Ebereei 9:27 - ꞌBuuk cĩ Thõõth cĩ Nyekuci

²⁷ Hĩgõõng adaahĩ ẽẽtĩ tabattĩ hõdẽẽthõng nẽ ẽttẽẽd Nyekuci thõõth cĩnnĩ,

Ebereei 9:27 ပူးပေါင်းရင်းမြစ်များ

ꞌThianaattõ 3:19

Ammũda hatĩ gõõng ꞌgẽẽn cunni vẽlẽk mũlũhĩ ĩꞌthõng daahõ. Baa ẽhẽnyta nii ꞌthẽẽmĩ, nẽ õbõdõõthĩ hatĩ ꞌthẽẽmĩ tarĩ.”

ꞌLuuka 20:32

Nẽ ma uruta, ikia adaak ngaa nicciee buúk.

Dtiicanĩ cĩg ꞌThooyyiahu 17:31

Aarĩk nẽẽ kõr ꞌcĩ hatĩ ẽttẽẽdĩ thooꞌthiok cĩg lootu ꞌgõõlaa ꞌcĩ aũlan, eetaa ꞌcĩ ẽbẽra nẽẽnĩ. Baa eteretheek Nyekuci eet ngaatĩ arũgthaanĩ eet tĩho daahĩtha.”

ꞌRooma 2:5

Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.

ꞌRooma 5:12

Ma baa ẽꞌthẽcanõõ Aadamĩ, ikia ĩꞌthanothoothĩk ꞌthẽccanĩ eet vẽlẽk nẽ ikia daahĩthĩ, hĩnĩngĩtĩ ꞌthẽccan nẽ ꞌgõõlaa ĩĩcĩ, ikia ũllũngan daahĩthĩ eet vẽlẽk, hĩnĩngĩtĩ baa iita ẽꞌthẽcattõõ eeta vẽlẽk.

1 Korinthia 4:5

Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.

2 Korinthia 5:10

Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.

2 Timotteeo 4:1

Haduhaaki dĩdĩ muumaa cĩ Nyekuci, hĩ ĩcĩ Yeesu Krĩstõ ꞌcĩ hatĩ aku ẽttẽẽd thooꞌthiok cĩg eet ꞌcĩg adaahito, hĩ ꞌcĩg nga arũgĩ vẽlẽk, hatĩ uppwaanna Yeesu hĩ habuccieet cĩnnĩ, haaꞌnyii tilooinit icci.

Ebereei 10:27

Hitingolli naag thõõth ꞌcĩ etteedini thooꞌthioha dioo, hĩ ꞌgwoo ꞌcĩ hatĩ atũũth mĩrõk ꞌcĩg aharrieek Nyekuc.

Ebereei 6:2

Occa hõllõngaa hara hallimaneekuung ngagiit thõõth cĩ baattithimoo, hĩ ꞌgattan cĩ Lori ꞌcĩ Ẽllẽẽmĩth hĩ rũgũthaanĩt cĩ daakiahu hĩ ꞌteedinit cĩ thooꞌthiok ꞌcĩg aalla ooo.

1 Yõaannẽ 4:17

Má hammĩnan naag eleeti cĩggaac dĩdĩ nẽ haauto hĩ baa aaĩ Yeesu loota nĩnga, hõllõngaa hatĩ hiꞌngolli kõr ꞌcĩ etteedini thooꞌthioha kõr cĩ decciaanĩt cĩ lootu.

ꞌJuud 1:15

ꞌcĩg au ẽttẽẽd thooꞌthiok cĩg eet vẽlẽk. Uuk hatĩ Makayyioohiti ꞌthẽccanniook ꞌcĩg hõllõngaa ẽlẽmĩ ĩnõõnnõ, hĩnĩngĩtĩ ꞌthẽccanẽẽt ꞌcĩg baag adĩman nẽẽg hĩ ꞌcĩg õdõõmĩ Nyekuc.”

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.