Ebereei 9:12 - ꞌBuuk cĩ Thõõth cĩ Nyekuci

¹² Aitiõõ hõllõngaa aduhun Krĩstõ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, biyyiẽẽtĩĩ cĩg ẽẽthak hĩ cĩg maala ꞌcĩg ĩĩn ꞌgaarriẽẽn. Baa aduhun Krĩstõ nĩngĩtĩ nicci tabattĩ hõdẽẽthõng biyyiẽẽtĩĩ cĩgĩnnĩg, hátĩ hõõgaeet ngagĩĩt ꞌthẽccanẽẽtĩ cĩggaac ũdũt.

Ebereei 9:12 ပူးပေါင်းရင်းမြစ်များ

Maarko 3:29

Nẽẽthĩ, ẽẽtĩ ꞌcĩ õdõõm Lori ꞌcĩ Ẽllẽẽmĩthĩ, aitiõõ hatĩ hõllõngaa ũũnnothoothĩk ꞌthẽccanẽẽta cĩgĩnnĩg ũdũt, hĩnĩngĩtĩ ĩdĩman nẽẽ ꞌthẽccan ꞌcĩ aalla ooo.”

ꞌLuuka 1:68

“Aꞌnyĩĩk hĩdĩhĩthĩ Makayyioohiti Nyekuci cĩ Ĩꞌthĩraẽlĩ, hĩnĩngĩtĩ ikia ũrũgũtha nẽẽ eet cĩgĩnnĩg.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Kolooꞌthe 1:14

baa õõganneet nẽẽ ngagĩĩt haaut lõꞌngõõc nẽ ũtũngeek ꞌthẽccanẽẽt cĩggaac.

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 10:19

ꞌGotoonoga hĩ ngoonoga, akũtanneet biyyieeta cĩg Yeesu ngagĩĩt ngaatĩ hadukni Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

Ebereei 10:4

Hĩnĩngĩtĩ hõllõngaa occa ũũny biyyieeta cĩg olĩꞌnyaannu hĩ cĩg ẽẽthak ꞌthẽccanẽẽt cĩg eetuk.

Ebereei 13:12

Baa accananni Yeesu nẽẽ buúk battaalaa cĩ ꞌtaaũn cobbi, hátĩ haanytĩk biyyieeta cĩgĩnnĩg eet helleemito.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

Ebereei 7:27

Aitiõõ Yeesu hõllõngaa occa ĩbbõõr ꞌgarrieenit hõdõõkõthĩ hĩ gõõng ĩbbõõr paadĩrĩ umwaa cobbiẽẽnĩ. Ĩbbõõr paadĩrĩ cobbi ꞌgaarriẽẽn, hĩnĩngĩtĩ ꞌthẽccanẽẽt cĩgĩnnĩg ĩĩcĩ oou nẽ ikia ĩbbõõr, hĩnĩngĩtĩ ꞌthẽccanẽẽt cĩg eetuk uruta. Nẽẽthĩ ꞌyioko, ẽlẽmana Yeesu ẽlẽ cĩnnĩ tabattĩ hõdẽẽthõng hĩĩ ꞌgaarrieenit, hĩnĩngĩtĩ ꞌthẽccanẽẽt cĩg eetuk.

Ebereei 9:13

Nyattaala baa ꞌrẽẽnĩ, baa gõõng adticaniini eeta biyyi cĩg ẽẽthak hĩ cĩg olĩꞌnyaannu hĩ hatiꞌtheet ꞌcĩ ĩwaadini moolĩtĩ, hũtũũnytĩ ꞌthẽccanẽẽt eleetinii cĩg eetuk.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

Ebereei 9:19

Urutaa baa itigiilihi Mũũꞌtha nyattalliook cĩg Nyekuci eet vẽlẽk, ikia ittiha nẽẽ biyyi cĩg maala hĩ cĩg ẽẽthak hĩ maam urwacanĩ ꞌbuuk cĩ nyattal cĩ Nyekuci hĩ eet buúk. Baa urwacaniini Mũũꞌtha cẽrẽm ꞌcĩ õlõõ hĩ bõllõõk.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

Ebereei 9:7

Nẽẽthĩ, baa paadĩr cobbi dioo ꞌcĩ aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko tabattĩ hõdẽẽthõng irkita. Aꞌnyak paadĩrĩ biyyi ꞌcĩg õkõ aꞌnyĩĩk Nyekuc hũtũũny ꞌthẽccanẽẽt cĩgĩnnĩg hĩ cĩg eetuk, ꞌthẽccanẽẽt baag adĩman nẽẽg nẽ hõllõngaa aga.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.