Eevvetho 3:5 - ꞌBuuk cĩ Thõõth cĩ Nyekuci

⁵ Baa nga haga eet umwaa thõõth icci ammiꞌthi ho, ĩꞌthõng hikia huduhaak Lorii cĩ Nyekuci ꞌthooyyiak hĩ põrõvẽtaaꞌnya cĩgĩnnĩg ꞌcĩg ẽllẽẽmĩthĩ.

Eevvetho 3:5 ပူးပေါင်းရင်းမြစ်များ

Maatteeo 13:17

Haduhaakuung thõõth dĩdĩ, baa mẽẽlĩg põrõvẽtaaꞌnya hĩ eet ꞌcĩg abũnnaa ꞌcĩg baag adiim acĩn thooꞌthiok ꞌcĩg acinnu niig ko nẽ nga hĩcĩnĩt nẽ adiim thõõth ꞌcĩ athiknu niig ko nẽ hõllõngaa athĩhĩ buúk.”

Maatteeo 20:7

“Ẽdẽcĩ eeta tĩko ĩnõõnnõ anneek, ‘Hĩnĩngĩtĩ aitiõõ ẽẽtĩ ꞌcĩ alũtteet nẽ aaꞌnyeet dtiic tõõ.’ “Ẽdẽcĩ nẽẽ ĩhõõggõ anneek, ‘Õõt idticattõ niig buúk manaa caannĩ ĩcĩ viinoo.’

Maatteeo 23:34

Hĩꞌthõõwakuung naa põrõvẽtaaꞌnya hĩ eet ꞌcĩg ẽggẽẽnyĩth hĩ eet ꞌcĩg alliman nyattal cĩ Nyekuci. Aruku hatĩ ũgĩ, nẽ otoddoyyieehu ũgĩ hurucciẽẽtĩ nẽ uuktu ũgĩ ꞌCieethinii cugguung ĩcĩg Laiittak nẽ itiggiayyu ĩhõõggõ ꞌtaaũnnioohĩ.

ꞌLuuka 10:24

Haduhaakuung dĩdĩ, baa mẽẽlĩg habuẽẽta hĩ põrõvẽtaaꞌnya ꞌcĩg baag adiim acĩn hẽlẽggĩ ꞌcĩg ꞌyioko acinnu niig ko, nẽẽthĩ hinnia, nga hĩcĩnĩt ũdũt. Hode nẽẽ ngaatĩ athĩknĩ thooꞌthiok ꞌcĩg ꞌyioko athiknu niig ko nẽ nga hĩthĩhĩt ũdũt.”

ꞌLuuka 11:49

Nẽẽthĩ, hĩnĩngĩtĩ thooꞌthiok iccig vẽlẽk, aduha Nyekuci ꞌgẽẽnyĩthaa cĩnnĩ aĩ, ‘Hĩꞌthõõakuung hatĩ põrõvẽtaaꞌnya hĩ ꞌthooyyiak, aruku hatĩ ũgĩ nẽ õhõggõõrattu ũgĩ thõng.’

Yõaannẽ 14:26

Nẽẽthĩ, aku hatĩ Ellioohiti, Lorii ꞌcĩ Ẽllẽẽmĩth, ꞌcĩ hatĩ ĩꞌthõõa Baaba ꞌthaarĩĩ cĩgannĩg, hátĩ hikia hillimaneehuung thooꞌthiok vẽlẽk nẽ ummuhaahuung thooꞌthiok baag haduhaakuung naana.

Yõaannẽ 16:13

Ma ikia Lorii ꞌcĩ Ẽllẽẽmĩth cĩ thõõth ꞌcĩ ĩĩn dĩdĩ, etereꞌthuung hatĩ agaac thõõth vẽlẽk ꞌcĩ ĩĩn dĩdĩ. Aitiõõ hõllõngaa aduha nẽẽ thõõth cĩnnĩ ẽmmẽn, aduhaakuung hatĩ thõõth ꞌcĩ athĩkna nẽẽ hĩ Baaba diooni nẽ hatĩ uduhaahuung thooꞌthiok ꞌcĩg hatĩ nga au horumwa.

Dtiicanĩ cĩg ꞌThooyyiahu 10:28

Ma ho ĩĩnnĩk ĩhõõggõ, “Agayyu niig vẽlẽk abũrĩ nyattalĩ cĩnaang ngaatĩ arũmẽẽnĩ eeta cĩg ꞌJudeei ũgẽẽgĩ hĩ eet ꞌcĩg hõllõngaa ĩĩn ꞌJudeei, hode nẽẽ eheronoothĩk ĩhõõggõ haaga. Nẽẽthĩ, ẽtẽrẽthaa nganĩĩt Nyekuci hiittiõõ hõllõngaa occa haini tẽlla eet umwaanĩ nẽ ĩĩ umwa ꞌriiring.

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

1 Korinthia 2:10

Nẽẽthĩ, baa eteretheeheet Nyekuci ngagĩĩt thooꞌthiok iccig Loriiaa cĩnnĩ. Atarraaban Lorii thooꞌthiok vẽlẽk, tananga thooꞌthiok ꞌcĩg aaddi cĩg Nyekuci.

Eevvetho 2:20

hõdẽĩ, hĩthakthoothĩk naag ꞌcieeth cĩnnĩ ꞌcĩ ẽhẽnytĩ nẽ aauto ꞌthooyyiaha hĩ põrõvẽtaaꞌnya hĩ õkõlakꞌnya nẽ aau Yeesu Krĩstõ hĩ miirihi.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.

ꞌJuud 1:17

ꞌGotoonoga hĩ ngoonoga, ummuhuttooth tilooinit baa aduhaakuung ꞌthooyyiaha cĩg Makayyioohit cĩnaac Yeesu Krĩstõ baa ĩĩcĩ oou.