Eevvetho 2:6 - ꞌBuuk cĩ Thõõth cĩ Nyekuci

⁶ Nĩngĩtĩ arũgthanneet Nyekuci ngagĩĩt daahĩtha, hõdẽĩ hĩ Krĩstõ nẽ aaꞌnyeet hũrũmtĩ hĩ Yeesu Krĩstõ hẽẽtahujjieen.

Eevvetho 2:6 ပူးပေါင်းရင်းမြစ်များ

Maatteeo 26:29

Haduhaakuung dĩdĩ, hõllõngaa hatĩ hahudi naa mẽrtĩ icci viinoo ho tarĩ, ĩꞌthõng hõdõlan kõrra ꞌcĩ hatĩ hahũdĩ hĩ ngagiit mẽrtĩ cĩ viinoo ꞌcĩ ĩĩn ngeju, habuccieetaa cĩ Baaba.”

ꞌLuuka 12:37

Abũnnaa hatĩ dticcianniooha ꞌcĩg ma aku makayyioohiti cĩnĩĩng, ammũdeek acĩnĩ. Haduhaakuung dĩdĩ, aku hatĩ akũmanoothĩk makayyioohiti nẽ aaꞌnyĩk dticcianniook cĩgĩnnĩg haauto loota nẽ aaꞌnyĩk ꞌgẽẽn hudukto hĩ ĩnõõnnõ hõdẽĩ.

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 14:3

Nẽ má hũũk hũkũmaneeha nĩngĩtĩ cunuung ko, hõbõda hatĩ nẽ hikia huukuung hõõt hũrũmtĩ hõdẽĩ nẽ aauttu niig buúk ngaatĩ haayyi naana.

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Eevvetho 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ ꞌcĩ aꞌnyahaakeet ngagĩĩt ꞌgattan hẽẽtahujjieen.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 2:13

Nẽẽthĩ ꞌyioko, urumtu niig eleeti cugguung hõdẽĩ hĩ Yeesu Krĩstõ. Baa gõõng iiginnu niig ꞌrẽẽttĩg hĩ Nyekuc, nẽẽthĩ ꞌyioko, iita oboktoou niig hĩ ĩnõõnnõ, hĩnĩngĩtĩ biyyi cĩg Krĩstõ.

Kolooꞌthe 1:18

Ĩĩn Krĩstõ Makayyioohit cĩ lothippit cĩ lemmioohu. Nẽ ĩĩn lothippiti ciee ẽlẽ cĩnnĩ. Atiman nẽẽ ngaatĩ arũgnaanĩ daahĩtha, hátĩ hĩĩ Makayyioohit cĩ eet vẽlẽk hĩ hẽlẽggĩ vẽlẽk.