Eevvetho 2:2 - ꞌBuuk cĩ Thõõth cĩ Nyekuci

² ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

Eevvetho 2:2 ပူးပေါင်းရင်းမြစ်များ

Maatteeo 11:19

Ma baa aku Ngeertĩ Eeto aduhi nẽ ũhũdĩ, ainnu, ‘Ĩĩn ẽẽtĩ ciee lobolobbiaahit nẽ ĩĩ duuttiahit, ꞌgõõnĩ eet ꞌcĩg alũt occoro hĩ ꞌthẽccanniook.’ Nẽẽthĩ hinnianĩ, edeeꞌnyia ꞌgẽẽnyĩthĩ ꞌcĩ ĩĩn dĩdĩ, thooꞌthiohĩĩ vẽlẽk ĩcĩg adtican nẽẽnĩ.”

Maatteeo 13:22

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Maatteeo 13:38

Ĩĩn mana looc nicci nẽ hinyomona ꞌcĩg abũnnaa, ĩĩn lõhõlĩ cĩg habuccieet cĩ Nyekuci. Nẽ ꞌcĩ ĩĩn ꞌdwaanĩ ho, ĩĩn lõhõlĩ cĩg ꞌThĩttaanak,

Maarko 4:19

nẽ hinnia ummuhit rũgẽt cĩ looc nicci hĩ mĩnnan cĩ baliitto hĩ hẽlẽggĩ vẽlẽk ꞌcĩg ammũyan ĩhõõggõ nẽ ẽꞌthẽcanit thõõth cĩ Nyekuci, iittiõõ hõllõngaa abbiiri haꞌnyakta hinyomo.

ꞌLuuka 16:8

“Ma ho, ikia accamana ballioohiti dticciannioohit ꞌcĩ ĩĩn oloꞌngiaahit ko gẽrrẽẽt, ngaatĩ ẽggẽẽꞌnyĩ nẽ ĩdĩman eet ꞌcĩg acuhan ijjio jurrung. Nẽ dĩdĩ, ẽggẽẽnyĩth eeta cĩg looc nicci, ngaatĩ adĩmanĩ ꞌgõõnõgĩ jurrung hĩllõõanit eet cĩg lanyitaak.

ꞌLuuka 22:31

Ma nĩngaata, ĩĩ Yeesu, “ꞌThimõõnẽ, ꞌThimõõnẽ, adiim ꞌThĩttaanĩ egeelluung ngagiit hõdẽĩ hõdẽĩ hĩ aagõõng egeelĩk jannioohiti tahaha cĩg ꞌgẽẽmẽ tuu.

Yõaannẽ 12:31

Õdõlan kõrra ꞌcĩ etteedini thooꞌthioha cĩg eet cĩg looc nicci nẽ itiggiaoothĩk habuui cĩ looc nicci tuu!

Yõaannẽ 13:2

Ma baa nga eꞌngerri ꞌgẽẽn cĩ ꞌjiaatinu, ikia ũlũllũũman habuui cĩ loriẽẽt ꞌcĩg abathĩ ꞌJuuda Ithkarioote ngeertĩ ꞌThimõõnẽ Ithkarioote, hũũk hõhõppõõcan Yeesu.

Yõaannẽ 13:27

Ma baa ẽdẽcaak ꞌJuuda ngaatĩ aduhi ũbũnĩ nicci ho, ikia uduhun ꞌThĩttaanĩ ĩnõõnnõ nĩĩcĩ noho. Nĩngĩtĩ aduhaakĩ Yeesu ĩnõõnnõ annẽẽkĩ, “Bĩĩt dĩman thõõth cunni ho hataman!”

Yõaannẽ 14:30

Iittiõõ hatĩ ꞌyioko hõllõngaa hõthõõthõõ naag hĩ ngagiit ĩꞌthõng, hĩnĩngĩtĩ ikia habuui cĩ looc nicci. Nẽẽthĩ, hõllõngaa aꞌnyak nẽẽ ꞌtirrian ꞌcĩ ĩllõõanna nganĩĩta.

Yõaannẽ 15:19

Má baa ĩĩtõ niig eet cĩg looc nicci, occa ꞌyioko ammĩnannuung eeta cĩg looc nicci ngagiita. Nẽẽthĩ, iittiõõ niig hõllõngaa iiginnu eet cĩg looc nicci. Baa hẽbẽraauung naa ngagiit, hátĩ ũtũngteek thooꞌthiok cĩg looc nicci. Ĩnõõ ꞌyioko ꞌcĩ aaburreekuung eeta cĩg looc nicci ho.

Yõaannẽ 16:11

Nẽ ẽrẽk ĩhõõggõ ngaatĩ ẽttẽẽdĩ Nyekuci thooꞌthiok, hĩnĩngĩtĩ ẽttẽẽd Nyekuci thõõth cĩ habu cĩ looc nicci ẽlẽk.

Yõaannẽ 7:7

Aitiõõ hõllõngaa aaburreekuung eeta cĩg looc nicci ngagiita, aaburreeka nẽẽg nganĩĩt, hĩnĩngĩtĩ hĩbbõõrahi naa ĩhõõggõ thooꞌthiok ꞌcĩg abathĩ ꞌcĩg adĩman nẽẽgĩ.

Yõaannẽ 8:23

Ẽdẽcĩ Yeesu ĩhõõggõ anneek, “Iiginnu niig eet cĩg looc nicci nẽ hĩĩnĩ naa eet cĩ hẽẽtkujjieen. Iiginnu niig eet cĩg looc nicci nẽ aitiõõ naa hõllõngaa hĩĩnĩ eet cĩ looc nicci.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

Dtiicanĩ cĩg ꞌThooyyiahu 19:35

Ma ho, aaꞌnyĩk teheeddiohiti cĩ ꞌtaaũnõõ lothippit haau loota nẽ õthõõth ĩĩ, “Eeta cĩg Eevvetho, nganĩ looccaa nĩĩcĩ ꞌcĩ hõllõngaa aga ꞌtaaũn cĩnaac ngaatĩ ĩĩnnĩ hilib cobbi cĩ ꞌcieeth cĩ nyekuc ꞌcĩ ngayyi ꞌcĩ maka cĩ Artemithi? Nganĩ ꞌcĩ hõllõngaa aga ngaatĩ adhukiaanĩ ꞌthooura cĩ Artemi ꞌcĩ ꞌyioko aaĩ ngaati ho hẽẽtahujjieen?

Dtiicanĩ cĩg ꞌThooyyiahu 5:3

Ma ho, ĩĩ Pẽẽtũrũ, “Anania, alũllũmannii ꞌThĩttaanĩnganiit ꞌgõõl Lori ꞌcĩ Ẽllẽẽmĩth ngaatĩ itiangꞌthĩ ꞌrabbẽẽt aag aaꞌnyĩhoothikii, aa ũũtẽnĩ nii ijjio ho hutuno?

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

1 Korinthia 5:10

Nẽẽthĩ, baa aitiõõ naa hõllõngaa hothoothi eet cĩg looc nicci. Adiim occa uunniku niig looc nicci, hátĩ iliittia eet ꞌcĩg ĩĩn ꞌthẽccanniook hode lobolobbiaak hode eet ꞌcĩg ĩggõõl ꞌgõõnõgĩ hode eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

ꞌGalaaꞌthia 1:4

Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.

Eevvetho 1:21

Aggam Krĩstõ hẽlẽggĩ vẽlẽk ꞌcĩg attiran hĩ ꞌcĩg aꞌnyak makaaꞌthĩt hĩ ꞌcĩg aggam loonyin vẽlẽk. Aggam nẽẽ hẽlẽggĩ vẽlẽk cĩg looc nicci nẽ hatĩ aggam cĩg looc ꞌcĩ hatĩ horumwa buúk.

Eevvetho 2:11

Ma hataarroꞌthu ngaatĩ baa iiginnu niig eet ꞌcĩg hõllõngaa iiginnu ꞌJudeei. Baa gõõng aũũyyuung eeta cĩg ꞌJudeei anneekuung, “Eet ꞌcĩg nga hetteeddi eleeti ꞌcĩg hõllõngaa ĩĩn ꞌJudeei,” baa gõõng irrian nẽẽg, hĩnĩngĩtĩ ẽttẽẽd eleeti cĩggĩĩng.

Eevvetho 2:13

Nẽẽthĩ ꞌyioko, urumtu niig eleeti cugguung hõdẽĩ hĩ Yeesu Krĩstõ. Baa gõõng iiginnu niig ꞌrẽẽttĩg hĩ Nyekuc, nẽẽthĩ ꞌyioko, iita oboktoou niig hĩ ĩnõõnnõ, hĩnĩngĩtĩ biyyi cĩg Krĩstõ.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

Eevvetho 4:22

Udhukteek authet baalluung ꞌthẽccaneetu baa ꞌrẽẽnĩ tuu, ꞌcĩ ẽꞌthẽcan thooꞌthioha ꞌcĩg ĩĩn ꞌriiring hĩ õlõng.

Eevvetho 5:6

Ma haaꞌnyiku eet umwa higgooluung õlõnga haaga, hĩnĩngĩtĩ thooꞌthiok iccig, alĩĩllĩk Nyekuci eet ꞌcĩg hõllõngaa athĩhĩ thõõth cĩnnĩ.

Eevvetho 5:8

Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,

Eevvetho 6:12

Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen.

Kolooꞌthe 1:21

Baa gõõng iiginnu niig ꞌrẽẽttĩg hĩ Nyekuc. Baa aaꞌnyuung muhẽẽnĩtĩ cunuung ngagiit ĩĩtõ mĩrõk cĩg Nyekuci nẽ ĩdĩmattu thooꞌthiok ꞌcĩg abathĩ.

2 Timotteeo 4:10

hĩnĩngĩtĩ ĩmmĩnan ꞌDẽẽma hẽlẽggĩ cĩg looc nicci ũtũngeeha haau ẽmmẽn, ĩtĩnga ũũk ꞌtaaũnaa cĩ Tẽꞌthaloonika. Nẽ tarĩ ĩtĩnga Kerethenĩ buúk ũũk looccaa cĩ ꞌGalaaꞌthia, õkõ adtican dtiic cĩ Makayyiookto nẽ ũũk Tiito looccaa cĩ Dalamatia.

ꞌJeemith 1:27

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.

ꞌJeemith 1:7

Nẽẽthĩ, ẽẽtĩ ꞌcĩ ĩccaad thõõth, occa hõllõngaa ammuk aĩ, hammũda hatĩ ꞌgiimwa hĩ Nyekuc;

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

1 Pẽẽtũrũ 1:14

Aaut ꞌthẽk hĩ lohollia cĩg Nyekuci ꞌcĩg athĩknĩ. Ma nga hobodoothĩku thooꞌthiok baag ꞌrẽẽttĩg abathĩ, baa gõõng adĩmannu niig baa nga erekuung thõõtha.

1 Pẽẽtũrũ 4:3

Baa unuuktihu niig ngaatĩ aattiyyu hĩ eeta ꞌcĩg hõllõngaa aga Nyekuc. Baa iiginnu niig ꞌthẽccanniook nẽ unuyyu thooꞌthiok ꞌcĩg abathĩ ꞌcĩg abũraneeku niiga. Baa adaku karramẽẽt ꞌcĩg adĩmannu thooꞌthiok ꞌcĩg ĩĩn ꞌriiring nẽ tarĩ, uhuddieeu ũdũũtĩt tahatak. Nẽ dĩdĩ, alayyu hẽlẽggĩ ꞌcĩg aar eeta hĩĩtõ nyekuꞌnya nẽ iittiõõ hõllõngaa aꞌngaonnu buúk.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.

1 Yõaannẽ 3:10

ꞌGõõl ꞌcĩ occa hagaĩ naag lõhõlĩ cĩg Nyekuci, hĩ lõhõlĩ cĩg habu cĩ loriẽẽt ꞌcĩg abathĩ cieeni. Ẽẽtĩ ꞌcĩ hõllõngaa adĩman thooꞌthiok ꞌcĩg aũlanĩ, hõllõngaa ĩĩn loholeec cĩ Nyekuci nẽ ẽẽtĩ ꞌcĩ hõllõngaa ammĩnan ꞌgõtõnĩ, hõllõngaa ĩĩn nẽẽ buúk loholeec cĩ Nyekuci.

1 Yõaannẽ 3:8

Ẽẽtĩ ꞌcĩ aalla adĩman ꞌthẽccan, ĩĩn eet cĩ habu cĩ loriẽẽt ꞌcĩg abathĩ. Baa ẽꞌthẽcanõõ ꞌThĩttaanĩ baa ꞌthianaatta, nẽẽthĩ, baa aku Ngeertĩ Nyekuci hikia hõõga eet dtiicanẽẽnnĩ vẽlẽk ĩcĩg abathĩ ĩcĩg ꞌThĩttaanak.

1 Yõaannẽ 4:4

Niig lohollia, ĩĩgĩnnu niig cĩg Nyekuci nẽ ĩllõõattu põrõvẽtaaꞌnya ꞌcĩg ĩĩn oloꞌngiaak ko. Hĩnĩngĩtĩ ĩllõõan Lorii ꞌcĩ aaĩ hĩ ngagiit ko, lori ꞌcĩ aaĩ loota nĩnga ho.

1 Yõaannẽ 5:19

Haga naag jurrung haĩ, hau naag hĩ Nyekuc nẽ aggam ꞌThĩttaanĩ eet vẽlẽk ꞌcĩg abathĩ ꞌcĩg looc nicci.

1 Yõaannẽ 5:4

Aga lohollia cĩg Nyekuci vẽlẽk, ngaatĩ occa ĩllõõanĩ looc nicci ꞌthẽccaanõ ho nẽ hammũda naag ꞌlõõani icci lemiittaa cĩnaac.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 16:17

Ma ho, udduutik aajĩlõ ꞌcĩ ĩĩn tũkĩramma lohilihili cĩnnĩ ngõõta. Ma nĩngaata, ẽggẽrẽnya Nyekuci moloohaa cobbi dtaabawa ꞌCieethaa cĩnnĩ ĩĩ, “Hũttũbaneeha thõõth vẽlẽk!”

Terethiinit 20:2

Ma nĩngaata, ikia aggam aajĩlõ tĩho ꞌbuuk ꞌcĩ aꞌthĩlan ko, nẽ ẽcẽb irkiꞌnyia aalib hõdẽĩ. Baa haĩ ꞌbuuk ꞌcĩ aꞌthĩlan ko baa ĩĩcĩ oou, hũkaat baa ꞌrẽẽnĩ, ꞌcĩ ĩĩn ꞌThĩttaan, nẽ ĩĩ habu cĩ loriẽẽt ꞌcĩg abathĩ.