Eevvetho 3:16 - ꞌBuuk cĩ Thõõth cĩ Nyekuci

¹⁶ Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu,

Eevvetho 3:16 ပူးပေါင်းရင်းမြစ်များ

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

ꞌRooma 2:29

Aitiõõ, ĩĩn ẽẽtĩ ꞌJudeeinit hatĩ ĩĩn ꞌJudeeinit ꞌthĩnĩtatõõ dĩdĩ nẽ hõllõngaa ĩĩn ciee ꞌteedinit cĩ ello, ĩĩn ꞌteedinit cĩ ꞌthĩnĩtõ Loriiaa ꞌcĩ Ẽllẽẽmĩthĩ nẽ hõllõngaa nyattaala ꞌcĩ eheeddi loota. Aku dĩhĩthẽẽnĩtĩ cĩ eet ꞌcĩ aaĩ hoti hĩ Nyekuc, hõllõngaa aku hĩ eeta.

ꞌRooma 7:22

ꞌThĩnĩtatõõ caannĩ vẽlẽk, helemi naa nyattal cĩ Nyekuci.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

1 Korinthia 16:13

Aaut dĩkĩĩm, okomit lemiittaa cunuung, aanytĩk ꞌthinneeti hokomit.

2 Korinthia 12:9

Nẽ ikia ẽdẽca nẽẽ nganĩĩt ĩnnĩhaa, “Bũnnai caannĩ dioo ꞌcĩ adiimi niina. Hĩnĩngĩtĩ maka ꞌtirriani caannĩ hatĩ appĩĩrna niina.” Nẽẽthĩ, hatali hatĩ naa gẽrrẽẽt hatĩ aaꞌnya Krĩstõ nganĩĩt ꞌtirrian cĩnnĩ, hĩnĩngĩtĩ appĩĩrna ẽlẽ caannẽẽnĩ.

2 Korinthia 4:16

Hõllõngaa haaꞌnyĩka naag ꞌthinneeti cĩggaang hupuppudit, tananga adaaknothi eleeti cĩggaang, aalla nẽẽ ittoori kõmĩĩthĩ cĩ ꞌthinneeti cĩggaang waathinnioohĩ vẽlẽk.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 2:7

Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.

Eevvetho 3:15

Teheꞌnyioohit ꞌcĩ akanneek ꞌthaar eet cĩg halang cĩnnĩ vẽlẽk hẽẽtahujjieen hĩ loota.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 6:10

Nẽ thõõthaa ꞌcĩ adtuurna, aanytĩk ꞌtirrian cobbi gẽrrẽẽt cĩ Makayyiookto haaꞌnyuung ittiranit.

Pilippi 4:13

Occa hadticani ꞌgii vẽlẽk, hĩnĩngĩtĩ Krĩstõ ꞌcĩ aaꞌnya nganĩĩt ꞌtirrian ko.

Pilippi 4:19

Hala naa Nyekuc, hátĩ haaꞌnyuung ꞌgii vẽlẽk ꞌcĩ adiimmu ꞌgattaanaa ꞌcĩ ĩllõõan vẽlẽk ĩĩcĩ aku hĩ Yeesu Krĩstõ.

Kolooꞌthe 1:11

Halaiinna naag, hátĩ okomit niig bulẽẽttaa cĩ ꞌtirrian cĩnnĩ, hátĩ aꞌnyahit temeethi vẽlẽk ꞌcĩ adiimmu niiga. Aꞌnyĩĩk Nyekuc haaꞌnyuung taliinit.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

2 Timotteeo 4:17

Nẽẽthĩ, baa Makayyioohit dioo ꞌcĩ abĩlĩ dhoortaa caannĩ nẽ aaꞌnya ꞌtirrian, hátĩ hillimaneek eet nyeemuut cĩ Nyekuci nẽ ĩthĩhĩt eeta ꞌcĩg hõllõngaa ĩĩn ꞌJudeei vẽlẽk, hĩnĩngĩtĩ nganĩĩta nẽ heellia ũtũũgaa cĩ ꞌmaaõ.

Ebereei 11:34

nẽ iliittia lanyit cĩ ꞌgwoyyio nẽ iliittia nyetubooꞌnya cĩg mĩrõk cĩggĩĩng. Tananga baa appĩĩrna nẽẽgĩ, baa aaꞌnyĩhoothĩk ĩhõõggõ makaaꞌthĩt hĩ ꞌtirrian ꞌcĩ iiggiaĩ mĩrõk cĩggĩĩng hukulit.

1 Pẽẽtũrũ 3:4

Aꞌnyĩĩk ꞌlẽẽmĩth ꞌcĩ aku ꞌthinneetinii cugguung haaꞌnyuung ngagiit aaut lõꞌngõõc nẽ iittu tarbalĩg. Ĩĩn ciee ꞌlẽẽmĩth ꞌcĩ aalla ĩꞌthõng nẽ accamana Nyekuci gẽrrẽẽt.