Ebereei 9:1 - ꞌBuuk cĩ Thõõth cĩ Nyekuci

¹ Nẽ ꞌyioko, lõhõt ꞌcĩ oou baa aarĩk Nyekuci hĩ eet cĩg Ĩꞌthĩraẽlĩ, aꞌnyak nyattalliook ꞌcĩg laiittak, nẽ tarĩ, aꞌnyak ꞌCieeth cĩ Nyekuci horrwaa ꞌcĩ õdõhõhĩĩ kak.

Ebereei 9:1 ပူးပေါင်းရင်းမြစ်များ

ꞌLuuka 1:6

Nẽ baa ĩĩn ꞌThakaria hĩ Eliꞌthẽbẽta eet ꞌcĩg abũnnaa gẽrrẽẽt muumaa cĩ Nyekuci, baa aꞌthũũnnĩ nẽẽg tilooinit hĩ nyattalliook cĩg Makayyiooktak jurrung.

ꞌRooma 9:4

Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ.

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

Ebereei 8:13

Ma õthõõth Makayyioohiti thõõth cĩ lõhõt ꞌcĩ ĩĩn ngeju ho, õthõõth nẽẽ aĩ, iittiõõ lõhõt baa ꞌrẽẽnĩ hõllõngaa adticanni. Nẽ ꞌyioko, õbõhĩ uduhoothĩha nẽ iꞌnginõõthĩ hatĩ hĩdĩĩkoothong.

Ebereei 8:2

Adticanni nẽẽ hĩ paadĩrĩ cobbi ꞌCieethaa cĩ Nyekuci ĩcĩ ĩĩn dĩdĩ, ꞌCieeth ꞌcĩ baa ẽhẽnyta Nyekuci nẽ hõllõngaa ẽhẽnyta ẽẽtĩ ꞌcĩ holli õõ haaga.

Ebereei 8:7

Má baa hũbũna lõhõt baa oou, occa ꞌyioko iittiõõ hõllõngaa hadiim lõhõt umwa tarĩ.

Ebereei 9:24

Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.