Ebereei 9:16 - ꞌBuuk cĩ Thõõth cĩ Nyekuci

¹⁶ Nẽẽthĩ ꞌyioko, má ũũnnĩk eet umwaa lõhõt, adiim agayyi jurrung ngaatĩ adaahĩ ẽẽtĩ ꞌcĩ baa aarĩk lõhõt ko.

Ebereei 9:16 ပူးပေါင်းရင်းမြစ်များ

ꞌRooma 5:12

Ma baa ẽꞌthẽcanõõ Aadamĩ, ikia ĩꞌthanothoothĩk ꞌthẽccanĩ eet vẽlẽk nẽ ikia daahĩthĩ, hĩnĩngĩtĩ ꞌthẽccan nẽ ꞌgõõlaa ĩĩcĩ, ikia ũllũngan daahĩthĩ eet vẽlẽk, hĩnĩngĩtĩ baa iita ẽꞌthẽcattõõ eeta vẽlẽk.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

1 Korinthia 15:22

Baa aĩnanaakeet Aadamĩ ngagĩĩt vẽlẽk daahĩth nẽ aꞌnyahaakeet hatĩ Krĩstõ ngagĩĩt vẽlẽk rũgẽt.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

Ebereei 9:17

Aku adticanni lõhõt urutaa cĩ daahĩth cĩ eet ꞌcĩ baa aarĩk lõhõt ko. Má nga arũgĩ ẽẽtĩ ꞌcĩ baa aarĩk lõhõt ko, aitiõõ lõhõt buúk hõllõngaa adticanni.

ꞌJeemith 2:10

Hĩnĩngĩtĩ ẽẽtĩ ꞌcĩ aꞌthũũnnĩ nyattalliook vẽlẽk nẽ ẽꞌthẽcan hõdẽẽthõng, ẽꞌthẽcan nẽẽ nyattalliook cĩg Nyekuci vẽlẽk.