Ebereei 8:5 - ꞌBuuk cĩ Thõõth cĩ Nyekuci

⁵ Hĩnĩngĩtĩ baa adticanni nẽẽg ꞌCieetõõ cĩ Nyekuci horrwaa ꞌcĩ õdõhõhĩĩ kak, ꞌCieeth ꞌcĩ ĩĩn ꞌthooura ꞌcĩ ĩthakꞌthoothĩk ꞌCieeth cĩ Nyekuci hẽẽtahujjieen. Ĩnõõ baa annẽẽkĩ Nyekuci Mũũꞌtha baa idiim ẽtẽhẽny ꞌCieeth cĩ Nyekuci nẽẽ, “Gaooth ĩĩ, tẽhẽny ꞌcieeth hĩ baa heterꞌtheekii naa nganiit muuraa cĩ ꞌThĩnaĩ.”

Ebereei 8:5 ပူးပေါင်းရင်းမြစ်များ

Maatteeo 2:12

Ma baa urutaa cĩnnĩ, ikia othoothĩk Nyekuci ꞌgeeꞌnyiak niccig honoothittatõõ, hiittiõõ hõllõngaa obodoothi hĩ Ẽrõõdẽ tarĩ. Nĩngĩtĩ õbõdõõꞌthĩ nẽẽg looccaa cĩnĩĩng ꞌgõõlaa umwaanĩ ĩĩcĩ ꞌrĩĩng.

Dtiicanĩ cĩg ꞌThooyyiahu 7:44

“Baa aꞌthũũnnĩ hĩbaangĩ cĩggaac ꞌCieeth cĩ Nyekuci horrwaa ꞌcĩ õdõhõhĩĩ kak. Baa ẽhẽnytaa ꞌCieeth ciee ꞌgõõlaa baa aduhaak Nyekuci Mũũꞌtha hĩdĩmana hudukto hĩ baa adtuuha nẽẽ thõng.

Kolooꞌthe 2:17

Õthõõth thooꞌthioha cieeg vẽlẽk thõõth ꞌcĩ ĩĩn dĩdĩ ĩnõõnnõ Krĩstõ.

Ebereei 10:1

Aaĩ nyattalĩ cĩ Mũũꞌtha hĩ lorii cĩ hẽlẽggĩ ꞌcĩg abũnnaa ꞌcĩg hatĩ nga au horumwa. Nẽ nyattalĩ ꞌcĩ aaĩ hĩ lorii ho, hõllõngaa ĩĩn hẽlẽggĩ ꞌcĩg abũnnaa eleetinii cĩggĩĩng ẽmmẽn, hĩnĩngĩtĩ hõllõngaa ũũny eet ꞌthẽccanẽẽtĩĩ cĩggĩĩng, hĩnĩngĩtĩ ꞌgarriẽẽn ꞌcĩg ibboorri hiriiri irkiꞌnyia hĩ irkiꞌnyia.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 13:10

Haꞌnyak naag altaarĩ ꞌcĩ hõllõngaa aduhẽẽnĩ paadĩrꞌnya ꞌcĩg adticanni ꞌCieethaa cĩ Nyekuci.

Ebereei 9:9

Nẽ kõr nicci buúk, ẽtẽrꞌtha thõõth ciee aĩ, hõllõngaa naag hũũny ꞌthinneeti hĩĩtõ tẽllĩg, ꞌgõõlẽẽ ꞌcĩ haaꞌnyĩkĩ ꞌbaaninit hĩ ngaatĩ hĩbbõõrĩkĩ Nyekuc ꞌgaarriẽẽn.

Terethiinit 15:5

Ma uruta, hudtuuha ꞌCieeth cĩ Nyekuci hẽẽtahujjieen abbuuhi haau ngaburuur.