Eevvetho 4:12 - ꞌBuuk cĩ Thõõth cĩ Nyekuci

¹² hillimanit eeta cĩg Nyekuci ꞌgõõl ꞌcĩ adticanõõthĩkĩ eet ũgĩ, hátĩ hĩtĩlĩth ẽlẽ cĩ Krĩstõ hittiran.

Eevvetho 4:12 ပူးပေါင်းရင်းမြစ်များ

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

Dtiicanĩ cĩg ꞌThooyyiahu 1:17

Baa ĩĩn ꞌJuuda Ithkarioote eet ꞌcĩ hõõkõr hõdẽĩ lothippitaa cĩnaac nẽ hidticattõõ hõdẽĩ.”

Dtiicanĩ cĩg ꞌThooyyiahu 1:25

hirigith dtiic cĩ ꞌthooyyiahit baa ũũnnĩk ꞌJuuda Ithkarioote nẽ ũũk ngaatĩnnĩ.”

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 9:31

Baa ikia aau lothippiti cĩ lemmioohu ganõõna looccaa cĩ ꞌJudeea hĩ ꞌGalileea hĩ Thamaria nẽ alaacõ Makayyioohit. Iita ittiranit nẽẽg gẽrrẽẽt, hĩnĩngĩtĩ ẽẽl Lorii ꞌcĩ Ẽllẽẽmĩth ĩhõõggõ aaꞌnyĩk hittoorri hĩĩtõ mẽẽlĩg.

ꞌRooma 12:5

Nẽẽthĩ, haattĩg naag buúk noho. Hĩĩgĩn naag mẽẽlĩg nẽ harummiaa hĩĩgĩn ẽlẽ hõdẽẽthõng hĩ Krĩstõ nẽ dhooriꞌnya cieeg vẽlẽk, ĩĩn cĩg ꞌgõõnõgĩ vẽlẽk.

ꞌRooma 12:7

Má occa hadticanoothĩk eet ũgĩ, hidticattoothĩk. Má ĩĩn ꞌlimman, occa hallimanni.

ꞌRooma 14:19

Hĩttĩmanit ngaatĩ haattiyyi ganõõna nẽ heelito eleeti cĩggaac, haꞌnyahit lemiinit ꞌcĩ attiranĩ.

ꞌRooma 15:14

Hagawa naa ẽllaa caannĩ ꞌgotoonoga hĩ ngoonoga hĩĩna, aꞌnyaku niig eleetinii cugguung bũnnai hĩ ꞌgẽẽnyĩth ꞌcĩ maka ꞌcĩ occa allimannu ꞌgoonogu ũgĩ ꞌcĩg ĩĩn lemmiook.

ꞌRooma 15:2

Occa haaꞌnyĩk naag eet ꞌcĩg haarõõ haccamattoothĩk, hĩnĩngĩtĩ bũnnai cĩnĩĩng, hátĩ hĩtĩlĩthĩt nẽẽg thõõthaa cĩ Makayyiookto.

ꞌRooma 15:29

Haga naa haini, ma hikia hĩ ngagiita, haꞌnyaha hatĩ ꞌgattan cobbi gẽrrẽẽt cĩ Yeesu Krĩstõ.

1 Korinthia 12:27

Nẽẽthĩ ꞌyioko, ĩĩgĩnnu niig ẽlẽ cĩ Krĩstõ nẽ niig hõdẽĩ hõdẽĩ, iiginnu dhoorit cĩ ẽlẽ cĩnnĩ ho.

1 Korinthia 12:7

Aaꞌnyeet Lorii ngagĩĩt hõdẽĩ hõdẽĩ ꞌgõõl ꞌcĩ hadticanõõthĩkĩ ꞌgoonogeet.

1 Korinthia 14:12

Má adiimmu niig ꞌbaaninit cĩ Lori ꞌcĩ Ẽllẽẽmĩth dĩdĩ, eberria thĩ ꞌbaaninit ꞌcĩ hatĩ ẽẽl lothippit cĩ lemmioohu jurrung.

1 Korinthia 14:14

Hĩnĩngĩtĩ má halayyi naa ũtũũgaa umwaanĩ, lori caannĩ ꞌcĩ alayyi ho. Nẽẽthĩ hinnia, hõllõngaa haga naa muhẽẽnĩt caannĩ.

1 Korinthia 14:26

Hõthõõth occa ꞌyioko haĩ ne ꞌgotoonoga hĩ ngoonoga? Má alũteennu niig hõdẽĩ, aꞌnyak eeta hõdẽĩ hõdẽĩ tẽgẽl hode thõõth cĩ ꞌlimmaanõ, hode thõõth cĩ terethiitto, hode ũtũg ꞌcĩ ꞌrĩĩng hode thõõth ꞌcĩ occa õkõbanni. Adiim occa adticanni thooꞌthioha cieeg vẽlẽk, hátĩ haanytĩk lothippit cĩ lemmioohu hittiran.

2 Korinthia 12:19

Unuuktihu baa niig ngaatĩ ammuku aĩ, hẽẽlanna naag eleeti cĩggaang? Baa hõthõõꞌtha thooꞌthiok ꞌcĩg aga Nyekuci buúk aĩ, hĩĩgĩnna nuyyiook cĩg Krĩstõ. Nẽ ꞌgotoonoga hĩ ngoonoga, ꞌgii vẽlẽk ꞌcĩ hadticanna naaga, hadticanna, hátĩ hõkõm lemiiniti cunuung hĩ Krĩstõ.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 13:9

Haccamanoothĩka naag hatĩ okommu niiga nẽ hippiirriawa naaga. Nẽ halaiinna naag gẽrrẽẽt haĩnna, aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga.

2 Korinthia 3:8

Hõllõngaa occa hatĩ aꞌnyaha dtiici cĩ Lori ꞌcĩ Ẽllẽẽmĩth bulẽẽnĩt cobbi gẽrrẽẽt hĩllõõan nyattal baa Mũũꞌtha?

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

2 Korinthia 5:18

Nyekuc ꞌcĩ adtican thooꞌthiok iccig vẽlẽk, ngaatĩ ĩꞌthõõanĩ Krĩstõ Ngeerĩnĩ hikia haganĩtheet ngagĩĩt hĩ Nyekuc nẽ aaꞌnyeet hĩĩtõ eet ꞌcĩg hadtican ganõn ngaatĩ haduhaakĩ eet helemit ĩnõõnnõ.

2 Korinthia 6:3

Baa hõllõngaa hõhõõrranna naag ꞌgõõl cĩ eet umwa, hátĩ hiittiõõ bathi ꞌcĩ ammuddiaa dtiicaa cĩnaang ko tõõ, ĩnõõ ꞌcĩ hattĩmanna gẽrrẽẽt ngaatĩ hõllõngaa hahĩĩnanna thõõth umwa ꞌcĩ abathĩ.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

Eevvetho 1:23

Nẽ ĩĩn lothippiti cĩ lemmioohu ẽlẽ cĩ Krĩstõ nẽ aaꞌnyĩk Krĩstõ ĩhõõggõ hẽlẽggĩ vẽlẽk.

Eevvetho 4:16

Arũm Krĩstõ ẽlẽ cĩnnĩ ho hĩĩ hõdẽẽthõng nẽ aaꞌnyĩk hidticattõõ dhooriꞌnya vẽlẽk jurrung, hĩcĩ alĩthĩ hokomit hĩnĩngĩtĩ mĩnnani.

Eevvetho 4:29

Ma hothooꞌthu thooꞌthiok ꞌcĩg abathĩ. Aanytĩk thooꞌthiok ꞌcĩg aduhaannu hĩĩ ꞌcĩg abũnnaa, hátĩ hẽẽl eet ꞌcĩg athiknuunga.

Eevvetho 4:4

Iiginnu niig vẽlẽk eet cĩg ẽlẽ hõdẽẽthõng. Ĩĩn Lorii cĩ Nyekuci hõdẽẽthõng, hĩ baa aaꞌnyuung ngagiit Nyekuci muhẽẽnĩt hõdẽẽthõng ꞌcĩ abũnnaa.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

Kolooꞌthe 4:17

Uduktaak Arkippo ĩĩttĩk, “Dẽcaak dtiic baa aaꞌnyĩhoothikii nganiit ꞌthaarĩĩ cĩg Makayyiookto.”

1 Timotteeo 1:12

Hatali naa Yeesu Krĩstõ Makayyioohit cĩnaac baa aaꞌnya nganĩĩt ꞌtirrian, hĩnĩngĩtĩ acĩnna nẽẽ nganĩĩt ngaatĩ haꞌthũũnnĩ thõõth ꞌcĩ hadticanĩĩ dtiic cĩnnĩ dĩdĩ.

2 Timotteeo 4:11

ꞌLuuka ꞌyioko dioo, ꞌcĩ harũmeenna ngaati. Diima Maarko ookorria thõng, hĩnĩngĩtĩ ẽẽlla nẽẽ nganĩĩt dtiicaa caannĩ.

2 Timotteeo 4:5

Nẽẽthĩ niina, ꞌthũũtĩ ẽlẽ cunni jurrung hõdõõkõthĩ. Ma haireehi pĩĩrnanĩt dtiica cĩ Nyekuci. Dticcian dtiic hĩ ꞌlimmannioohiti cĩ nyeemuut ꞌcĩ abũnnaa nẽ dẽcaak dtiic ꞌcĩ aaꞌnyi Nyekuci ho jurrung.

Ebereei 13:17

Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

Ebereei 6:1

Nẽẽthĩ, hũtũngteek ngaatĩ hõbõdẽẽkĩ ꞌlimman cĩ Krĩstõ baa oou hiriiri. Hõõt ĩĩcĩ oou, hátĩ heggeenyit hagaac ꞌlimman cĩ Krĩstõ. Nẽ dĩdĩ, occa hõllõngaa hadiim hiꞌthianaanĩ tarĩ ngaatĩ, hallimanĩ thooꞌthiok ꞌcĩg tiirik ꞌcĩg haduhaanĩ ꞌthẽccanẽẽt nẽ helemit Nyekuc.