Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebereei 9:15 - ꞌBuuk cĩ Thõõth cĩ Nyekuci

15 Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

အခန်းကိုကြည့်ပါ။ ကော်ပီ




Ebereei 9:15
52 ပူးပေါင်းရင်းမြစ်များ  

Ẽẽtĩ ꞌcĩ ũtũngeek õlõ cĩnnĩ hode ꞌgõtõõnõgĩ hĩ ngõõnõgĩ hode maaꞌnyĩ hĩ aattĩnnĩ, hode manẽẽn cĩgĩnnĩg, hĩnĩngĩtĩ nganĩĩta, ammũda hatĩ nẽẽ ꞌbaaninit tabattĩ ꞌmiia hõdẽĩ nẽ hatĩ ũmmũda rũgẽt ꞌcĩ aalla ooo.


Baa ĩꞌthõ habuui nicciee dticcianniook cĩgĩnnĩg hõõt haꞌnyakta eet cĩg karramaawak, abũrĩ hinnia eeta ngaatĩ auuni.


“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.


Baa haaĩ arriẽẽn nẽ aanytaangu ceremwa hitihimo, baa hommoori nẽ aꞌthũũnnaangu, baa haaĩ baabuuthatõõ, au acĩnnaangu.’


Ma baa iꞌthianaaĩ Yeesu weet, avvira hinnia ẽẽtĩ umwaa hikia hakat huruꞌnyia muumaa cĩnnĩ nẽ ĩĩnnĩk, “ꞌLimmannioohit ꞌcĩ abũnnaa, hadĩmani occa naa hutuno, hátĩ hũmmũda rũgẽt ꞌcĩ aalla ooo?”


Ma ho, ijin ꞌgaalacĩ umwaa Yeesu ĩĩnnĩk, “ꞌLimmannioohit ꞌcĩ abũnnaa, ne occa ꞌcĩ adiim hadĩmani naa, hátĩ hũmmũda rũgẽt ꞌcĩ aalla ũdũt?”


Ma urutaa ꞌcĩ edecciaaĩ ꞌgẽẽna, ittiha hooppo nẽ ĩĩ, “Ĩĩn hooppo ciee lõhõt ꞌcĩ ĩĩn ngeju cĩ biyyi cĩgannĩg, ꞌcĩg hatĩ ẽrrẽnna, hĩnĩngĩtĩ ngagiita.


Haaꞌnyihi naa aꞌtha rũgẽt ꞌcĩ aalla ooo nẽ aitiõõ hatĩ nẽẽg hõllõngaa adaahĩ ũdũt. Nẽ aitiõõ eet ꞌcĩ occa avvucanaanna nganĩĩt ĩhõõggõ athĩnĩĩ cĩgannĩg tõõ.


“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.


Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.


Baa nga aitiõõ ẽẽtĩ ꞌcĩ eelleet ngagĩĩt tõõ, ikia ẽẽlaeet Krĩstõ ngagĩĩt hĩdĩĩkoothong nẽ adaak, hĩnĩngĩtĩ ngagĩĩt ꞌthẽccanniook.


Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.


Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.


Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.


Nĩngĩtĩ ẽlẽmmĩ Nyekuci eet baag ẽbẽra nẽẽ baa ĩĩcĩ oou ẽlẽk nẽ otholit bulẽẽnĩt cĩnnĩ hĩ ĩhõõggõ.


Hĩĩgĩn naag eet ꞌcĩg heberriaa ho, eetinii cĩg ꞌJudeei hĩ ĩcĩg hõllõngaa ĩĩn ꞌJudeei,


Aaꞌnyeet nẽẽ ngagĩĩt ꞌtirrian vẽlẽk ꞌcĩ hĩĩgĩnna dticcianniook cĩg lõhõt ꞌcĩ ĩĩn ngeju ꞌcĩ aku hĩ Lori ꞌcĩ Ẽllẽẽmĩth, ꞌcĩ hõllõngaa aku hĩ nyattal baa eheeddi loota. Nẽẽthĩ, aꞌnyaha nyattalĩ daahĩth nẽ aꞌnyaha Lorii rũgẽt.


Nẽẽthĩ, hõllõngaa õthõõthĩ jayyiõõĩ eet hõdẽẽthõng diooni, ĩĩn nẽẽ eet ꞌcĩ õthõõthĩ eet ꞌramma. Nẽẽthĩ, aitiõõ Nyekuci hõllõngaa adiim jayyio.


Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.


Avvaannuung nẽẽ ngagiit nyeemuutaa ꞌcĩ abũnnaa ĩcĩnaang, hátĩ otholit bulẽẽnĩt cĩ Makayyioohit cĩnaac Yeesu Krĩstõ.


Hĩnĩngĩtĩ aaĩ Nyekuci hõdẽẽthõng diooni nẽ Yeesu Krĩstõ dioo ꞌcĩ ĩĩn jayyio ꞌcĩ aꞌnyaha eet hĩ Nyekuc.


Ĩnõõ cĩ hẽmmẽẽꞌthĩ naa thooꞌthiok vẽlẽk, hĩnĩngĩtĩ eet baag ẽbẽra Nyekuci, hátĩ hummuddia nẽẽg buúk elliaanĩt ꞌcĩ aaĩ hĩ Yeesu Krĩstõ bulẽẽttaa ꞌcĩ aalla ooo.


ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.


hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.


Baa ippiiriau niig hõdẽĩ hĩ eet baag aarĩhoothiku baabuuthatõõ. Ma baa ootti eeta ijjio cugguung vẽlẽk, baa ẽlẽmaaku taliitta. Baa agayyu niig ngaatĩ ereeyyuung ngagiit hẽlẽggĩ cugguung ꞌcĩg abũnnaa ꞌcĩg aalla ũdũt.


Adiim emmeꞌthu thooꞌthiok, hátĩ idticanit tabiinit cĩ Nyekuci. Nẽẽthĩ hatĩ ummuddiaau thõõth baa aduha nẽẽnĩ.


Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.


Nẽ iitiaau niig hĩ Yeesu ꞌcĩ ĩĩn jayyio ꞌcĩ õthõõthĩ lõhõt ꞌcĩ ĩĩn ngeju hõrggẽẽnaa cĩ Nyekuci hĩ eeta, hĩ biyyi ꞌcĩg urwacanni ꞌcĩg aꞌnyaha tũngẽẽnĩt cĩ ꞌthẽccaneetu, hõllõngaa aꞌnyaha oolo haauto hĩ biyyieeta baag Abeele.


Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.


Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.


Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.


Baa aaĩ thõõth ꞌcĩ aduhaak Nyekuci Abũrahaamõ. Hĩnĩngĩtĩ baa aitiõõ ẽẽtĩ ꞌcĩ maka ꞌcĩ baa occa adukiaak thõõth tĩho tõõ, ũbũtan Nyekuci ꞌthaarĩĩ cĩgĩnnĩg ẽmmẽn,


Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.


Nẽ hĩnĩngĩtĩ lõbũtĩ icci, ikia aaꞌnyeet Yeesu lõhõt ꞌcĩ abũnnaa hĩ Nyekuc.


Ma õthõõth Makayyioohiti thõõth cĩ lõhõt ꞌcĩ ĩĩn ngeju ho, õthõõth nẽẽ aĩ, iittiõõ lõhõt baa ꞌrẽẽnĩ hõllõngaa adticanni. Nẽ ꞌyioko, õbõhĩ uduhoothĩha nẽ iꞌnginõõthĩ hatĩ hĩdĩĩkoothong.


Aitiõõ hõllõngaa aduhun Krĩstõ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, biyyiẽẽtĩĩ cĩg ẽẽthak hĩ cĩg maala ꞌcĩg ĩĩn ꞌgaarriẽẽn. Baa aduhun Krĩstõ nĩngĩtĩ nicci tabattĩ hõdẽẽthõng biyyiẽẽtĩĩ cĩgĩnnĩg, hátĩ hõõgaeet ngagĩĩt ꞌthẽccanẽẽtĩ cĩggaac ũdũt.


Nẽẽthĩ ꞌyioko, má ũũnnĩk eet umwaa lõhõt, adiim agayyi jurrung ngaatĩ adaahĩ ẽẽtĩ ꞌcĩ baa aarĩk lõhõt ko.


adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.


Aggatan Nyekuci eet ꞌcĩg aꞌnyaman ꞌtĩmman, hĩnĩngĩtĩ má ĩllõõanit nẽẽg ꞌtĩmman tĩho, ammũda hatĩ nẽẽg dũman cĩ rũgẽtõ, baa aduhaak Nyekuci eet ꞌcĩg ammĩnan ĩnõõnnõ.


Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.


Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.


Baa uduhaaheet Ngeerĩnĩ ngagĩĩt rũgẽt ꞌcĩ aalla ooo.


Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ