Ebereei 9:28 - ꞌBuuk cĩ Thõõth cĩ Nyekuci

²⁸ adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

Ebereei 9:28 ပူးပေါင်းရင်းမြစ်များ

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maatteeo 26:28

Biyyi cĩgannĩg cieegi ꞌcĩg ĩĩn lõhõt cĩ Nyekuci hĩ eet cĩgĩnnĩg. Ẽrrẽnnaa, hĩnĩngĩtĩ eet ꞌcĩg mẽẽlĩg, hátĩ hũtũngtoothĩk ꞌthẽccanẽẽta.

Yõaannẽ 14:3

Nẽ má hũũk hũkũmaneeha nĩngĩtĩ cunuung ko, hõbõda hatĩ nẽ hikia huukuung hõõt hũrũmtĩ hõdẽĩ nẽ aauttu niig buúk ngaatĩ haayyi naana.

Dtiicanĩ cĩg ꞌThooyyiahu 1:11

Ma nĩngaata ijinit ꞌthooyyiak ĩĩttĩk, “Niig eeta cĩg ꞌGalileea, abillu nĩnga nẽ ĩcĩttoothu hẽẽtkujjieen inni? Yeesu ꞌcĩ acinnu niig odongi õkõ hẽẽtahujjieen ko, õbõda hatĩ ꞌgõõlaa nĩĩcĩ dioo ĩĩcĩ acinnu ꞌyioko niig odongiini õkõõĩ hẽẽtahujjieen ko.”

ꞌRooma 3:25

Baa aaꞌnyĩk Nyekuci Yeesu hikia hĩĩ ꞌgaarrieenit ꞌcĩ ũũnnõthõõthĩkĩ ꞌthẽccanẽẽta, hĩnĩngĩtĩ lemiinit biyyiẽẽtĩĩ cĩgĩnnĩg. Baa adĩman nẽẽ hoti, hẽtẽrẽtha bũnnai cĩnnĩ, hĩnĩngĩtĩ temeethi cĩnnĩ ꞌcĩ hõllõngaa uuki eet baag ĩĩcĩ oou, hĩnĩngĩtĩ ꞌthẽccanẽẽt cĩggĩĩng.

ꞌRooma 5:15

Nẽẽthĩ, maka ꞌbaaniniti ĩllõõan ꞌthẽccan. Má baa adaahĩ eeta ꞌcĩg mẽẽlĩg, hĩnĩngĩtĩ ꞌthẽccan cĩ eet hõdẽẽthõng, ĩĩn occa hatĩ bũnnai cĩ Nyekuci hĩ ꞌbaaninit ꞌcĩ aku bũnnaiittaa cĩ eet hõdẽẽthõng Yeesu Krĩstõ hutuno, hũllũnganoothĩk eet ꞌcĩg mẽẽlĩg!

ꞌRooma 6:10

Baa adaahĩ nẽẽnĩ, baa adaahĩ, hátĩ hĩꞌthaan ꞌtirrian cĩ ꞌthẽccaanõ. Nẽẽthĩ, rũgẽtĩ ꞌcĩ arũgnĩ nẽẽ ho, arũgĩ hĩnĩngĩtĩ bulẽẽnĩt cĩ Nyekuci.

ꞌRooma 8:23

Aaꞌnyeet Lorii ngagĩĩt hagaac dĩdĩ authet ꞌcĩ hatĩ hõõ haattiyyi naag horumwa. Nẽẽthĩ ꞌyioko, haguran naag ꞌthinneetinitõõ muguruur, nga hẽrẽ Nyekuc heteretheeheet aĩ, hiita hĩĩtõ naag lõhõlĩ cĩgĩnnĩg. Aĩ thõõth ciee nẽẽ, ooggiaa hatĩ eleeti cĩggaac buúk haauto lõꞌngõõc.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

1 Korinthia 1:7

Nẽẽthĩ hoti ho, aꞌnyaku niig ꞌbaaninit cĩ Loriio nga ereeinnu taliitta, huppwaanna Makayyioohiti cĩnaac Yeesu Krĩstõ.

1 Korinthia 15:54

Eleeti ꞌcĩg ꞌyioko haꞌnyak naag ko, ĩĩn eleeti ꞌcĩg hõllõngaa attiranĩ nẽ adaahĩ. Nẽẽthĩ, ũũkcĩ hatĩ nẽẽg hĩĩtõ eleeti ꞌcĩg aalla ũdũt. Hatĩ hikia thõõth cĩ ꞌBuuk cĩ Nyekuci hĩĩ dĩdĩ hĩ baa aĩ, “Aꞌnyamanĩ daahĩthĩ!”

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

2 Tẽꞌthaloonika 2:1

Nẽẽthĩ ꞌyioko, ꞌgotoonoga hĩ ngoonoga, hummuddia da jurrung ꞌgõõl ꞌcĩ hatĩ õbõdaanĩ Makayyioohiti cĩnaac Yeesu Krĩstõ, hĩ ꞌgõõl ꞌcĩ hatĩ halũttiaanĩ naag hõõt hommottio hĩ ĩnõõnnõ. Nẽ hanneekuung naag ngagiit nẽẽ,

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

Ebereei 10:10

Nẽ tabiittaa nĩĩca, hiita helleemito naag, hĩnĩngĩtĩ ẽlẽmana Yeesu Krĩstõ ẽlẽ cĩnnĩ ũdũt hĩĩ ꞌgaarrieenit tabattĩ hõdẽẽthõng, hĩnĩngĩtĩ eet vẽlẽk.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

Ebereei 7:27

Aitiõõ Yeesu hõllõngaa occa ĩbbõõr ꞌgarrieenit hõdõõkõthĩ hĩ gõõng ĩbbõõr paadĩrĩ umwaa cobbiẽẽnĩ. Ĩbbõõr paadĩrĩ cobbi ꞌgaarriẽẽn, hĩnĩngĩtĩ ꞌthẽccanẽẽt cĩgĩnnĩg ĩĩcĩ oou nẽ ikia ĩbbõõr, hĩnĩngĩtĩ ꞌthẽccanẽẽt cĩg eetuk uruta. Nẽẽthĩ ꞌyioko, ẽlẽmana Yeesu ẽlẽ cĩnnĩ tabattĩ hõdẽẽthõng hĩĩ ꞌgaarrieenit, hĩnĩngĩtĩ ꞌthẽccanẽẽt cĩg eetuk.

Ebereei 9:25

Baa hõllõngaa aduhun Krĩstõ hẽẽtkujjieen hũũk hẽlẽmana ẽlẽ cĩnnĩ tabattĩ hiriiri, hĩ paadĩrĩ cobbi loota nĩnga ꞌcĩ aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt, biyyiẽẽtĩĩ cĩg idiꞌngwaanu noho tabattĩ hõdẽẽthõng irkiꞌnyia hĩ irkiꞌnyia ho.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

2 Pẽẽtũrũ 3:12

hĩcĩ nga ereeyyu hikia kõrra ꞌcĩ akuuni Nyekuci nẽ ũbũratteek ngaatĩ occa akuuni hĩdĩĩkoothong. Kõr niccia, atũũth hatĩ nẽẽ hẽẽtkujjieen ꞌgwoyyia nẽ hatĩ obooyyi hẽlẽggĩ vẽlẽk abuurꞌtheta.

1 Yõaannẽ 3:2

ꞌGotoonoga hĩ ngoonoga, hĩĩtõ naag lõhõlĩ cĩg Nyekuci ẽlẽk, nẽẽthĩ hinnia, nga heteretheeheet nẽẽ ngagĩĩt ꞌgõõl ꞌcĩ hatĩ haattiyyi, hatĩ uppwaanna Krĩstõ. Nẽẽthĩ, haga naag haĩ, haattĩg hatĩ naag hĩ nẽẽnĩ, hĩnĩngĩtĩ hacĩn hatĩ naag ĩnõõnnõ dẽẽdẽ.

1 Yõaannẽ 3:5

Nẽ agayyu niig aĩ baa aku Krĩstõ, hátĩ hittik ꞌthẽccanẽẽt battaala nẽ aitiõõ ꞌthẽccanĩ hĩ ĩnõõnnõ tõõ.

ꞌJuud 1:21

Uꞌthuutti ꞌgoolliok cĩg mĩnnan cĩ Nyekuci, hĩcĩ nga ereeyyu Makayyioohit cĩnaac Yeesu Krĩstõ hẽtẽrẽtha tamaati cĩnnĩ ngaatĩ aaꞌnyuung rũgẽt ꞌcĩ aalla ooo.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.