooꞌthe 1:21

Baa gõõng iiginnu niig ꞌrẽẽttĩg hĩ Nyekuc. Baa aaꞌnyuung muhẽẽnĩtĩ cunuung ngagiit ĩĩtõ mĩrõk cĩg Nyekuci nẽ ĩdĩmattu thooꞌthiok ꞌcĩg abathĩ.

1 Tẽꞌthaloonika 4:5

Ma hiigginnu appahacaaꞌnya cĩg thooꞌthiok ꞌcĩg abũraneeku niiga, hĩ eeta ꞌcĩg hõllõngaa aga Nyekuc.

Ebereei 5:2

Ĩĩn paadĩrĩ cobbi buúk eet haaga ꞌcĩ hõllõngaa attiranĩ nẽ aga ngaatĩ ammaannĩkĩ eet ꞌcĩg ẽrẽk thõõth nẽ arahanita.

Ebereei 9:7

Nẽẽthĩ, baa paadĩr cobbi dioo ꞌcĩ aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko tabattĩ hõdẽẽthõng irkita. Aꞌnyak paadĩrĩ biyyi ꞌcĩg õkõ aꞌnyĩĩk Nyekuc hũtũũny ꞌthẽccanẽẽt cĩgĩnnĩg hĩ cĩg eetuk, ꞌthẽccanẽẽt baag adĩman nẽẽg nẽ hõllõngaa aga.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

1 Pẽẽtũrũ 1:14

Aaut ꞌthẽk hĩ lohollia cĩg Nyekuci ꞌcĩg athĩknĩ. Ma nga hobodoothĩku thooꞌthiok baag ꞌrẽẽttĩg abathĩ, baa gõõng adĩmannu niig baa nga erekuung thõõtha.

1 Yõaannẽ 2:11

Má haaburreek naag ꞌgoonogeet hĩ ngoonogeet, haattĩg naag nẽ hõtõõcõ muguuratõõ nẽ hõllõngaa haga ꞌgõõl ꞌcĩ hõõĩ, hĩnĩngĩtĩ hõllõngaa occa hacĩnĩ muguuratõõ.