Ebereei 7:6 - ꞌBuuk cĩ Thõõth cĩ Nyekuci

⁶ Baa aitiõõ hõllõngaa ĩĩn Melkithẽdẽhĩ eet cĩ hattũũg cĩ ꞌLeevi. Ma ho, ikia ẽꞌngẽraak Abũrahamĩ ĩnõõnnõ ꞌbaaninit ꞌcĩ abadtẽc, hẽlẽggẽẽnnĩĩ baag ammiira Abũrahamĩ jora. Nĩngĩtĩ aku aggatanĩ Melkithẽdẽhĩ Abũrahaamõ baa aꞌnyak thooꞌthiok ꞌcĩg aduhaak Nyekuci.

Ebereei 7:6 ပူးပေါင်းရင်းမြစ်များ

ꞌThianaattõ 12:13

Ma hõdõlanit ĩĩca, ꞌgõõl nẽẽ nii ĩhõõggõ ĩĩnnĩk, iini nii ngõõna. Ĩnõõ hatĩ ꞌcĩ hõllõngaa õõ aruka nẽẽg nganĩĩta. Ma ĩĩnnĩhuu noho, au hatĩ akũmaneeka nẽẽg nganĩĩt jurrung, hĩnĩngĩtĩ nganiita.”

ꞌThianaattõ 12:2

“Hõkõ hatĩ haaꞌnyii naa nganiit lõhõlĩ ꞌcĩg mẽẽlĩg ꞌrĩng ꞌcĩg hatĩ õlõman looc cobbi gẽrrẽẽt. Haggatannii hatĩ naa nganiit nẽ haaꞌnyĩha ꞌthaar cugunnig hubulli, hátĩ haggatattĩ eeta vẽlẽk, hĩnĩngĩtĩ nganiita.

Dtiicanĩ cĩg ꞌThooyyiahu 3:25

Nẽ iiginnu niig lõhõlĩ cĩg põrõvẽtaaꞌnyanu hĩ cĩg lõhõt baa adak Nyekuci hĩ maajihu. Baa anneek nẽẽ Abũrahaamõ, ‘Ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.’

ꞌRooma 4:13

Baa hõllõngaa ammũda Abũrahamĩ hĩ lõhõlĩ cĩg lõhõlĩ cĩgĩnnĩg, thõõth ꞌcĩ aduha Nyekuci, aĩ ĩĩn hatĩ nẽẽg ꞌrigiꞌthiook cĩg lootu, hĩnĩngĩtĩ nyattal. Nẽẽthĩ, baa ammũda, hĩnĩngĩtĩ bũnnai ꞌcĩ aku, hĩnĩngĩtĩ lemiinit.

ꞌRooma 9:4

Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ.

ꞌGalaaꞌthia 3:16

Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,” nẽ ĩĩn loholeec niccia Krĩstõ.

Ebereei 11:13

Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.

Ebereei 11:17

Baa lemiinit ꞌcĩ aaꞌnyĩk Abũrahaamõ hittiha Iꞌthaako hĩĩ ꞌgaarrieenit, baa attĩman Nyekuci ĩnõõnnõ. Abũrahaamõ baa ũmmũda thõõth baa aduha Nyekuci ho, ikia ẽlẽm ngaatĩ ĩbbõõrĩkĩ ngeerĩnĩ ꞌcĩ odoyyii Iꞌthaako Nyekuc hĩĩ ꞌgaarrieenit,

Ebereei 7:1

Baa ĩĩn Melkithẽdẽhĩ habu cobbi cĩ ꞌtaaũn cĩ Thaalemĩ nẽ ĩĩ paadĩr cĩ Nyekuc ꞌcĩ ĩllõõan vẽlẽk. Melkithẽdẽk baa õõ õmmõtõõ hĩ Abũrahaamõ, nĩngĩtĩ aggatanĩ nẽẽ Abũrahaamõ baa õbõda joraa baa õõ aruhõõnĩ hĩ habuẽẽt ꞌcĩg mẽẽlĩg nẽ ĩllõõan ĩhõõggõ.

Ebereei 7:7

Nẽẽthĩ, hiꞌthihi eet ꞌcĩ akidan ngaatĩ aggatanĩ ẽẽtĩ cobbi eet ꞌcĩ hidici.