Eevvetho 1:7 - ꞌBuuk cĩ Thõõth cĩ Nyekuci

⁷ Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 1:7 ပူးပေါင်းရင်းမြစ်များ

Yõõna 4:2

Nĩngĩtĩ alaĩ nẽẽ Makayyioohit annẽẽkĩ, “Baa hagawa naa thõõth icci baa ĩĩcĩ oou hĩĩna, aitiõõ hatĩ nii hõllõngaa aruhi eet cĩg ꞌtaaũn cĩ Nineve. Ĩnõõ ꞌcĩ hũũnnĩkĩĩ naa looc caannĩ dẽẽdẽ nẽ hũũha ĩĩcĩ looc cĩ Tarthithi ho. Ĩĩnĩ nii Nyekuc ꞌcĩ tarbalĩ nẽ atamaatihuu eeta nẽ emmeethi thooꞌthiok gẽrrẽẽt. Ẽtẽrꞌtha nii mĩnnan hõdõõkõthĩ nẽ hõllõngaa adiim uuki eet umwa, tananga eet cĩg looc ꞌcĩ ꞌrĩĩng.

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 26:28

Biyyi cĩgannĩg cieegi ꞌcĩg ĩĩn lõhõt cĩ Nyekuci hĩ eet cĩgĩnnĩg. Ẽrrẽnnaa, hĩnĩngĩtĩ eet ꞌcĩg mẽẽlĩg, hátĩ hũtũngtoothĩk ꞌthẽccanẽẽta.

Maatteeo 6:12

Tamaatĩheet ngagĩĩt, hĩnĩngĩtĩ ꞌthẽccanẽẽt cĩggaang, hĩcĩ hammaannĩka naag eet ꞌcĩg adĩmanneet ngagĩĩt ꞌbuth.

Maarko 14:24

Ma nĩngaata, ĩĩnnĩk ĩhõõggõ, “Biyyi cĩg lõhõt caannĩ cieegi, ꞌcĩg hatĩ ẽrrẽnna, hĩnĩngĩtĩ eet vẽlẽk.

ꞌLuuka 1:77

Nganiit hatĩ ꞌcĩ allimaneehi eet ꞌgõõl ꞌcĩ hatĩ aku ẽẽlanĩ Makayyioohiti ĩhõõggõ ꞌthẽccanẽẽtĩĩ cĩggĩĩng,

ꞌLuuka 24:47

nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.

Yõaannẽ 20:23

Má ammaanniku niig ꞌthẽccanẽẽt cĩg eet umwa, ammaannĩk hatĩ Nyekuci buúk, má hõllõngaa ammaanniku niig ꞌthẽccanẽẽt cĩg eet umwa, aitiõõ hatĩ Nyekuci hõllõngaa ammaannĩk ꞌthẽccanẽẽt cĩg eet tĩho buúk.”

Dtiicanĩ cĩg ꞌThooyyiahu 10:43

Baa õthõõth põrõvẽtaaꞌnya vẽlẽk aĩ eeta ꞌcĩg ẽlẽmĩ Yeesu, ũũnnothoothĩk hatĩ ꞌthẽccanẽẽta cĩggĩĩng ꞌthaarĩĩ cĩgĩnnĩg.”

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 3:19

Ũtũngteek ꞌthẽccanẽẽt nẽ elemtu Nyekuc, hátĩ hũtũngtoothĩk ꞌthẽccanẽẽta, hátĩ haaꞌnyuung Makayyioohiti ꞌyiomman,

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

ꞌRooma 3:24

nẽ ikia õõgaeet Nyekuci ngagĩĩt vẽlẽk bũnnaiittaa cĩnnĩ, hĩnĩngĩtĩ elliaanĩt baa aku hĩ Yeesu Krĩstõ.

ꞌRooma 3:25

Baa aaꞌnyĩk Nyekuci Yeesu hikia hĩĩ ꞌgaarrieenit ꞌcĩ ũũnnõthõõthĩkĩ ꞌthẽccanẽẽta, hĩnĩngĩtĩ lemiinit biyyiẽẽtĩĩ cĩgĩnnĩg. Baa adĩman nẽẽ hoti, hẽtẽrẽtha bũnnai cĩnnĩ, hĩnĩngĩtĩ temeethi cĩnnĩ ꞌcĩ hõllõngaa uuki eet baag ĩĩcĩ oou, hĩnĩngĩtĩ ꞌthẽccanẽẽt cĩggĩĩng.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

Eevvetho 1:14

Aaꞌnyeet Lorii ꞌcĩ Ẽllẽẽmĩth ngagĩĩt buúk hagaac hĩĩtõ, hammũda hatĩ naag thooꞌthiok vẽlẽk ꞌcĩg itiangꞌtheek Nyekuci eet cĩgĩnnĩg. Nẽẽthĩ hatĩ heellia naaga, hátĩ hĩdĩhĩthĩ Nyekuci, hĩnĩngĩtĩ bulẽẽnĩt cĩnnĩ.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 1:6

Baa tarbal nẽẽ gẽrrẽẽt hĩ ngagĩĩt, ngaatĩ aaꞌnyeet Ngeerĩnĩ ꞌcĩ ammĩnan nẽẽ gẽrrẽẽt, nẽẽthĩ hoti ho, occa hadĩhĩth naag Nyekuc.

Eevvetho 1:8

Aaꞌnyeet Nyekuci ngagĩĩt bũnnai cĩnnĩ cobbi gẽrrẽẽt hõdẽĩ hĩ ꞌgẽẽnyĩth hĩ thĩhẽẽnĩt, hátĩ hagaac thõõth cĩnnĩ.

Eevvetho 2:4

Nẽẽthĩ, hĩnĩngĩtĩ mĩnnan cĩnnĩ cobbi ꞌcĩ aꞌnyaheekeet nẽẽ ngagĩĩta, ikia Nyekuci ꞌcĩ aꞌnyak tamaati ꞌcĩ maka,

Eevvetho 2:7

Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.

Eevvetho 3:16

Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu,

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Pilippi 4:19

Hala naa Nyekuc, hátĩ haaꞌnyuung ꞌgii vẽlẽk ꞌcĩ adiimmu ꞌgattaanaa ꞌcĩ ĩllõõan vẽlẽk ĩĩcĩ aku hĩ Yeesu Krĩstõ.

Kolooꞌthe 1:14

baa õõganneet nẽẽ ngagĩĩt haaut lõꞌngõõc nẽ ũtũngeek ꞌthẽccanẽẽt cĩggaac.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

Kolooꞌthe 2:13

Baa adaaktu niig, hĩnĩngĩtĩ baa iiginnu ꞌthẽccanniook nẽ baa hõllõngaa iiginnu eet cĩg Nyekuci. Nẽẽthĩ, baa aaꞌnyĩk Nyekuci Krĩstõ haaꞌnyuung ngagiit ũrũgta tarĩ, ngaatĩ ũũnnĩkĩ ꞌthẽccanẽẽt cĩggaac vẽlẽk.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

1 Timotteeo 2:6

Baa ẽlẽmana nẽẽ ẽlẽ cĩnnĩ, hátĩ hõõga eet vẽlẽk haauto lõꞌngõõc. Nyeemuut ciee ꞌcĩ aaꞌnyĩk Nyekuci eet loonyini vẽlẽk, hatĩ ũttũbanoothĩk kõrra tĩho.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Tiito 3:6

ĩcĩ aaꞌnyeet haggatattĩ jurrung, hĩnĩngĩtĩ Ellioohit cĩnaac Yeesu Krĩstõ,

Ebereei 9:22

Nẽ dĩdĩ nyattaalaa cĩ Mũũꞌtha, ũũnyĩ hẽlẽggĩ vẽlẽk biyyiẽẽtĩ. Ma nga hibboorria biyyieeta, aitiõõ hõllõngaa ũũnnothoothĩk ꞌthẽccanẽẽta.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Yõaannẽ 2:12

Hẽhẽẽdakuung naa ngagiit lõhõlĩ cĩg Nyekuci waraga icci, hĩnĩngĩtĩ ũtũngtoothĩk ꞌthẽccanẽẽta cugguung, hĩnĩngĩtĩ Krĩstõ.

1 Yõaannẽ 2:2

Ĩĩn Krĩstõ ꞌgaarrieenit ꞌcĩ attik ꞌthẽccanẽẽt cĩggaac battaala. Nẽẽthĩ, hõllõngaa attik ꞌthẽccanẽẽt cĩggaac diooni, attik ꞌthẽccanẽẽt cĩg eet cĩg lootu vẽlẽk.

1 Yõaannẽ 4:10

Mĩnnan ꞌcĩ ĩĩn dĩdĩ ꞌcĩ ammĩnnaneet Nyekuci ngagĩĩt, ngaatĩ ĩꞌthõõanĩ Ngeerĩnĩ ꞌcĩ odoyyi hikia hĩĩ ꞌgaarrieenit ꞌcĩ attik ꞌthẽccanẽẽt cĩggaac battaala, hõllõngaa hĩnĩngĩtĩ hammĩnan naag Nyekuc.

Terethiinit 14:4

Baa ĩĩn nẽẽg vẽlẽk eet ꞌcĩg tẽllĩg ꞌthinneeti, ꞌcĩg nga hatagguutho hĩ ngaaĩ tahatak. Nẽ anũ Mĩꞌnyõõn ooo, ꞌgõõlaa ꞌcĩ õkõõĩ, hĩnĩngĩtĩ baa eelliaa nẽẽg hõrggẽẽnaa cĩ eet vẽlẽk loota nĩnga, hátĩ haanytĩhoothĩk Nyekuc hĩ Mĩꞌnyõõn, hĩĩtõ ꞌbaaninit cĩnĩĩng ꞌcĩ oou.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.