Eevvetho 4:11 - ꞌBuuk cĩ Thõõth cĩ Nyekuci

¹¹ Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Eevvetho 4:11 ပူးပေါင်းရင်းမြစ်များ

Eevvetho 2:20

hõdẽĩ, hĩthakthoothĩk naag ꞌcieeth cĩnnĩ ꞌcĩ ẽhẽnytĩ nẽ aauto ꞌthooyyiaha hĩ põrõvẽtaaꞌnya hĩ õkõlakꞌnya nẽ aau Yeesu Krĩstõ hĩ miirihi.

2 Timotteeo 4:5

Nẽẽthĩ niina, ꞌthũũtĩ ẽlẽ cunni jurrung hõdõõkõthĩ. Ma haireehi pĩĩrnanĩt dtiica cĩ Nyekuci. Dticcian dtiic hĩ ꞌlimmannioohiti cĩ nyeemuut ꞌcĩ abũnnaa nẽ dẽcaak dtiic ꞌcĩ aaꞌnyi Nyekuci ho jurrung.

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Eevvetho 4:8

Hĩcĩ aduha ꞌBuuhi cĩ Nyekuci aĩ, “Ma baa ũũk nẽẽ lokora ngaatĩ uuni gẽrrẽẽt, ikia ũũhĩ nẽẽ baabuuthnya ꞌcĩg mẽẽlĩg nẽ aaꞌnyĩk eet ꞌbaaninit.”

Eevvetho 3:5

Baa nga haga eet umwaa thõõth icci ammiꞌthi ho, ĩꞌthõng hikia huduhaak Lorii cĩ Nyekuci ꞌthooyyiak hĩ põrõvẽtaaꞌnya cĩgĩnnĩg ꞌcĩg ẽllẽẽmĩthĩ.

ꞌRooma 12:7

Má occa hadticanoothĩk eet ũgĩ, hidticattoothĩk. Má ĩĩn ꞌlimman, occa hallimanni.

Ebereei 5:12

Baa iittu niig lemmiook baangaani ꞌrĩng. Nẽẽthĩ, occa ꞌyioko baa illimattu ꞌgoonogu thooꞌthiok ꞌcĩg ĩĩn dĩdĩ cĩg Loriiak. Nẽẽthĩ, ĩko hinnia nga adiimmu eet umwa hillimanuung ngagiit thooꞌthiok ꞌcĩg tiirik cĩg Nyekuci? Nga aattiyyu niig hĩ ĩdõlẽẽta ꞌcĩg nga adiim aam ira nẽ hõllõngaa occa nõõ aaꞌnyĩhoothĩk ahata. Aitiõõ niig nga ũkũmattoothĩk hĩnĩngĩtĩ ꞌlimman ꞌcĩ õkõmĩ ꞌcĩ aaĩ hĩ ahat ꞌcĩ aduk ẽẽtĩ cobbiẽẽnĩ.

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”

Dtiicanĩ cĩg ꞌThooyyiahu 21:8

Ma loohoth cĩnnĩ, hĩtĩngaayyia hoottia ꞌtaaũnaa cĩ Caetharea nẽ hoottia hiyyiomatta õlõõ cĩ Pilippo ꞌlimmannioohit cĩ thõõth cĩ Nyekuci. Baa ꞌthẽk ĩnõõnnõ baa eberriaa hĩ eet baag ĩĩn tũkĩramma, baag ẽẽl ꞌthooyyiak.

Dtiicanĩ cĩg ꞌThooyyiahu 13:1

Lothippitaa cĩ lemmiook cĩg Antiohĩ, baa aattĩg põrõvẽtaaꞌnya hĩ ꞌlimmanniook. Ĩhõõggõ Baarnaba hĩ ꞌThimiõõnẽ ꞌcĩ haĩ ꞌthaar ũgĩ Niger, hĩ Luuccio cĩ looc cĩ Cireene hĩ Manaaen ꞌcĩ baa ĩĩn ꞌgõõnĩ habu Ẽrõõdẽ hĩ ꞌThaaulo.

Terethiinit 21:14

Baa ẽhẽnytĩ dilat cĩ araanõ biyyiẽẽnĩĩ ꞌcĩg ĩĩn õmmõtõ hĩ ꞌramma. Nẽ baa eheedothoothĩk ꞌthaara cĩg ꞌthooyyiak cĩg Mĩꞌnyõõnak biyyiẽẽnĩĩ cĩg hõdẽĩ hõdẽĩ.

ꞌJuud 1:17

ꞌGotoonoga hĩ ngoonoga, ummuhuttooth tilooinit baa aduhaakuung ꞌthooyyiaha cĩg Makayyioohit cĩnaac Yeesu Krĩstõ baa ĩĩcĩ oou.

1 Korinthia 12:4

Aaꞌnyĩk Lorii ꞌcĩ Ẽllẽẽmĩth eet ꞌbaaninit cũũmõ cũũmõ.