Ebereei 9:14 - ꞌBuuk cĩ Thõõth cĩ Nyekuci

¹⁴ Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

Ebereei 9:14 ပူးပေါင်းရင်းမြစ်များ

Luugithõõ 12:5

Nẽẽthĩ, hẽlẽggĩ ꞌcĩg ẽbẽraannu niig ko, adiim ĩĩn ꞌcĩg maacĩg ꞌcĩg aꞌnyak irkit hõdẽĩ nẽ abũnnaa eleeti, nẽẽthĩ, eberria ĩhõõggõ aꞌthaannĩtõõ hode ẽẽthatõõ.

Maatteeo 12:28

Nẽẽthĩ, má hiiggia naa loriẽẽt ꞌcĩg abathĩ ꞌtirriaanaa cĩ Lori cĩ Nyekuci, ikia thĩ habuccieet cĩ Nyekuci hĩ ngagiit ẽlẽk.

Maatteeo 16:16

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Ĩĩnĩ nii Krĩstõ, Ngeertĩ Nyekuc ꞌcĩ arũgĩ.”

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 7:11

Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

ꞌLuuka 1:74

ẽẽlanneet hatĩ nẽẽ ngagĩĩt athĩnĩĩ cĩg mĩrõk cĩggaac, nẽ aaꞌnyeet hidticattoothĩk ĩnõõnnõ lõꞌngõõc,

ꞌLuuka 12:24

Ummuhuttooth da nõõ hĩbaallĩ, aitiõõ nẽẽg hõllõngaa akannĩ nẽ hõllõngaa aꞌnyak ĩragẽẽt ꞌcĩg aarĩkĩ ꞌgẽẽn. Nyekuc ꞌcĩ irohĩt ĩhõõggõ. Aꞌthuunnuung ngagiit Nyekuci hĩllõõan hĩbaallĩ.

ꞌLuuka 12:28

Nẽ má aꞌthũũnnĩ Nyekuci nyettur ꞌcĩ aaĩ kõr icci ngaati, ma lohotha udhuhoothĩk ꞌgwoyyiatõõ haaga, hõllõngaa occa hatĩ aꞌthuunnuung nẽẽ ngagiita? Inni thĩ aꞌnyahit niig lemiinit ꞌcĩ hidici haaga ho?

ꞌLuuka 4:18

“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia,

Yõaannẽ 3:34

Hĩnĩngĩtĩ ẽẽtĩ baa ĩꞌthõõa Nyekuci, õthõõth thõõth cĩ Nyekuci, hĩnĩngĩtĩ hõllõngaa abĩlĩ Nyekuci ngaatĩ aaꞌnyĩkĩ eet Lori ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 1:2

ĩꞌthõng hõdõlan kõr baa odongiini Yeesu õkõõĩ hẽẽtahujjieen, urutaa baa ẽtẽrẽthĩ nẽẽ ꞌthooyyiak baag ẽbẽra nẽẽ Loriiaa ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

Dtiicanĩ cĩg ꞌThooyyiahu 14:15

“Hõlõ, ne ꞌcĩ adĩmannu niig hoti ho? Hĩĩgĩnna naag eet haaga hĩ niiga. Haꞌnyahaakuung naag ngagiit nyeemuut ꞌcĩ abũnnaa, hanneekuung ũtũngteek thooꞌthiok iccig abathĩ ho, elemit Nyekuc ꞌcĩ arũgĩ, ꞌcĩ ẽhẽnyta hẽẽtkujjieen hĩ looc hĩ bũlũc hĩ hẽlẽggĩ vẽlẽk ꞌcĩg aattiyyi ĩhõõggõ.

Dtiicanĩ cĩg ꞌThooyyiahu 15:9

Baa hõllõngaa ahal Nyekuci ĩhõõggõ hĩ ngagĩĩta, hĩnĩngĩtĩ ũtũũny nẽẽ ꞌthinneeti cĩggĩĩng hĩĩtõ tẽllĩg, hĩnĩngĩtĩ lemiinit cĩnĩĩng.

ꞌRooma 1:20

Nganĩngĩtĩ teheꞌnyiaanĩt cĩ lootu, iita ẽdẽẽnyta thooꞌthioha cĩg Nyekuci jurrung aag gõõng hõllõngaa edeeꞌnyia, ꞌtirrianaa cĩnnĩ ĩcĩ aalla ũdũt, hĩ makaaꞌthĩt cĩnnĩ nẽ iita agayyi hẽlẽggẽẽnnĩĩ baag ẽhẽnytaa, hátĩ hiittiõõ eeta hõllõngaa ẽppẽhanĩ.

ꞌRooma 1:4

Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.

ꞌRooma 11:12

Nẽẽthĩ, má ẽẽl eet cĩg loonyin vẽlẽk ꞌthẽccanĩ ꞌcĩ abũrrĩ eeta cĩg ꞌJudeei thõõth cĩ Nyekuci, ĩĩn occa hatĩ ꞌgattanĩ cĩ Nyekuci hutuno, hatĩ oboddia nẽẽg hĩ ĩnõõnnõ tarĩ!

ꞌRooma 11:24

Baa iiginnu niig taba ꞌcĩg eꞌngeddoothĩk tuu hẽẽtaa ꞌcĩ ĩĩn oliv cĩ moru ho. Má baa hidiim hĩdĩman Nyekuci ꞌgiimwa ꞌcĩ gõõng nga hedeeꞌnyia hõdõõkõthĩ, ꞌgõõlaa ꞌcĩ aarĩkĩ taba hẽẽtaa cĩ oliv ꞌcĩ atiboolanni thõng ko, accamanoothĩk hatĩ nẽẽ ngaatĩ õbõdẽẽkĩ taba baag oou, hẽẽtaa baa nĩĩng.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

ꞌGalaaꞌthia 2:19

Nyattal ꞌcĩ baa aruka nganĩĩt hadaak ko nẽ õõgawaa nganĩĩt, hátĩ hũrũg naa hĩ Nyekuc.

Eevvetho 2:5

aaꞌnyeet ngagĩĩt hũrũgĩt hõdẽĩ hĩ Krĩstõ. Tananga baa hadaahito naag hĩnĩngĩtĩ ꞌthẽccanẽẽta, iita eelliau niig bũnnaiittaa cĩnnĩ.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

1 Tẽꞌthaloonika 1:9

Nẽ tarĩ, baa athithan eeta vẽlẽk thõõth ꞌcĩ elemmeetu niig ngagĩĩt, kõr baa hẽhẽẽrõnaakuung, hĩ ꞌgõõl baa uunniku niig hẽlẽggĩ ꞌcĩg ala eeta hĩĩtõ nyekuꞌnya nẽ idticattoothihu Nyekuc dĩdĩ ꞌcĩ arũgĩ.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

1 Timotteeo 3:15

Má hõllõngaa hakuu hĩdĩĩkoothong, etereꞌthii hatĩ waraga ciee ꞌgõõl ꞌcĩ occa haattiyyi naag lothippiti cĩ lemmiook cĩg halang cĩ Nyekuci jurrung, hĩnĩngĩtĩ hĩĩgĩn naag halang cĩ Nyekuci ꞌcĩ arũgĩ, ꞌcĩ ĩĩn hitiir ꞌcĩ õkõmĩ ꞌcĩ hammũdaanĩ thõõth ꞌcĩ ĩĩn dĩdĩ.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 10:10

Nẽ tabiittaa nĩĩca, hiita helleemito naag, hĩnĩngĩtĩ ẽlẽmana Yeesu Krĩstõ ẽlẽ cĩnnĩ ũdũt hĩĩ ꞌgaarrieenit tabattĩ hõdẽẽthõng, hĩnĩngĩtĩ eet vẽlẽk.

Ebereei 10:12

Nẽẽthĩ, baa ẽlẽmanaak Krĩstõ paadĩrĩ cĩnaac ẽlẽ cĩnnĩ Nyekuc, hĩĩ ꞌgaarrieenit hõdẽẽthõng ꞌcĩ attik ꞌthẽccanẽẽta. Ma ho, ũũk iccioloongan nẽẽ ngaatĩ bulẽẽttõ ĩĩcĩ aꞌthiit cobbi cĩ Nyekuci.

Ebereei 10:2

Má baa hũtũũnyĩtõ ꞌgaarriẽẽna cieeg ꞌthẽccanẽẽt cĩg eet ꞌcĩg ala Nyekuc, occa ꞌyioko iittiõõ eeta hõllõngaa adiim ꞌgaarriẽẽn ũgĩ tarĩ, ꞌcĩg ũũny ꞌthẽccanẽẽt cĩggĩĩng.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 11:21

Ma baa õbõhĩ Yakobo adaaha, ikia iitirõõĩ hĩbahĩt cĩnnĩ cĩ tohomiitto nẽ ala Nyekuc. Nẽ hĩnĩngĩtĩ lemiinit cĩnnĩ, ikia aggatan nẽẽ lõhõlĩ cĩg Yothebo hõdẽĩ hõdẽĩ.

Ebereei 13:12

Baa accananni Yeesu nẽẽ buúk battaalaa cĩ ꞌtaaũn cobbi, hátĩ haanytĩk biyyieeta cĩgĩnnĩg eet helleemito.

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

Ebereei 6:1

Nẽẽthĩ, hũtũngteek ngaatĩ hõbõdẽẽkĩ ꞌlimman cĩ Krĩstõ baa oou hiriiri. Hõõt ĩĩcĩ oou, hátĩ heggeenyit hagaac ꞌlimman cĩ Krĩstõ. Nẽ dĩdĩ, occa hõllõngaa hadiim hiꞌthianaanĩ tarĩ ngaatĩ, hallimanĩ thooꞌthiok ꞌcĩg tiirik ꞌcĩg haduhaanĩ ꞌthẽccanẽẽt nẽ helemit Nyekuc.

Ebereei 7:16

Ikia ĩĩ Yeesu paadĩr, hõllõngaa hĩnĩngĩtĩ ĩĩn nẽẽ eet cĩ hattũũg cĩ ꞌLeevi, nẽẽthĩ, aku ĩĩn nẽẽ paadĩr ꞌtirriaanaa cĩ rũgẽt ꞌcĩ aalla ũdũt.

Ebereei 7:27

Aitiõõ Yeesu hõllõngaa occa ĩbbõõr ꞌgarrieenit hõdõõkõthĩ hĩ gõõng ĩbbõõr paadĩrĩ umwaa cobbiẽẽnĩ. Ĩbbõõr paadĩrĩ cobbi ꞌgaarriẽẽn, hĩnĩngĩtĩ ꞌthẽccanẽẽt cĩgĩnnĩg ĩĩcĩ oou nẽ ikia ĩbbõõr, hĩnĩngĩtĩ ꞌthẽccanẽẽt cĩg eetuk uruta. Nẽẽthĩ ꞌyioko, ẽlẽmana Yeesu ẽlẽ cĩnnĩ tabattĩ hõdẽẽthõng hĩĩ ꞌgaarrieenit, hĩnĩngĩtĩ ꞌthẽccanẽẽt cĩg eetuk.

Ebereei 9:12

Aitiõõ hõllõngaa aduhun Krĩstõ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, biyyiẽẽtĩĩ cĩg ẽẽthak hĩ cĩg maala ꞌcĩg ĩĩn ꞌgaarriẽẽn. Baa aduhun Krĩstõ nĩngĩtĩ nicci tabattĩ hõdẽẽthõng biyyiẽẽtĩĩ cĩgĩnnĩg, hátĩ hõõgaeet ngagĩĩt ꞌthẽccanẽẽtĩ cĩggaac ũdũt.

Ebereei 9:26

Má baa hẽlẽmana Yeesu ẽlẽ cĩnnĩ irkiꞌnyia vẽlẽk, occa baa appĩĩrna nẽẽ tabattĩ mẽẽlĩg nganĩngĩtĩ ẽhẽnytaanĩ lõõcĩ. Nẽẽthĩ, baa ẽlẽmana nẽẽ ẽlẽ cĩnnĩ tabattĩ hõdẽẽthõng diooni dtuurnattaa cĩ kõr tĩho, hátĩ hĩĩ nẽẽ ꞌgaarrieenit ꞌcĩ ũũny ꞌthẽccanẽẽta.

Ebereei 9:7

Nẽẽthĩ, baa paadĩr cobbi dioo ꞌcĩ aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko tabattĩ hõdẽẽthõng irkita. Aꞌnyak paadĩrĩ biyyi ꞌcĩg õkõ aꞌnyĩĩk Nyekuc hũtũũny ꞌthẽccanẽẽt cĩgĩnnĩg hĩ cĩg eetuk, ꞌthẽccanẽẽt baag adĩman nẽẽg nẽ hõllõngaa aga.

Ebereei 9:9

Nẽ kõr nicci buúk, ẽtẽrꞌtha thõõth ciee aĩ, hõllõngaa naag hũũny ꞌthinneeti hĩĩtõ tẽllĩg, ꞌgõõlẽẽ ꞌcĩ haaꞌnyĩkĩ ꞌbaaninit hĩ ngaatĩ hĩbbõõrĩkĩ Nyekuc ꞌgaarriẽẽn.

1 Pẽẽtũrũ 1:19

Baa eelliannu niig biyyiẽẽtĩĩ ꞌcĩg aaddi ĩcĩg Krĩstõ, mĩꞌnyõõn cĩ Nyekuci ꞌcĩ hiꞌthihi ꞌthẽccan nẽ aitiõõ nyakẽmẽẽr tõõ.

1 Pẽẽtũrũ 2:22

Baa hõllõngaa ẽꞌthẽcan Krĩstõ thõõth umwa hode aduha õlõng.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.

1 Yõaannẽ 3:5

Nẽ agayyu niig aĩ baa aku Krĩstõ, hátĩ hittik ꞌthẽccanẽẽt battaala nẽ aitiõõ ꞌthẽccanĩ hĩ ĩnõõnnõ tõõ.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.