Eevvetho 3:6 - ꞌBuuk cĩ Thõõth cĩ Nyekuci

⁶ Nẽ muhẽẽnĩt ꞌcĩ ĩllõõan ꞌgẽẽnyĩth cĩ eetu ho cieeni. Hĩnĩngĩtĩ Yeesu Krĩstõ, aaꞌnyĩk nyeemuut ꞌcĩ abũnnaa eet ꞌcĩg hõllõngaa ĩĩn ꞌJudeei, hotholit hĩ eet ꞌcĩg ĩĩn ꞌJudeei vẽlẽk, baliinit ꞌcĩ hatĩ arigith lohollia cĩg Nyekuci. Au hatĩ ĩĩn eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei vẽlẽk, ẽlẽ hõdẽẽthõng nẽ accamanoothĩk hatĩ nẽẽg vẽlẽk ꞌgattaana, hĩnĩngĩtĩ iita ĩĩtõ nẽẽg vẽlẽk eet cĩg Yeesu Krĩstõ.

Eevvetho 3:6 ပူးပေါင်းရင်းမြစ်များ

1 Korinthia 12:12

Ĩĩn ẽlẽ hõdẽẽthõng, tananga ẽhẽnytaa haꞌnyak dhooriꞌnya ꞌcĩg mẽẽlĩg nẽ tananga mẽẽlĩg dhooriꞌnya cĩgĩnnẽẽgĩ, ĩĩn nẽẽg vẽlẽk ẽlẽ hõdẽẽthõng. Nẽ aaĩ ẽlẽ cĩ Krĩstõ buúk noho.

1 Korinthia 12:27

Nẽẽthĩ ꞌyioko, ĩĩgĩnnu niig ẽlẽ cĩ Krĩstõ nẽ niig hõdẽĩ hõdẽĩ, iiginnu dhoorit cĩ ẽlẽ cĩnnĩ ho.

ꞌGalaaꞌthia 3:14

Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Eevvetho 3:3

Nẽ baa hẽhẽẽdakuung naa ngagiit waraga ꞌcĩ huturi, ꞌcĩ eterꞌtheeka Nyekuci nganĩĩt thooꞌthiok cĩgĩnnĩg ꞌcĩg baag gõõng ammiꞌthi.

Eevvetho 5:30

hĩnĩngĩtĩ hĩĩgĩn naag dhooriꞌnya cĩg ẽlẽ cĩnnĩ.

Eevvetho 5:7

Nẽẽthĩ hoti ho, ma hadĩmannu thooꞌthiok ꞌcĩg adĩman nẽẽgĩ.

Kolooꞌthe 2:19

Iittiõõ eeta cieeg hõllõngaa ĩĩn dhoorit ꞌcĩ ẽlẽ cĩ Krĩstõ ꞌcĩ ĩĩn Makayyioohit cĩ ello, hĩnĩngĩtĩ arũm nẽẽ dhooriꞌnya cĩg ẽllaak vẽlẽk hĩĩtõ hõdẽẽthõng hĩtĩlĩth ꞌtirriaanaa cĩ Nyekuci.

1 Yõaannẽ 1:3

Haduhaakuung naag ngagiit thõõth ꞌcĩ hĩcĩtta nẽ hĩthĩkta, hátĩ iita hũrũmtĩ hĩ ngagĩĩt hõdẽĩ. Nẽ hũrũmtĩ hõdẽĩ hĩ Baangeet hĩ Ngeerĩnĩ Yeesu Krĩstõ.

1 Yõaannẽ 2:25

Baa uduhaaheet Ngeerĩnĩ ngagĩĩt rũgẽt ꞌcĩ aalla ooo.