Eevvetho 3:2 - ꞌBuuk cĩ Thõõth cĩ Nyekuci

² Dĩdĩ, occa ithiktu niig tarbalꞌthẽẽt cĩ Nyekuci ngaatĩ ẽbẽraanna nganĩĩt hikia heeluung ngagiita.

Eevvetho 3:2 ပူးပေါင်းရင်းမြစ်များ

Dtiicanĩ cĩg ꞌThooyyiahu 13:2

Ma baa nga abuluth nẽẽg Makayyioohit nẽ edettia eleeti ꞌgẽẽna, ikia ĩĩnnĩk Lorii ꞌcĩ Ẽllẽẽmĩth ĩhõõggõ, “Eberriahaangu Baarnaba hĩ ꞌThaaulo, hátĩ hidticanit dtiic ꞌcĩ havveehi naa ĩhõõggõ ho.”

Dtiicanĩ cĩg ꞌThooyyiahu 13:46

Nẽẽthĩ, baa ẽdẽcĩ Paaulo hĩ Baarnaba tõrõmẽẽꞌthĩta anneek, “Baa hadiimma naag hallimaneekuung ngagiit nyeemuut cĩ Nyekuci ĩĩcĩ oou, õõa ꞌcĩ nga hillimatteeha eet ũgĩ, aburru hinnia niig nyeemuut tĩho! Ĩko aburru rũgẽt ꞌcĩ aalla ooo. Nẽẽthĩ ꞌyioko, hoottia naag nyeemuut icci, hĩ eet ꞌcĩg hõllõngaa ĩĩn ꞌJudeei,

Dtiicanĩ cĩg ꞌThooyyiahu 22:21

“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 11:13

Hothoothikuung naa ngagiit eet ꞌcĩg hõllõngaa iiginnu ꞌJudeei. Hõlõ, hĩcĩ hĩĩnĩ naa ꞌthooyyiahit cĩ eet ꞌcĩg hõllõngaa ĩĩn ꞌJudeei ho, haccamanoothihi hatĩ hĩnĩngĩtĩ dtiic caannĩ ho,

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

1 Korinthia 4:1

Nẽẽthĩ, ĩcĩttaangu nganĩĩt hĩ Appoolo hĩ dticcianniooha cĩg Krĩstõ, ꞌcĩg baag aaꞌnyĩhoothĩkeet dtiici ꞌcĩ hẽddẽẽbaka eet thooꞌthiok ꞌcĩg Nyekuci ꞌcĩg ĩllõõan ꞌgẽẽnyĩth cĩ eetu.

ꞌGalaaꞌthia 1:13

Ĩthĩktu niig baa hĩĩnĩ naa ꞌJudeeinit ꞌcĩ baa haga nyattal cĩ nyakangaaꞌnya cĩggaang gẽrrẽẽt. Baa haruhi naa eet ꞌcĩg ĩĩn lemmiook cĩg Yeesu nẽ hĩttĩmana ngaatĩ hĩꞌthaanĩ lothippit cĩ lemmiook cĩg Nyekuci.

Eevvetho 1:10

Nẽẽthĩ, muhẽẽnĩt tĩho cieeni. Ma ũttũbanoothĩk kõrra, aaꞌnyĩk hatĩ Nyekuci Krĩstõ haggam hẽlẽggĩ vẽlẽk cĩg hẽẽtkujjieen hĩ cĩg lootu.

Eevvetho 3:7

ꞌBaanittaa cĩ bũnnai cĩ Nyekuci hĩ ꞌtirriaanaa cĩnnĩ ĩcobbi, aaꞌnyĩhoothĩhaa nganĩĩt dtiici ꞌcĩ hadticanõõthĩkĩĩ ĩnõõnnõ nẽ hillimana nyeemuut ꞌcĩ abũnnaa.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Eevvetho 4:21

Dĩdĩ, iita agayyu niig ĩnõõnnõ nẽ baa illimatteeu niig thõõthaa cĩnnĩ ꞌgõõlaa cĩ thõõth ꞌcĩ ĩĩn dĩdĩ, ꞌcĩ aaĩ hĩ Yeesu.

Eevvetho 4:7

Baa eꞌngereeheet Krĩstõ ꞌthĩnĩtaa cĩnnĩ ꞌcĩ callĩ ꞌbaaninit ngagĩĩt vẽlẽk.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

Kolooꞌthe 1:6

ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

1 Timotteeo 1:11

ammuddiaa ꞌlimmanĩ niccia nyeemuutaa ꞌcĩ abũnnaa, ĩcĩ aaꞌnya nganĩĩt Nyekuci ꞌcĩ abuli nẽ ẽllẽẽm gẽrrẽẽt.

1 Timotteeo 1:4

Duhaak eet hũtũngteek thooꞌthiok ꞌcĩg ara nẽẽg athithan, õthõõthĩ dtẽẽllẽn ꞌcĩg ĩĩn õlõng hĩ ngaatĩ agiilanĩ hattũũgẽt baag maajihi cĩggĩĩng baag baangaani, ꞌcĩg aaꞌnyĩk ĩhõõggõ hẽppẽhattõõ haaga nẽ hõllõngaa aaꞌnyĩk ĩhõõggõ hidticanit thõõth cĩ Nyekuci, ꞌcĩ hammũda ꞌgõõlaa ꞌcĩ hẽlẽmmĩ thõõth cĩnnĩ diooni.

1 Timotteeo 2:7

Nẽ baa ẽbẽraanna Nyekuci nganĩĩt hĩĩ eet ꞌcĩ hirriooni nyeemuut ꞌcĩ abũnnaa nẽ hĩĩna ꞌthooyyiahit ꞌcĩ hallimaneehi eet ꞌcĩg hõllõngaa ĩĩn ꞌJudeei, nyeemuut cĩ lemiitto hĩ cĩ thõõth ꞌcĩ ĩĩn dĩdĩ. Hõllõngaa hittoorihi naa thõõth umwa, haduha thõõth ꞌcĩ ĩĩn dĩdĩ.

2 Timotteeo 1:11

Nẽ baa ẽbẽraanna nganĩĩt Nyekuci hĩĩ ꞌthooyyiahit cĩnnĩ ꞌcĩ hakuu hallimaneehi eet thõõth cĩnnĩ ꞌcĩ ĩĩn ngeju.