Eevvetho 2:16 - ꞌBuuk cĩ Thõõth cĩ Nyekuci

¹⁶ Nẽ ẽllaa nĩĩcĩ dioo, ikia aganĩth Krĩstõ ĩhõõggõ hĩ Nyekuc, ngaatĩ adaaknĩ hurucceea nẽ ĩbĩlĩ mẽdẽr cĩnĩĩng.

Eevvetho 2:16 ပူးပေါင်းရင်းမြစ်များ

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

ꞌRooma 6:6

Haga naag haĩ, otoddoyyioothĩk eleeti baaggaac ꞌrẽẽttĩg hurucceea hĩ Yeesu. Baa adĩmanni thõõth ciee, hátĩ hiittiõõ eleeti cĩggaac hõllõngaa ĩĩn appahacaaꞌnya cĩg ꞌthẽccaanak tarĩ.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

ꞌRooma 8:7

Aaburreek muhẽẽnĩtĩ cĩ ꞌthẽccaanõ hõdõõkõthĩ Nyekuc. Hõllõngaa ẽlẽmĩ nyattal cĩ Nyekuci nẽ hõllõngaa occa adĩman noho ũdũt.

1 Korinthia 10:17

Hĩnĩngĩtĩ hõthõl naag ũbũnĩ hõdẽẽthõng, hiita hĩĩtõ naag ẽlẽ hõdẽẽthõng, tananga hĩĩgĩn mẽẽlĩg.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

Eevvetho 2:15

Daahĩthaa cĩnnĩ, ĩbĩlĩ nẽẽ ꞌgõõl ꞌcĩ adticaniini nyattalĩ cĩ Mũũꞌtha hĩ tilooinit cĩnnĩ vẽlẽk. Ikia ĩdĩman nẽẽ ganõn hõrggẽẽnaa cĩ eet cĩg ꞌJudeei hĩ ꞌcĩg hõllõngaa ĩĩn ꞌJudeei, ngaatĩ arũmĩ ĩhõõggõ hĩĩtõ hõdẽẽthõng.

Eevvetho 3:6

Nẽ muhẽẽnĩt ꞌcĩ ĩllõõan ꞌgẽẽnyĩth cĩ eetu ho cieeni. Hĩnĩngĩtĩ Yeesu Krĩstõ, aaꞌnyĩk nyeemuut ꞌcĩ abũnnaa eet ꞌcĩg hõllõngaa ĩĩn ꞌJudeei, hotholit hĩ eet ꞌcĩg ĩĩn ꞌJudeei vẽlẽk, baliinit ꞌcĩ hatĩ arigith lohollia cĩg Nyekuci. Au hatĩ ĩĩn eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei vẽlẽk, ẽlẽ hõdẽẽthõng nẽ accamanoothĩk hatĩ nẽẽg vẽlẽk ꞌgattaana, hĩnĩngĩtĩ iita ĩĩtõ nẽẽg vẽlẽk eet cĩg Yeesu Krĩstõ.

Eevvetho 4:4

Iiginnu niig vẽlẽk eet cĩg ẽlẽ hõdẽẽthõng. Ĩĩn Lorii cĩ Nyekuci hõdẽẽthõng, hĩ baa aaꞌnyuung ngagiit Nyekuci muhẽẽnĩt hõdẽẽthõng ꞌcĩ abũnnaa.

Kolooꞌthe 2:14

Ikia umummuunyan Nyekuci thooꞌthiok ꞌcĩg abathĩ baag etteedothoothĩkeet ngagĩĩt, hĩnĩngĩtĩ thõõth ꞌcĩ habũrrĩ nyattal cĩ Mũũꞌtha. Baa ittik nẽẽ ĩhõõggõ battaala nẽ otoddoeek hurucceea.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.