Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eevvetho 3:3 - ꞌBuuk cĩ Thõõth cĩ Nyekuci

3 Nẽ baa hẽhẽẽdakuung naa ngagiit waraga ꞌcĩ huturi, ꞌcĩ eterꞌtheeka Nyekuci nganĩĩt thooꞌthiok cĩgĩnnĩg ꞌcĩg baag gõõng ammiꞌthi.

အခန်းကိုကြည့်ပါ။ ကော်ပီ




Eevvetho 3:3
23 ပူးပေါင်းရင်းမြစ်များ  

“Ma baa hõbõda ꞌJeruꞌthalẽma nẽ halaõ ꞌCieethaa cĩ Nyekuci ho, hakuu hinnia hadtuuha Makayyioohit


“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”


Nẽ baa ĩĩ maka wacahõõnĩ, nĩngĩtĩ ĩꞌngaannĩ ꞌlimmanniooha ũgẽẽgĩ cĩg Nyattaalak ꞌcĩg baag ĩĩn Variꞌtheei nẽ eggerenyit gẽrrẽẽt. Baa aĩ nẽẽg, “Nga hummuddiaawa naag ꞌgiimwa ꞌcĩ abathi ꞌcĩ ẽꞌthẽcan ẽẽtĩ cieeni. Horoong ꞌyioko baa othoothĩk aajĩlõ hode lorii ĩnõõnnõ dĩdĩ.”


ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.


Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.


Occa ꞌthẽk hirriani naa thõng, nẽẽthĩ, aitiõõ hinnia ꞌgii ꞌcĩ hammũda naa hĩ ꞌrianĩĩth tõõ. Nẽẽthĩ, occa hirrianĩ naa honoothi hĩ hẽlẽggĩ ũgĩ ꞌcĩg eterꞌtheeka Makayyioohiti nganĩĩta.


Baa hõllõngaa hammũda naa nyeemuut icci hĩ eet umwa haaga, baa eterꞌtheeka nganĩĩt Yeesu Krĩstõ Nyeemuut icci.


Hara naa hala Nyekuc Baangeet ꞌcĩ abuli cĩ Makayyioohit cĩnaac Yeesu Krĩstõ, hátĩ haaꞌnyuung Lori ꞌcĩ Ẽllẽẽmĩthĩ. Aaꞌnyuung hatĩ Lorii ꞌcĩ Ẽllẽẽmĩth ko ngagiit eggeenyit nẽ agayyu thõõth ꞌcĩ hagaĩ Nyekuc jurrung.


Hĩcĩ agiillu niig waraga icci, ammũdaannu hatĩ jurrung ꞌgõõl ꞌcĩ hathĩknĩ naa thõõth cĩ Krĩstõ ꞌcĩ ammiꞌthi.


Nẽ muhẽẽnĩt ꞌcĩ ĩllõõan ꞌgẽẽnyĩth cĩ eetu ho cieeni. Hĩnĩngĩtĩ Yeesu Krĩstõ, aaꞌnyĩk nyeemuut ꞌcĩ abũnnaa eet ꞌcĩg hõllõngaa ĩĩn ꞌJudeei, hotholit hĩ eet ꞌcĩg ĩĩn ꞌJudeei vẽlẽk, baliinit ꞌcĩ hatĩ arigith lohollia cĩg Nyekuci. Au hatĩ ĩĩn eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei vẽlẽk, ẽlẽ hõdẽẽthõng nẽ accamanoothĩk hatĩ nẽẽg vẽlẽk ꞌgattaana, hĩnĩngĩtĩ iita ĩĩtõ nẽẽg vẽlẽk eet cĩg Yeesu Krĩstõ.


Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.


Alayyiooyyiaangu nganĩĩt buúk, hátĩ haaꞌnya Nyekuci nyeemuut ꞌcĩ hothoothi nẽ hillimmana thõõth cĩ nyeemuut ꞌcĩ abũnnaa baa ammiꞌthi ꞌthĩnĩtaa ꞌcĩ õkõmĩ,


Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.


Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.


ꞌGotoonoga hĩ ngoonoga, hẽhẽẽdakuung naa ngagiit waraga ꞌcĩ huturi haaga, hátĩ hũkũtanuung ngagiita nẽ halayyuung ngagiit ĩthĩhĩt thõõth ꞌcĩ haduha naa ho jurrung.


Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.


Má hataarroꞌthu ngaatĩ ereeini Makayyioohiti, hĩnĩngĩtĩ adiim nẽẽ eet vẽlẽk heellia. Thõõth baa aduha ꞌgõtõõnẽẽtĩ cĩnaac Paaulo buúk ciee, baa ẽhẽẽdakuung waraga ꞌgẽẽnyĩthaa baa aaꞌnyĩk Nyekuci ĩnõõnnõ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ