Eevvetho 1:4 - ꞌBuuk cĩ Thõõth cĩ Nyekuci

⁴ Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Eevvetho 1:4 ပူးပေါင်းရင်းမြစ်များ

Maatteeo 24:22

Má hõllõngaa ohodeek Nyekuci korriook tĩko hĩĩtõ huturig, aitiõõ hatĩ ẽẽtĩ ꞌcĩ arũgĩ tõõ. Nẽẽthĩ, hĩnĩngĩtĩ eet ꞌcĩg ẽbẽra nẽẽnĩ, ohodeek hatĩ nẽẽ korriook tĩko hĩĩtõ huturig.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maatteeo 24:31

Ĩꞌthõ hatĩ nẽẽ aajĩlẽẽt cĩgĩnnĩg hadtahit illieeri cobbi gẽrrẽẽt, huluttia eeta ꞌcĩg ẽbẽra Nyekuci ꞌgoolliohĩĩ ꞌcĩg ꞌrẽẽttĩg loota nĩnga hĩ hẽẽtahujjieen vẽlẽk.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Yõaannẽ 10:16

Haꞌnyahi naa aꞌtha ũgĩ ꞌcĩg nga aitiõõ logguuratõõ cĩ tõõ. Hadiimi hatĩ halũta ĩhõõggõ buúk hiita logguuratõõ cĩ. Athĩhĩ hatĩ nẽẽg molook caannĩ, ĩĩn hatĩ nyalõmaar hõdẽẽthõng nẽ ĩĩ tũhayyioohiti hõdẽẽthõng.

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Dtiicanĩ cĩg ꞌThooyyiahu 13:48

Ma baa athĩhĩ eeta ꞌcĩg hõllõngaa ĩĩn ꞌJudeei nyeemuut icci ho, iita accamattoothĩk gẽrrẽẽt nẽ ubuluthit thõõth cĩ Makayyiookto. Nẽ eeta vẽlẽk ꞌcĩg baag ẽbẽra rũgẽt ꞌcĩ aalla ũdũt, elemit Makayyioohit Yeesu.

Dtiicanĩ cĩg ꞌThooyyiahu 15:18

Baa huduha naa thõõth icci baangaani ẽlẽk.’

Dtiicanĩ cĩg ꞌThooyyiahu 18:10

Hĩnĩngĩtĩ haaĩ naa hĩ nganiita nẽ aitiõõ ẽẽtĩ ꞌcĩ uuki nganiit tõõ. Mẽẽlĩg eeta cĩgannĩg ꞌtaaũnaa cĩ gẽrrẽẽt.”

ꞌRooma 8:33

Nganĩ hatĩ ꞌcĩ etteedĩk eet baag ẽbẽra Nyekuci ẽlẽk thõõth? Aitiõõ ũdũt, hĩnĩngĩtĩ ẽlẽm Nyekuci ĩhõõggõ.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 3:17

hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ.

Eevvetho 4:2

Ĩĩtõ tarbalĩg gẽrrẽẽt nẽ aꞌnyaktu ꞌthinneeti ꞌcĩg alalĩ, aꞌnyahit ꞌthinneeti ꞌcĩg makatĩg hĩ ꞌgoonogu nẽ etemeeꞌthu thooꞌthiok vẽlẽk mĩnnaniitta.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Eevvetho 5:27

Baa adĩman Krĩstõ hoti, hátĩ haaꞌnyĩk lothippit cĩ lemmioohu ꞌcĩ ĩĩn ẽlẽ cĩnnĩ, hĩĩ lothippit ꞌcĩ abuli ꞌcĩ ẽllẽẽmĩthĩ, ꞌcĩ aitiõõ thooꞌthioha ꞌcĩg ĩĩn ꞌriiring ꞌcĩg abathĩ tõõ. Nẽẽthĩ hinnia, ẽllẽẽmĩth hatĩ nẽẽ nẽ iittiõõ bathi tõõ.

Pilippi 2:15

hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya.

Kolooꞌthe 1:22

Nẽ ꞌyioko, ikia aganĩthuung nẽẽ ngagiit, hátĩ agayyio hĩ ĩnõõnnõ daahĩthaa cĩ Krĩstõ. Nẽ hĩnĩngĩtĩ thõõth icci, aꞌnyahaauung nẽẽ ngagiit muumaa cĩnnĩ nẽ iittu eet ꞌcĩg ẽllẽẽmĩth cĩg Nyekuci ꞌcĩg ammĩrĩ ꞌcĩg abillu muumaa cĩnnĩ hiꞌthihi ꞌthẽccan umwa.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

Kolooꞌthe 3:12

Nẽẽthĩ hoti ho, ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, atamaattik ꞌgoonogu nẽ iittu tarbalĩg, ma hathĩngõõnyannu, etemeethit thooꞌthiok.

1 Tẽꞌthaloonika 3:12

Aꞌnyĩĩk nuun Makayyioohit, hĩttõõr mĩnnan hõrggẽẽnaa cunuung, hĩ cĩ eet vẽlẽk hĩtĩlĩth hĩĩ maka gẽrrẽẽt, haau hĩcĩ hammĩnannuung naag ngagiita.

1 Tẽꞌthaloonika 4:7

Baa avvaanneet ngagĩĩt Nyekuci hiita hĩĩtõ eet ꞌcĩg ẽllẽẽmĩth, ꞌcĩg haburi thooꞌthiok ꞌcĩg ĩĩn ꞌriiring.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

2 Timotteeo 2:10

Ĩnõõ cĩ hẽmmẽẽꞌthĩ naa thooꞌthiok vẽlẽk, hĩnĩngĩtĩ eet baag ẽbẽra Nyekuci, hátĩ hummuddia nẽẽg buúk elliaanĩt ꞌcĩ aaĩ hĩ Yeesu Krĩstõ bulẽẽttaa ꞌcĩ aalla ooo.

2 Timotteeo 2:19

Nẽẽthĩ, abĩlĩ thõõth ꞌcĩ Nyekuci õkõmĩ kak, aꞌnyũũgĩ nẽ ẽtẽhẽẽdĩ battaala thõõth ꞌcĩ aĩ, “Aga Makayyioohiti eet cĩgĩnnĩg.” Nẽ, “Eeta ꞌcĩg aĩ hĩĩgĩnna eet cĩg Makayyiooktak, aꞌnyĩĩk hũtũngteek thooꞌthiok ꞌcĩg ĩĩn ꞌthẽccan.”

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 1:20

Baa ẽbẽra Nyekuci ĩnõõnnõ hĩĩ ellioohit cunuung, baa nga heteheꞌnyiaa lõõcĩ. Nẽẽthĩ ꞌyioko, ikia eteretheehuung Nyekuci ĩnõõnnõ ngagiit waathinnioohĩĩ ꞌcĩg adtuurna ho, hĩnĩngĩtĩ ngagiita.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

1 Yõaannẽ 4:16

nẽ haga naag nẽ helemit dĩdĩ hĩĩtõ, ammĩnanneet Nyekuci ngagĩĩta. Ĩĩn Nyekuci mĩnnan. Má haalla hammĩnan naag eleeti cĩggaac, haalla hatĩ harũmĩ naag ꞌthinneetinii cĩggaac hõdẽĩ hĩ Nyekuc nẽ hatĩ aala nẽẽ hũrũmtĩ hĩ ngagĩĩta.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.