Eevvetho 2:4 - ꞌBuuk cĩ Thõõth cĩ Nyekuci

⁴ Nẽẽthĩ, hĩnĩngĩtĩ mĩnnan cĩnnĩ cobbi ꞌcĩ aꞌnyaheekeet nẽẽ ngagĩĩta, ikia Nyekuci ꞌcĩ aꞌnyak tamaati ꞌcĩ maka,

Eevvetho 2:4 ပူးပေါင်းရင်းမြစ်များ

Yõõna 4:2

Nĩngĩtĩ alaĩ nẽẽ Makayyioohit annẽẽkĩ, “Baa hagawa naa thõõth icci baa ĩĩcĩ oou hĩĩna, aitiõõ hatĩ nii hõllõngaa aruhi eet cĩg ꞌtaaũn cĩ Nineve. Ĩnõõ ꞌcĩ hũũnnĩkĩĩ naa looc caannĩ dẽẽdẽ nẽ hũũha ĩĩcĩ looc cĩ Tarthithi ho. Ĩĩnĩ nii Nyekuc ꞌcĩ tarbalĩ nẽ atamaatihuu eeta nẽ emmeethi thooꞌthiok gẽrrẽẽt. Ẽtẽrꞌtha nii mĩnnan hõdõõkõthĩ nẽ hõllõngaa adiim uuki eet umwa, tananga eet cĩg looc ꞌcĩ ꞌrĩĩng.

ꞌLuuka 1:78

hĩnĩngĩtĩ tamaati cobbi cĩ Nyekuc cĩnaac ꞌcĩ abũnnaa, ꞌcĩ hatĩ aku uppwannakeet kõrra ngagĩĩt hẽẽtahujjieen,

ꞌRooma 10:12

Hĩnĩngĩtĩ aduhõõ eeta ꞌcĩg ĩĩn ꞌJudeei hĩ eet ꞌcĩg hõllõngaa ĩĩn ꞌJudeei thõng, Makayyioohit hõdẽẽthõng dioo ꞌcĩ ĩĩn Makayyioohit cĩ eet vẽlẽk nẽ aggatan eet vẽlẽk gẽrrẽẽt ꞌcĩg ẽlẽmĩ ĩnõõnnõ.

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

ꞌRooma 5:8

Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 2:7

Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

1 Timotteeo 1:14

Baa tarbal Makayyioohiti cĩnaac Yeesu Krĩstõ hĩ nganĩĩta. Baa aggatan nẽẽ rũgẽt caannĩ lemiitta, hĩ mĩnnaanaa haau hĩ loholeec cĩnnẽẽnĩ.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.