Ebereei 9:8 - ꞌBuuk cĩ Thõõth cĩ Nyekuci

⁸ Nẽ ꞌgõõlaa cĩ, ẽtẽrꞌtha Lorii ꞌcĩ Ẽllẽẽmĩth aĩ, aitiõõ ẽẽtĩ ꞌcĩ occa aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, nga abĩlĩ ꞌCieeth cĩ Nyekuci tõõ.

Ebereei 9:8 ပူးပေါင်းရင်းမြစ်များ

ꞌLuuka 1:80

Nĩngĩtĩ alĩꞌthaanĩ loholeec ĩꞌthõng hikia hittiran lorii cĩnnẽẽnĩ, nẽ ũũk aau horrwaa ꞌcĩ õdõhõhĩĩ kak, ĩꞌthõng hũttũbattoothĩk waathinniooha ꞌcĩg aku irrioonĩkĩ nẽẽ eet cĩg Ĩꞌthĩraẽlĩ.

Yõaannẽ 10:7

Ma ho, uduhaak Yeesu eet tarĩ ĩĩnnĩk, “Haduhaakuung dĩdĩ, hĩĩnĩ naa hattũũg cobbi cĩ aꞌthaannu.

Yõaannẽ 10:9

Hĩĩnĩ naa hattũũg cobbi. Ẽẽtĩ ꞌcĩ adukna hĩ nganĩĩta, eelliaa hatĩnĩ. Adukna hatĩ nẽẽ hattũũg cobbi nẽ uduhun ũũk battaala, hĩ aꞌthẽẽtĩ ꞌcĩ õkõ ẽgĩ mudduuny.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Dtiicanĩ cĩg ꞌThooyyiahu 28:25

Nĩngĩtĩ au ẽppẽhanõõnĩ nẽẽg ẽmmẽn, heꞌngerrio hĩꞌthaattĩ urutaa ꞌcĩ ẽdẽcaahĩ Paaulo thõõth ꞌcĩ adtuurna ꞌcĩ aĩ, “Baa õthõõth Lorii ꞌcĩ Ẽllẽẽmĩth thõõth ꞌcĩ ĩĩn dĩdĩ, baa aduhaak hĩbaangĩ cugguung ũtũũgaa cĩ põrõvẽtaac Iꞌthaia aĩnnĩ,

ꞌGalaaꞌthia 3:8

Baangaani, baa eheeddi ꞌBuuhaa cĩ Nyekuci aĩ nẽẽ, aga hatĩ Nyekuci eet ꞌcĩg hõllõngaa ĩĩn ꞌJudeei, hatĩ ẽlẽmĩ nẽẽg ĩnõõnnõ. Nĩngĩtĩ aduhaakĩ Nyekuci Abũrahaamõ nyeemuut ꞌcĩ abũnnaa annẽẽkĩ, “Haggatani hatĩ naa eet loonyini vẽlẽk, hĩnĩngĩtĩ nganiita.”

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Ebereei 10:15

Nẽ aduhaakeet Lorii ꞌcĩ Ẽllẽẽmĩth buúk ngagĩĩt aĩ,

Ebereei 3:7

Nẽẽthĩ, hĩcĩ aduha Lorii ꞌcĩ Ẽllẽẽmĩth aĩ, “Má ithiktu molook cĩ Nyekuci kõr nicci,

Ebereei 9:3

Nẽ ꞌCieetõõ ĩĩcĩ gõlla, baa aaĩ cẽrẽm ꞌcĩ ẽꞌngẽr ꞌcieeth hõrggẽẽna nẽ cẽrẽmaa ĩĩcĩ gõlla, aaĩ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

2 Pẽẽtũrũ 1:21

Baa hõllõngaa addanga põrõvẽtaaꞌnya thooꞌthiok iccig ẽmmẽn, baa ẽtẽrẽth ĩhõõggõ Lorii ꞌcĩ Ẽllẽẽmĩth hĩ Nyekuc.