Eevvetho 3:1 - ꞌBuuk cĩ Thõõth cĩ Nyekuci

¹ Hikia hĩĩna naa Paaulo baabutheenit cĩ Krĩstõ, hátĩ heeluung ngagiit eet ꞌcĩg hõllõngaa iiginnu ꞌJudeei.

Eevvetho 3:1 ပူးပေါင်းရင်းမြစ်များ

ꞌLuuka 21:12

“Nẽẽthĩ, õõa ꞌcĩ nga hẽdẽẽnytaĩ hẽlẽggĩ cieegi, aggammuung hatĩ nẽẽg ngagiit nẽ õhõggõõrattuunga. Ooyyuung hatĩ lokihẽẽtĩ ꞌCieethinii cĩg Laiittak nẽ aarrihuung baabuuthnyanĩ nẽ aꞌnyaktaauung hẽbẽrẽẽnnĩĩ cĩg habueetu hĩ ꞌgaala ꞌcĩg obbitig, hĩnĩngĩtĩ ꞌthaar cĩgannĩg.

Dtiicanĩ cĩg ꞌThooyyiahu 21:33

Ma ho, ikia ꞌgaalacĩ cobbi ho nẽ aggam Paaulo nẽ uduhaak athegereeꞌnya hecebit ĩnõõnnõ nyerikooꞌnyanĩĩ ꞌcĩg obbitig ꞌramma. Nĩngĩtĩ ajini ĩnõõnnõ nganĩ nẽẽ nẽ ꞌgii tĩhathini ꞌcĩ hatĩ ẽꞌthẽcan nẽẽ ho.

Dtiicanĩ cĩg ꞌThooyyiahu 23:18

Nĩngĩtĩ aꞌnyahõõthĩkĩ ꞌgaalacĩ nyahaappan nicci, ꞌgaalac cobbi cĩ ũũrũta nẽ ũũk ĩĩnnĩk, “Aduhaaka nganĩĩt baabutheeniti ꞌcĩ haĩ ꞌthaar Paaulo haꞌnyahaahii nganiit nyahaappan icci, hĩnĩngĩtĩ aꞌnyak thõõth ꞌcĩ adiim aduhaakiina.”

Dtiicanĩ cĩg ꞌThooyyiahu 26:29

Ẽdẽcĩ Paaulo anneek, “Hode hutur ꞌthaa hode uun, hala naa Nyekuc nẽ hõllõngaa hĩnĩngĩtĩ ngagiit diooni, nẽẽthĩ, hala hĩnĩngĩtĩ eet ꞌcĩg athĩkna nganĩĩt kõr ꞌcĩ iyyieni, hatĩ nuun hiita haauto hĩ naana, hõllõngaa thĩ hinnia hẽcẽbtĩ nyerikooꞌnyanĩ hĩ naana.”

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

2 Korinthia 1:6

Má happĩĩrnanna naaga, ĩĩn mammaayaniinit hĩ elliaanĩt cunuung. Má baa amammaayanneet Nyekuci ngagĩĩta, ĩĩn mammaayaniinit cunuung ꞌcĩ aaꞌnyuung ngagiit etemeethit pĩĩrnanĩt nicci happĩĩrnanna naag buúk ko.

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 11:23

Irrian nẽẽg aĩ hĩĩgĩnna dticcianniook cĩg Krĩstõ? Hĩĩnĩ hinnia naa ꞌgiiꞌthiahit hatĩ hothoothi hoti, hĩnĩngĩtĩ hĩllõõani naa ĩhõõggõ. Hĩnĩngĩtĩ hidticanoothĩha naa Nyekuc gẽrrẽẽt, haarĩhoothĩha baabuuth tabattĩ mẽẽlĩg nẽ huuki halliẽẽnĩ tabattĩ mẽẽlĩg, hĩnĩngĩtĩ Krĩstõ nẽ hoboktooa hĩ daahĩth tabattĩ mẽẽlĩg.

ꞌGalaaꞌthia 5:11

ꞌGotoonoga hĩ ngoonoga, má nga hallimani naa thõõth ꞌcĩ occa etteedini eleeti cĩg eet ꞌcĩg maacĩg, inni haccanattaa eeta cĩg ꞌJudeei nganĩĩt ko? Occa hõllõngaa ĩĩn nyeemuut cĩ hurucceeo, thõõth umwa ꞌcĩ abathĩ, hatĩ nga hanneehi naa eet etteedit eleeti.

ꞌGalaaꞌthia 5:2

Ĩthĩhĩt thõõth caannĩ! Haduhaakuung naa Paaulo hanneekuung, má nga aaꞌnyiku eleeti cugguung hetteeddi, iittiõõ thĩ mĩĩ Krĩstõ hõllõngaa ĩĩn eet ꞌcĩ tiiri hĩ ngagiit vẽlẽk.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Eevvetho 3:11

Baa muhẽẽnĩt cĩ Nyekuci ciee baa nga hẽtẽhẽnya nẽẽ looc. Nẽ baa ũũlũ Nyekuci ngaatĩ ẽdẽcaakĩ dtiic baa ammuk nẽẽ, hĩnĩngĩtĩ hẽlẽggĩ vẽlẽk baag adĩman Yeesu Krĩstõ Makayyioohiti cĩnaac.

Eevvetho 3:13

Ĩnõõ ꞌcĩ occa hõllõngaa aduulẽnĩ ngagiit ꞌthinneeti, hatĩ haccanannii naa hĩnĩngĩtĩ ngagiit ko. Nẽẽthĩ nẽẽꞌthẽk, aꞌnyahaakuung hatĩ ngagiit ꞌcannani caannĩ ho bulẽẽnĩt.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Eevvetho 6:20

hĩnĩngĩtĩ hĩĩnĩ naa ꞌthooyyiahit ꞌcĩ hecebbi baabuutha. Alayyiooyyiaangu, hátĩ hillimanõ ꞌthĩnĩtaa ꞌcĩ õkõmĩ hĩcĩ occa hallimannii.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

Kolooꞌthe 4:18

Hẽhẽẽdakuung naa Paaulo ꞌthaainit icci athĩnĩĩ cĩgannĩg. Ma hataarroꞌthu thõõth ꞌcĩ hecebiini naa baabuutha ho. Aꞌnyĩĩk bũnnai cĩ Nyekuci haau hĩ ngagiita.

Kolooꞌthe 4:3

Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

2 Timotteeo 1:16

Aꞌnyĩĩk Nyekuc hatamaatĩk Onethivoro hĩ halang cĩnnĩ, hĩnĩngĩtĩ ĩnõõnnõ ꞌcĩ baa aaꞌnya hõkõm ꞌthĩnĩt, baa hõllõngaa aꞌngaaõn nẽẽ ngaatĩ aku acĩnna nganĩĩt, baa haaĩ baabuuthatõõ.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

Vilõmẽẽnõ 1:1

Waraga ꞌcĩ aku hĩ nganĩĩt Paaulo hĩ ꞌgotooneet Timotteeo cieeni, haaĩ naa baabuutha hĩnĩngĩtĩ hirriooni nyeemuut cĩ Yeesu Krĩstõ. Hẽhẽẽdakii naa nganiit Vilõmẽẽnõ, ꞌcĩ hammĩnannii nẽ hidticattõõ hõdẽĩ waraga icci,

Vilõmẽẽnõ 1:23

Epavarato ciee harũmeenna baabuutha hõdẽĩ ho, hĩnĩngĩtĩ ĩĩn nẽẽ nuyyioohit cĩ Yeesu Krĩstõ. Ĩꞌthaayyi nẽẽ buúk nganiita,

Vilõmẽẽnõ 1:9

Nẽ hĩnĩngĩtĩ mĩnnan cĩnaac, occa hanneekii ꞌmuuk thõõth icci haau hĩ jinẽẽnĩtĩ ꞌcĩ aku hĩ nganĩĩt Paaulo, ꞌcĩ hatahaanya nẽ ꞌyioko hĩĩna baabutheenit, hĩnĩngĩtĩ Yeesu Krĩstõ buúk,

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.