Ebereei 7:3 - ꞌBuuk cĩ Thõõth cĩ Nyekuci

³ Baa aitiõõ hõllõngaa agayyi maaꞌnyĩ Melkithẽdẽhĩ hode ngaannia hode maajiha cĩg baarkit hode ꞌtirriaanĩtĩ hĩ daahĩth cĩnnĩ. Ikia aala nẽẽ ĩĩ paadĩr ũdũt haau hĩ Ngeertĩ Nyekuci.

Ebereei 7:3 ပူးပေါင်းရင်းမြစ်များ

Luugithõõ 6:18

Baa haĩ nyahaappanĩt cĩg Kõhathĩ, Amram hĩ Iꞌthihar hĩ Heboron hĩ Uthieele. Baa arũgĩ Kõhathĩ ĩꞌthõng haꞌnyak irkiꞌnyia ꞌmiia hõdẽĩ hĩ hẽẽn iyyio hĩ iyyio (133).

Maatteeo 4:3

Nĩngĩtĩ aku attĩmanĩ ꞌThĩttaanĩ ĩnõõnnõ annẽẽkĩ, “Má ĩĩnĩ nii Ngeertĩ Nyekuci dĩdĩ, duhaak biyyiẽẽn iccig hutuhuyyi hĩĩtõ ũbũnẽẽta.”

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 7:1

Baa ĩĩn Melkithẽdẽhĩ habu cobbi cĩ ꞌtaaũn cĩ Thaalemĩ nẽ ĩĩ paadĩr cĩ Nyekuc ꞌcĩ ĩllõõan vẽlẽk. Melkithẽdẽk baa õõ õmmõtõõ hĩ Abũrahaamõ, nĩngĩtĩ aggatanĩ nẽẽ Abũrahaamõ baa õbõda joraa baa õõ aruhõõnĩ hĩ habuẽẽt ꞌcĩg mẽẽlĩg nẽ ĩllõõan ĩhõõggõ.

Ebereei 7:17

Uppulana ꞌBuuhi cĩ Nyekuci ĩĩ, “Iinu nii paadĩr ꞌcĩ aalla ũdũt hĩ Melkithẽdẽhĩ.”

Ebereei 7:2

Nẽ ikia aaꞌnyĩk Abũrahaamõ Melkithẽdẽk hẽlẽggĩ ũgĩ ꞌcĩg abadtẽc baag ammiira jora. Nẽ ꞌthaara ꞌcĩg haĩ Melkithẽdẽk ko, nĩngĩtĩ aĩ, “Bũnnai.” Nẽ haĩ Melkithẽdẽk ꞌthaar ũgĩ buúk, “Habu cĩ Ganõõnõ.” Nẽẽthĩ, aĩ ꞌthaara ꞌcĩg haĩ Thaalem ko, Ganõn.

Ebereei 7:6

Baa aitiõõ hõllõngaa ĩĩn Melkithẽdẽhĩ eet cĩ hattũũg cĩ ꞌLeevi. Ma ho, ikia ẽꞌngẽraak Abũrahamĩ ĩnõõnnõ ꞌbaaninit ꞌcĩ abadtẽc, hẽlẽggẽẽnnĩĩ baag ammiira Abũrahamĩ jora. Nĩngĩtĩ aku aggatanĩ Melkithẽdẽhĩ Abũrahaamõ baa aꞌnyak thooꞌthiok ꞌcĩg aduhaak Nyekuci.