Eevvetho 2:10 - ꞌBuuk cĩ Thõõth cĩ Nyekuci

¹⁰ Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 2:10 ပူးပေါင်းရင်းမြစ်များ

Maatteeo 5:16

Nẽ ꞌgõõla hõdẽẽthõng, aꞌnyĩĩk thooꞌthiok ꞌcĩg abũnnaa ꞌcĩg adĩmani nii hatalanyit hudtuukta eeta vẽlẽk, hatĩ hĩdĩhĩthĩt eeta Maaꞌnyu cĩ hẽẽtkujjieen.”

Yõaannẽ 3:21

Nẽẽthĩ, ẽẽtĩ ꞌcĩ adtican thooꞌthiok ꞌcĩ ĩĩn dĩdĩ, aku hĩ lanyit, hátĩ hẽtẽrẽtha hĩĩ, baa adtican nẽẽ thooꞌthiok tĩko, hĩnĩngĩtĩ athĩhĩ thõõth cĩ Nyekuci.”

Dtiicanĩ cĩg ꞌThooyyiahu 9:31

Baa ikia aau lothippiti cĩ lemmioohu ganõõna looccaa cĩ ꞌJudeea hĩ ꞌGalileea hĩ Thamaria nẽ alaacõ Makayyioohit. Iita ittiranit nẽẽg gẽrrẽẽt, hĩnĩngĩtĩ ẽẽl Lorii ꞌcĩ Ẽllẽẽmĩth ĩhõõggõ aaꞌnyĩk hittoorri hĩĩtõ mẽẽlĩg.

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

1 Korinthia 3:9

Hĩnĩngĩtĩ hĩĩgĩnna naag dticcianniook cĩg Nyekuci, iiginnu niig mana hĩ ꞌCieeth cĩ Nyekuci.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

2 Korinthia 5:5

Nyekuc ꞌcĩ aaꞌnyĩk thooꞌthiok iccig vẽlẽk haauto ho. Ĩnõõnnõ ꞌcĩ aaꞌnyeet ngagĩĩt Lori ꞌcĩ Ẽllẽẽmĩth ꞌcĩ aaꞌnyeet hagaac aĩ adtican hatĩ nẽẽ thõõth icci.

2 Korinthia 9:8

Nẽ aaꞌnyuung hatĩ Nyekuci ngagiit vẽlẽk bũnnaiittaa cĩnnĩ, ꞌgii ꞌcĩ adiimmu niiga. Nẽẽthĩ hatĩ gõõng aꞌnyaktu hẽlẽggĩ vẽlẽk ꞌcĩg adiimmu niiga, hinyigiꞌthiaa ꞌcĩg mẽẽlĩg ꞌcĩg occa othollu hĩ ꞌgoonogu.

ꞌGalaaꞌthia 6:15

Aitiõõ hõllõngaa aaddi hatĩ etteeddi ẽẽtĩ hode nga hẽttẽẽdĩ, thõõth ꞌcĩ aaddi hĩ Nyekuc diooni, ꞌcĩ occa hĩĩgĩnnĩ naag ngeju.

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Eevvetho 1:4

Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Eevvetho 2:13

Nẽẽthĩ ꞌyioko, urumtu niig eleeti cugguung hõdẽĩ hĩ Yeesu Krĩstõ. Baa gõõng iiginnu niig ꞌrẽẽttĩg hĩ Nyekuc, nẽẽthĩ ꞌyioko, iita oboktoou niig hĩ ĩnõõnnõ, hĩnĩngĩtĩ biyyi cĩg Krĩstõ.

Eevvetho 2:15

Daahĩthaa cĩnnĩ, ĩbĩlĩ nẽẽ ꞌgõõl ꞌcĩ adticaniini nyattalĩ cĩ Mũũꞌtha hĩ tilooinit cĩnnĩ vẽlẽk. Ikia ĩdĩman nẽẽ ganõn hõrggẽẽnaa cĩ eet cĩg ꞌJudeei hĩ ꞌcĩg hõllõngaa ĩĩn ꞌJudeei, ngaatĩ arũmĩ ĩhõõggõ hĩĩtõ hõdẽẽthõng.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

Eevvetho 2:6

Nĩngĩtĩ arũgthanneet Nyekuci ngagĩĩt daahĩtha, hõdẽĩ hĩ Krĩstõ nẽ aaꞌnyeet hũrũmtĩ hĩ Yeesu Krĩstõ hẽẽtahujjieen.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Eevvetho 4:24

nẽ aaꞌnyuung ĩĩtõ eet ꞌcĩg ĩĩn ngeju. Baa ẽhẽnytaannuung Nyekuci ngagiit aaut hĩ nẽẽnĩ, abũnnaa adĩmannu thooꞌthiok ꞌcĩg adiim nẽẽnĩ nẽ elleemtu dĩdĩ.

Pilippi 1:6

Nẽ haga naa Nyekuc baa iꞌthianaanĩ dtiic icci abũnnaa hõrggẽẽnaa cunuung ko, aalla hatĩ adticanoothi dtiic cĩnnĩ ho, ĩꞌthõng hũttũbanoothĩk kõrra ꞌcĩ hatĩ õbõdaanĩ Yeesu Krĩstõ.

Pilippi 2:13

Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 3:10

Iittu niig vẽlẽk eet ꞌcĩg ĩĩn ngeju. Ũũhũyyuung ngagiit Nyekuci hõdõõkõthĩ aaut hĩ nẽẽ Teheꞌnyioohiti cĩ rũgẽt cunuung ꞌcĩ ĩĩn ngeju, nẽ iita hatĩ agayyu ĩnõõnnõ jurrung.

2 Tẽꞌthaloonika 2:17

hũkũtattuung hokomit ꞌthinneeti nẽ eelluung hõdõõkõthĩ ĩdĩmanit thooꞌthiok ꞌcĩg abũnnaa nẽ uduktaau thooꞌthiok ꞌcĩg ĩĩn dĩdĩ.

1 Timotteeo 2:10

Nẽ ngaaĩ ꞌcĩg aĩ halayya nẽ hĩmmĩnatta Nyekuc, aꞌnyĩĩk hĩdĩmatteek ꞌgõõnõgĩ thooꞌthiok ꞌcĩg abũnnaa.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

1 Timotteeo 5:25

Aduhõõ thõõth ciee hĩ thooꞌthiok ꞌcĩg abũnnaa. Aattĩg thooꞌthioha ꞌcĩg edeeꞌnyia nĩĩcĩ noho nẽ aitiõõ ꞌcĩg occa ammiꞌthi ũdũt tõõ.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

2 Timotteeo 2:21

Má tẽlla ẽẽtĩ thooꞌthiohĩĩ cĩg, occa hatĩ aar Makayyioohiti ĩnõõnnõ haau hĩ hẽddẽmĩ cĩnnĩ ꞌcĩ adticanĩ dtiic ꞌcĩ ẽllẽẽmĩth ꞌcĩ tiiri hĩ Makayyioohit nẽ ũkũmanoothĩk, hátĩ hidtican dtiicanĩ vẽlẽk ꞌcĩg abũnnaa.

2 Timotteeo 3:17

Hátĩ haga ẽẽtĩ ꞌcĩ alliman thõõth cĩ Nyekuci ho, ngaatĩ adticanĩ thooꞌthiok vẽlẽk ꞌcĩg abũnnaa.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Tiito 2:7

Nẽ nii buúk, ꞌrĩccana ngaatĩ ẽtẽrꞌthẽẽkĩ eet ꞌgõõl ꞌcĩ adĩmanĩĩ thõõth ꞌcĩ abũnnaa. ꞌLimman eet ꞌthĩnĩta dĩdĩ hĩ ꞌgõõlaa ꞌcĩ õkõmmĩ eeta.

Tiito 3:1

Duhaak eet cugunnig hĩthĩhĩt thõõth ꞌcĩ aduha makayyiooha cĩg ꞌgaala, hiittiõõ hõllõngaa õjõthẽẽkĩ thõõth cĩnĩĩng. Aꞌnyĩĩk hũkũmattoothĩk nẽẽg hatĩ hĩdĩmanit thõõth ꞌcĩ abũnnaa hõdõõkõthĩ,

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

Tiito 3:8

Thõõth ꞌcĩ ĩĩn dĩdĩ cieeni, thooꞌthiok ꞌcĩg abũnnaa cieeg hĩ eet vẽlẽk. ꞌRĩccana ꞌlimmaneek eet hũnnẽẽcõ thooꞌthiok iccig, hátĩ hidticanit eeta ꞌcĩg ẽlẽmĩ thõõth cĩ Nyekuci, thooꞌthiok ꞌcĩ abũnnaa.

Ebereei 10:24

Huꞌthuutti ngaatĩ hakũtanĩ eleeti ꞌgõõlaa ꞌcĩ hammĩnanõõnĩ nẽ hĩdĩmanit thooꞌthiok ꞌcĩg abũnnaa.

Ebereei 13:21

Halayyi naa haini, aꞌnyĩĩk Nyekuc haaꞌnyuung ĩthĩhĩt ĩnõõnnõ nẽ hatĩ gõõng ĩdĩmattu thooꞌthiok ꞌcĩg aũlanĩ. Aꞌnyĩĩk Yeesu heeluung ĩdĩmanit thõõth ꞌcĩ aaꞌnyĩk Nyekuc haccamanoothĩk. Aꞌnyĩĩk bulẽẽnĩt haau hĩ Yeesu Krĩstõ ooo! Aamẽn.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.

1 Yõaannẽ 2:6

Má hõthõõth naag haĩ hĩĩgĩn cĩgĩnnĩg, abũnnaa hanũ terethiinit cĩ Krĩstõ.