Ebereei 9:24 - ꞌBuuk cĩ Thõõth cĩ Nyekuci

²⁴ Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.

Ebereei 9:24 ပူးပေါင်းရင်းမြစ်များ

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maarko 14:58

“Baa hathĩkna naag Yeesu aĩ, ‘Hĩꞌthaani hatĩ ꞌCieeth cĩ Nyekuci ꞌcĩ ẽhẽnyta eeta ho nẽ hẽtẽhẽnyaa umwa waathinnioohĩ ꞌcĩg ĩĩn iyyio, ꞌcĩ occa hõllõngaa ẽhẽnyta eeta.’ ”

Maarko 16:19

Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

ꞌLuuka 24:51

Ma baa nga aggatan nẽẽ ĩhõõggõ, ũtũngeek ĩhõõggõ nẽ õdõngĩ ũũk hẽẽtahujjieen.

Yõaannẽ 16:28

Baa hakuu naa hĩ Baaba hikia looccaa nĩĩcĩ nẽ ꞌyioko hũtũngeeha naa looc nicci, hobodootha hĩ Baaba.”

Yõaannẽ 6:62

Ma hatĩ ꞌyioko icittu Ngeertĩ Eeto ngaatĩ õtõdĩ õkõõĩ hẽẽtahujjieen ĩĩ baa akuuni!

Dtiicanĩ cĩg ꞌThooyyiahu 3:21

Nẽẽthĩ, adiim aalla Yeesu hẽẽtahujjieen ĩꞌthõng hikia kõrra ꞌcĩ aaꞌnyĩkĩ Nyekuci hẽlẽggĩ vẽlẽk hĩĩtõ ngeju, hĩ baa aduha põrõvẽtaaꞌnya baag ẽllẽẽmĩth baarkit.

ꞌRooma 8:33

Nganĩ hatĩ ꞌcĩ etteedĩk eet baag ẽbẽra Nyekuci ẽlẽk thõõth? Aitiõõ ũdũt, hĩnĩngĩtĩ ẽlẽm Nyekuci ĩhõõggõ.

2 Korinthia 5:1

Aattĩg eleeti cĩggaac hĩ tuggẽẽta ꞌcĩg haattiyyi naag loota nĩnga. Nẽ má irribattĩ tuggẽẽta cieegi, haga naag haĩ aaꞌnyeet hatĩ ngagĩĩt Nyekuci hõdẽĩ hõdẽĩ nĩngĩtĩ ꞌcĩ haattiyyi. Ĩĩn hatĩ olooyyioha cieeg ꞌcĩg hõllõngaa ẽhẽnyta ẽẽtĩ ꞌcĩ holli õõ. Aattĩg olooyyioha cieeg hẽẽtahujjieen nẽ aalla hatĩ ooo.

Kolooꞌthe 3:2

Ummuhit thooꞌthiok cĩg hẽẽtkujjieen, ma hammuku hẽlẽggĩ cĩg looc nicci.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 6:20

Utuwaneekeet Yeesu ngagĩĩt ĩĩca ẽlẽk. Ikia ĩĩ nẽẽ Paadĩr cĩnaac cobbi ꞌcĩ aalla ũdũt hĩ baa Melkithẽdẽhĩ.

Ebereei 8:2

Adticanni nẽẽ hĩ paadĩrĩ cobbi ꞌCieethaa cĩ Nyekuci ĩcĩ ĩĩn dĩdĩ, ꞌCieeth ꞌcĩ baa ẽhẽnyta Nyekuci nẽ hõllõngaa ẽhẽnyta ẽẽtĩ ꞌcĩ holli õõ haaga.

Ebereei 8:5

Hĩnĩngĩtĩ baa adticanni nẽẽg ꞌCieetõõ cĩ Nyekuci horrwaa ꞌcĩ õdõhõhĩĩ kak, ꞌCieeth ꞌcĩ ĩĩn ꞌthooura ꞌcĩ ĩthakꞌthoothĩk ꞌCieeth cĩ Nyekuci hẽẽtahujjieen. Ĩnõõ baa annẽẽkĩ Nyekuci Mũũꞌtha baa idiim ẽtẽhẽny ꞌCieeth cĩ Nyekuci nẽẽ, “Gaooth ĩĩ, tẽhẽny ꞌcieeth hĩ baa heterꞌtheekii naa nganiit muuraa cĩ ꞌThĩnaĩ.”

Ebereei 9:1

Nẽ ꞌyioko, lõhõt ꞌcĩ oou baa aarĩk Nyekuci hĩ eet cĩg Ĩꞌthĩraẽlĩ, aꞌnyak nyattalliook ꞌcĩg laiittak, nẽ tarĩ, aꞌnyak ꞌCieeth cĩ Nyekuci horrwaa ꞌcĩ õdõhõhĩĩ kak.

Ebereei 9:23

Ĩnõõ ꞌcĩ ũũnyẽnĩ hẽlẽggĩ ꞌcĩg aattĩg ꞌCieethaa cĩ Nyekuci horrwaa ꞌcĩ õdõhõhĩĩ kak, ꞌcĩg ĩthakꞌthoothĩk hẽlẽggĩ ꞌcĩg aattĩg hẽẽtahujjieen, biyyiẽẽtĩĩ cĩg idiꞌngwaanu ho. Nẽẽthĩ, hẽlẽggĩ ꞌcĩg ĩĩn dĩdĩ ꞌcĩg aattĩg hẽẽtahujjieen, ũũnyĩ nẽẽg ꞌgaarriẽẽnĩĩ ꞌcĩg ẽllẽẽmĩth ĩĩcĩg ĩllõõan biyyi cĩg idiꞌngwaanu.

Ebereei 9:9

Nẽ kõr nicci buúk, ẽtẽrꞌtha thõõth ciee aĩ, hõllõngaa naag hũũny ꞌthinneeti hĩĩtõ tẽllĩg, ꞌgõõlẽẽ ꞌcĩ haaꞌnyĩkĩ ꞌbaaninit hĩ ngaatĩ hĩbbõõrĩkĩ Nyekuc ꞌgaarriẽẽn.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.

Terethiinit 8:3

Ma ho, uppwaanna aajĩlõ umwaa ꞌcĩ aꞌnyaha lohilihili ꞌcĩ ẽhẽnytaa ꞌdaaba ꞌcĩ ĩwaadini mõhõõkac nẽ ikia ĩbĩl altaarĩa. Baa aaꞌnyĩhoothĩk aajĩlõ mõhõõkacĩ ꞌcĩ maka ꞌcĩ ĩĩn ꞌbaaninit hĩ laiinit cĩ eet cĩg Nyekuci altaarĩaa ꞌcĩ ĩĩn ꞌdaab, muumaa cĩ dtaaba cĩ Makayyiookto.