Ebereei 8:2 - ꞌBuuk cĩ Thõõth cĩ Nyekuci

² Adticanni nẽẽ hĩ paadĩrĩ cobbi ꞌCieethaa cĩ Nyekuci ĩcĩ ĩĩn dĩdĩ, ꞌCieeth ꞌcĩ baa ẽhẽnyta Nyekuci nẽ hõllõngaa ẽhẽnyta ẽẽtĩ ꞌcĩ holli õõ haaga.

Ebereei 8:2 ပူးပေါင်းရင်းမြစ်များ

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

ꞌRooma 15:8

Haduhaakuung hanneekuung, ikia ĩĩ Krĩstõ dticciannioohit cĩ ꞌJudeei, hátĩ hẽtẽrẽtha hĩĩ, ĩĩn Nyekuci dĩdĩ thooꞌthiohĩĩ baag aduhaak maajihi cĩggĩĩng baag abuli.

2 Korinthia 5:1

Aattĩg eleeti cĩggaac hĩ tuggẽẽta ꞌcĩg haattiyyi naag loota nĩnga. Nẽ má irribattĩ tuggẽẽta cieegi, haga naag haĩ aaꞌnyeet hatĩ ngagĩĩt Nyekuci hõdẽĩ hõdẽĩ nĩngĩtĩ ꞌcĩ haattiyyi. Ĩĩn hatĩ olooyyioha cieeg ꞌcĩg hõllõngaa ẽhẽnyta ẽẽtĩ ꞌcĩ holli õõ. Aattĩg olooyyioha cieeg hẽẽtahujjieen nẽ aalla hatĩ ooo.

Kolooꞌthe 2:11

Baa iitiaau niig hĩ Krĩstõ, iita ũtũngtoothĩk ngagiit ꞌthẽccanẽẽta cugguung buúk, nẽẽthĩ, hõllõngaa ĩĩn ꞌteediniti ciee, ꞌcĩ etteeddiakĩ ẽlẽ cĩ eet ꞌcĩ maacĩ tuua, ĩĩn ꞌteedinit ꞌcĩ ẽttẽẽdĩ Krĩstõ ꞌthẽccanẽẽt eleetinii cugguung.

Ebereei 10:11

Nyattaalaa baa ꞌrẽẽnĩ, abĩlĩ paadĩrĩ hõdõõkõthĩ ngaatĩ ĩbboorini ꞌgaarrieeniti, hĩbbõõr ꞌgaarriẽẽn ꞌcĩg aduhõõ thõng tabattĩ hiriiri, ꞌcĩg hõllõngaa attik ꞌthẽccanẽẽt cĩg eetuk battaala.

Ebereei 10:21

Nẽ hĩcĩ haꞌnyak naag paadĩr cobbi ꞌCieetõõ cĩ Nyekuci,

Ebereei 11:10

Baa adĩman Abũrahamĩ hoti, hĩnĩngĩtĩ baa ẽrẽ nẽẽ ꞌtaaũn cobbi ꞌcĩ aalla ooo, baa ammuha Nyekuci nẽ ẽtẽhẽnya.

Ebereei 9:1

Nẽ ꞌyioko, lõhõt ꞌcĩ oou baa aarĩk Nyekuci hĩ eet cĩg Ĩꞌthĩraẽlĩ, aꞌnyak nyattalliook ꞌcĩg laiittak, nẽ tarĩ, aꞌnyak ꞌCieeth cĩ Nyekuci horrwaa ꞌcĩ õdõhõhĩĩ kak.

Terethiinit 21:3

Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.