Eevvetho 1:1 - ꞌBuuk cĩ Thõõth cĩ Nyekuci

¹ Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Eevvetho 1:1 ပူးပေါင်းရင်းမြစ်များ

ꞌLuuka 16:10

“Ẽẽtĩ ꞌcĩ aꞌthũũnnĩ hẽlẽggĩ ꞌcĩg abadtẽc, aꞌthũũnnĩ hatĩ ꞌcĩg mẽẽlĩg buúk. Nẽ ẽẽtĩ ꞌcĩ hõllõngaa aꞌthũũnnĩ ꞌgii ꞌcĩ abadtẽc, hõllõngaa ꞌthẽk hatĩ aꞌthũũnnĩ ꞌcĩ maka buúk.

Dtiicanĩ cĩg ꞌThooyyiahu 16:15

Ma baa urutaa ꞌcĩ aggamtĩ Liidia hĩ halang cĩnnĩ baattithimo, ikia ũtũvveet nẽẽ ngagĩĩt õlõõ cĩnnĩ. Baa anneekeet nẽẽ ngagĩĩt, “Má elemmu ngaatĩ hĩĩnnĩ naa lemmioohit cĩ Makayyiookto dĩdĩ, iita thĩ haauto õlõõ caannĩ.” Nĩngĩtĩ mĩĩ hẽlẽmma ngaatĩ hõõkõrra.

Dtiicanĩ cĩg ꞌThooyyiahu 18:19

Iita õdõlanit nẽẽg Eevvetho, ꞌtaaũn ꞌcĩ baa aku ũũnnĩkĩ Paaulo Akwila hĩ Piriciilla. Ma ho, ikia ũũk nẽẽ dioo ꞌCieethaa cĩ Laiitto nẽ õõt othooꞌthio hĩ eet cĩg ꞌJudeei.

Dtiicanĩ cĩg ꞌThooyyiahu 18:21

Ma baa ĩtĩnga nẽẽnĩ, uduhaak ĩhõõggõ ĩĩnnĩk, “Má ẽlẽmaaka Nyekuci, hõbõda hatĩnĩ.” Nĩngĩtĩ aggamĩ Paaulo haahũl Eevvetho nẽ ũũha.

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

1 Korinthia 4:12

Hadticaniinna gẽrrẽẽt athĩnĩĩ cĩggaang ẽmmẽn. Má accĩĩnneet eeta, haggatanna naag thõng, má adĩmanneet eeta ꞌbuth, hẽmmẽẽꞌtha.

1 Korinthia 4:17

Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.

2 Korinthia 1:1

Nganĩĩt Paaulo ꞌcĩ hĩĩnĩ ꞌthooyyiahit cĩ Yeesu Krĩstõ, ꞌcĩ hẽhẽẽdakuung waraga icci, hĩnĩngĩtĩ baa ẽbẽraawa nganĩĩt Nyekuci thõõthaa cĩ. Harũmeenna hĩ Timotteeo ꞌcĩ ĩĩn lemmioohit hĩ naa buúk. Hĩꞌthõõakuung naa ngagiit waraga icci, lemmiook cĩg ꞌtaaũn cĩ Korinthia hĩ lothippit cĩ lemmiook vẽlẽk ꞌcĩg aattĩg looccaa cĩ Acaia.

ꞌGalaaꞌthia 1:1

Nganĩĩt Paaulo ꞌthooyyiahit ꞌcĩ ĩꞌthõõannaa Yeesu Krĩstõ hĩ Nyekuc Baangeet, baa arũgtha Yeesu daahĩtha. Baa hõllõngaa ĩꞌthõõannaa nganĩĩt eeta hode ẽẽtĩ umwaa haaga.

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 3:9

Nẽẽthĩ, aggatan hatĩ Nyekuci eet ꞌcĩg ẽlẽmĩ ĩnõõnnõ, hĩ baa aggatan nẽẽ Abũrahaamõ, eet baa ẽlẽmĩ ĩnõõnnõ.

Eevvetho 1:15

Ngaanĩngĩtĩ hathĩknĩ naa thõõth ꞌcĩ elemmu niig Makayyioohit Yeesu hĩ mĩnnan ꞌcĩ ammĩnannu eet vẽlẽk cĩg Nyekuci,

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 2:13

Nẽẽthĩ ꞌyioko, urumtu niig eleeti cugguung hõdẽĩ hĩ Yeesu Krĩstõ. Baa gõõng iiginnu niig ꞌrẽẽttĩg hĩ Nyekuc, nẽẽthĩ ꞌyioko, iita oboktoou niig hĩ ĩnõõnnõ, hĩnĩngĩtĩ biyyi cĩg Krĩstõ.

Eevvetho 2:6

Nĩngĩtĩ arũgthanneet Nyekuci ngagĩĩt daahĩtha, hõdẽĩ hĩ Krĩstõ nẽ aaꞌnyeet hũrũmtĩ hĩ Yeesu Krĩstõ hẽẽtahujjieen.

Eevvetho 6:21

Aduhaakuung hatĩ Ticiko ꞌgõtõõnẽẽtĩ cĩnaac ꞌcĩ ĩĩn dticciannioohit ꞌcĩ abũnnaa cĩ Makayyiookto thõõth vẽlẽk, hátĩ agaac niig buúk ꞌgõõl ꞌcĩ haayyi naa hĩ dtiic ꞌcĩ hadticani.

Kolooꞌthe 1:2

Hẽhẽẽdakuung naag ngagiit waraga eet ꞌcĩg elleemmu nẽ aallannu elemmu thõõth cĩ Nyekuci, ꞌgotoonoga hĩ ngoonoga cĩg Krĩstõ ꞌtaaũnaa cĩ Kolooꞌthe. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac haau hĩ ngagiita.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.