Ebereei 9:11 - ꞌBuuk cĩ Thõõth cĩ Nyekuci

¹¹ Nẽẽthĩ ꞌyioko, ikia ĩĩ Krĩstõ paadĩr cobbi cĩ hẽlẽggĩ vẽlẽk ꞌcĩg abũnnaa ꞌcĩg aauto loota nĩnga ho. Nẽ uduhun nẽẽ ꞌCieeth cĩ Nyekuci hẽẽtahujjieen, ꞌcĩ baa hõllõngaa ẽhẽnyta ẽẽtĩ ꞌcĩ holli õõ nẽ hõllõngaa ĩĩn dhoorit cĩ looc ꞌcĩ ẽhẽnytaa thõng ko.

Ebereei 9:11 ပူးပေါင်းရင်းမြစ်များ

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maatteeo 11:3

hõõt hijinit Yeesu hĩĩttĩk, “Nganiit ꞌcĩ hereeyyi ho? Hode occa nga hẽrẽẽanna eet umwa ꞌcĩ ꞌrĩĩng?”

Maatteeo 2:6

“ ‘Niig eeta cĩg Bẽtẽlẽmĩ looccaa cĩ ꞌJudeea, iiginnu niig tiirik gẽrrẽẽt ꞌtaaũnnioohĩĩ cĩg ꞌJudeea vẽlẽk. Aku hatĩ ẽẽtĩ ꞌcĩ ĩĩn habu ꞌtaaũnaa cunuung ko. Ĩĩn hatĩ nẽẽ tũhayyioohit cĩ eet cĩgannĩg Ĩꞌthĩraẽl.’ ”

Maarko 14:58

“Baa hathĩkna naag Yeesu aĩ, ‘Hĩꞌthaani hatĩ ꞌCieeth cĩ Nyekuci ꞌcĩ ẽhẽnyta eeta ho nẽ hẽtẽhẽnyaa umwa waathinnioohĩ ꞌcĩg ĩĩn iyyio, ꞌcĩ occa hõllõngaa ẽhẽnyta eeta.’ ”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 4:25

Ẽdẽcĩ ngaa nicciee aĩ, “Haga naa aku hatĩ habuui ꞌcĩ ẽbẽra Nyekuci ꞌcĩ haĩ Krĩstõ, hikia hẽẽla eet. Ma ikia nẽẽnĩ, aku hatĩ aduhaakeet ngagĩĩt thooꞌthiok vẽlẽk.”

Dtiicanĩ cĩg ꞌThooyyiahu 7:48

“ꞌGõõlaa umwaanĩ, aitiõõ Nyekuci ꞌcĩ ĩllõõan vẽlẽk, hõllõngaa õlõman ꞌcieethinii ꞌcĩg ẽhẽnyĩt eeta. Hĩ baa aduha põrõvẽtaacĩ aĩ,

2 Korinthia 4:18

Hẽlẽggĩ ꞌcĩg hacĩn naag thõng ko, ĩĩn hẽlẽggĩ ꞌcĩg hõllõngaa aalla ooo nẽ hẽlẽggĩ ꞌcĩg hõllõngaa hacĩn naaga, ĩĩn hẽlẽggĩ ꞌcĩg aalla ooo. Nẽ ꞌyioko hubbuuhit hẽbẽrĩ cĩggaac, hátĩ hĩcĩnĩt hẽlẽggĩ ꞌcĩg hõllõngaa edeeꞌnyia ho, hĩnĩngĩtĩ aalla hatĩ nẽẽg ooo.

2 Korinthia 5:1

Aattĩg eleeti cĩggaac hĩ tuggẽẽta ꞌcĩg haattiyyi naag loota nĩnga. Nẽ má irribattĩ tuggẽẽta cieegi, haga naag haĩ aaꞌnyeet hatĩ ngagĩĩt Nyekuci hõdẽĩ hõdẽĩ nĩngĩtĩ ꞌcĩ haattiyyi. Ĩĩn hatĩ olooyyioha cieeg ꞌcĩg hõllõngaa ẽhẽnyta ẽẽtĩ ꞌcĩ holli õõ. Aattĩg olooyyioha cieeg hẽẽtahujjieen nẽ aalla hatĩ ooo.

Kolooꞌthe 2:11

Baa iitiaau niig hĩ Krĩstõ, iita ũtũngtoothĩk ngagiit ꞌthẽccanẽẽta cugguung buúk, nẽẽthĩ, hõllõngaa ĩĩn ꞌteediniti ciee, ꞌcĩ etteeddiakĩ ẽlẽ cĩ eet ꞌcĩ maacĩ tuua, ĩĩn ꞌteedinit ꞌcĩ ẽttẽẽdĩ Krĩstõ ꞌthẽccanẽẽt eleetinii cugguung.

Ebereei 10:1

Aaĩ nyattalĩ cĩ Mũũꞌtha hĩ lorii cĩ hẽlẽggĩ ꞌcĩg abũnnaa ꞌcĩg hatĩ nga au horumwa. Nẽ nyattalĩ ꞌcĩ aaĩ hĩ lorii ho, hõllõngaa ĩĩn hẽlẽggĩ ꞌcĩg abũnnaa eleetinii cĩggĩĩng ẽmmẽn, hĩnĩngĩtĩ hõllõngaa ũũny eet ꞌthẽccanẽẽtĩĩ cĩggĩĩng, hĩnĩngĩtĩ ꞌgarriẽẽn ꞌcĩg ibboorri hiriiri irkiꞌnyia hĩ irkiꞌnyia.

Ebereei 12:27

Aĩ thõõth ciee nẽẽ, õmmõõnnĩ hatĩ Nyekuci hẽlẽggĩ vẽlẽk baag ẽhẽnytaa hiꞌngittõõthĩ, hátĩ hidionganit hẽlẽggĩ ꞌcĩg hõllõngaa õmmõõtĩ diooni.

Ebereei 13:14

Hĩnĩngĩtĩ aitiõõ lõõcĩ ciee hõllõngaa ĩĩn õlõ cĩnaac ꞌcĩ aalla ũdũt, nga hẽrẽ naag õlõ ꞌcĩ nga aayyiaa.

Ebereei 2:17

Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!

Ebereei 7:1

Baa ĩĩn Melkithẽdẽhĩ habu cobbi cĩ ꞌtaaũn cĩ Thaalemĩ nẽ ĩĩ paadĩr cĩ Nyekuc ꞌcĩ ĩllõõan vẽlẽk. Melkithẽdẽk baa õõ õmmõtõõ hĩ Abũrahaamõ, nĩngĩtĩ aggatanĩ nẽẽ Abũrahaamõ baa õbõda joraa baa õõ aruhõõnĩ hĩ habuẽẽt ꞌcĩg mẽẽlĩg nẽ ĩllõõan ĩhõõggõ.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

2 Yõaannẽ 1:7

Haduhaakuung naa ngagiit thõõth icci, hĩnĩngĩtĩ ĩĩ mẽẽlĩg oloꞌngiaaha ꞌcĩg aauto looccaa nĩĩcĩ gẽrrẽẽt. Ẽppẽhan nẽẽg aĩ, baa hõllõngaa aꞌnyak Yeesu Krĩstõ ẽlẽ cĩ eet ꞌcĩ holli õõ. Ĩĩn eeta ꞌcĩg aattĩg noho, oloꞌngiaak nẽ ĩĩn mĩrõk cĩg Krĩstõ.