Ebereei 8:6 - ꞌBuuk cĩ Thõõth cĩ Nyekuci

⁶ Nẽẽthĩ ꞌyioko, eberria Yeesu paadĩrĩ cĩnaac cobbi nẽ aaꞌnyĩhoothĩk dtiici ꞌcĩ ĩllõõan dtiic cĩ paadĩrꞌnya baag oou, hĩnĩngĩtĩ ĩĩ nẽẽ jayyio ꞌcĩ othooꞌtheet ngagĩĩt hĩ Nyekuc jurrung, thõõthaa cĩ lõhõt ꞌcĩ ĩĩn ngeju baa aduha Nyekuci.

Ebereei 8:6 ပူးပေါင်းရင်းမြစ်များ

ꞌLuuka 22:20

Ma urutaa ꞌcĩ edecciaaĩ ꞌgẽẽna, ittiha hooppo nẽ ĩĩ, “Ĩĩn hooppo ciee lõhõt ꞌcĩ ĩĩn ngeju cĩ biyyi cĩgannĩg, ꞌcĩg hatĩ ẽrrẽnna, hĩnĩngĩtĩ ngagiita.

ꞌRooma 9:4

Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ.

Eevvetho 2:12

Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.

1 Timotteeo 2:5

Hĩnĩngĩtĩ aaĩ Nyekuci hõdẽẽthõng diooni nẽ Yeesu Krĩstõ dioo ꞌcĩ ĩĩn jayyio ꞌcĩ aꞌnyaha eet hĩ Nyekuc.

Tiito 1:2

ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.

Ebereei 12:24

Nẽ iitiaau niig hĩ Yeesu ꞌcĩ ĩĩn jayyio ꞌcĩ õthõõthĩ lõhõt ꞌcĩ ĩĩn ngeju hõrggẽẽnaa cĩ Nyekuci hĩ eeta, hĩ biyyi ꞌcĩg urwacanni ꞌcĩg aꞌnyaha tũngẽẽnĩt cĩ ꞌthẽccaneetu, hõllõngaa aꞌnyaha oolo haauto hĩ biyyieeta baag Abeele.

Ebereei 7:22

Nẽ hĩnĩngĩtĩ lõbũtĩ icci, ikia aaꞌnyeet Yeesu lõhõt ꞌcĩ abũnnaa hĩ Nyekuc.

2 Pẽẽtũrũ 1:4

Nẽ hĩnĩngĩtĩ bulẽẽnĩt hĩ bũnnai ꞌcĩ ẽllẽẽmĩth gẽrrẽẽt ko, ikia uduhaaheet nẽẽ ngagĩĩt thooꞌthiok ꞌcĩg obbitig ꞌcĩg tiirik. Adukiaa thooꞌthioha cieeg, hátĩ haanytuung ngagiit otholit authet cĩnnĩ nẽ iliittiau thooꞌthiok ꞌcĩg abathĩ cĩg looc nicci, ꞌcĩg ĩkõõtha thooꞌthioha ꞌcĩg abathĩ ꞌcĩg abũraneek eeta.