Ebereei 7:28 - ꞌBuuk cĩ Thõõth cĩ Nyekuci

²⁸ Nẽẽthĩ, baa ẽbẽra nyattalĩ paadĩrꞌnya ꞌcĩg ĩĩn eet haaga ꞌcĩg hõllõngaa attiranĩ. Ma baa aaꞌnyĩhoothĩk eet nyattalĩ, ikia ẽbẽra Nyekuci Ngeerĩnĩ lõbũtĩĩa nẽ ikia ĩĩ Ngeerĩnĩ paadĩr cobbi ꞌcĩ ĩllõõan paadĩrꞌnya vẽlẽk ũdũt.

Ebereei 7:28 ပူးပေါင်းရင်းမြစ်များ

ꞌLuuka 13:32

Ẽdẽcĩ hinnia Yeesu ĩhõõggõ anneek, “Õõt uduktaak irrieer iccia ĩĩttĩk, ‘Nga nõõ hiiggia naa loriẽẽt ꞌcĩg abathĩ nẽ hẽẽla eet ꞌcĩg õmmõõrĩ, kõr nicci hĩ lohotha nẽ hatĩ hẽdẽcaaha dtiic caannĩ luhutheet.’

Yõaannẽ 19:30

Ma baa ũcũũcũ Yeesu viino nicci, ikia õthõõth nẽẽ ĩĩ, “Edeccia dtiici vẽlẽk!” Nĩngĩtĩ aggiingi õõ cĩnnĩ nẽ adaaha.

Ebereei 1:2

Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.

Ebereei 2:10

Baa Nyekuc ꞌcĩ ẽhẽnyta hẽlẽggĩ vẽlẽk ꞌtirriaanaa cĩnnĩ nẽ ikia ẽbẽan nẽẽ dioo ngaatĩ aaꞌnyĩkĩ Yeesu hũbũna ꞌcannaana, hátĩ hũũppan Yeesu ngaatĩ ẽẽlanĩ eet nẽ otholit bulẽẽnĩt cĩnnĩ.

Ebereei 2:17

Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 5:5

Ĩnõõ baa hõllõngaa attihi Krĩstõ makaaꞌthĩt cĩ paadĩr cobbi ẽmmẽn, Nyekuc ꞌcĩ baa aduhaak ĩnõõnnõ anneek, “Iini nii Loholeec caannĩ nẽ ꞌyioko kõr nicci, hanneekii hĩĩnĩ naa Maaꞌnyu.”

Ebereei 7:21

nẽẽthĩ, baa aaĩ lõbũtĩ cĩ Yeesu. Hĩnĩngĩtĩ baa anneek Nyekuci ĩnõõnnõ, “Baa abũtan Makayyioohiti nẽ hõllõngaa ẽꞌthẽcan lõbũtĩ cĩnnĩ ꞌcĩ aĩ, ‘Iinu nii paadĩr ꞌcĩ aalla ũdũt!’ ”

Ebereei 7:24

Nẽẽthĩ, Yeesu ꞌcĩ arũgĩ ũdũt ko, aalla paadĩrꞌthẽẽt cĩnnĩ buúk ũdũt.

Ebereei 7:3

Baa aitiõõ hõllõngaa agayyi maaꞌnyĩ Melkithẽdẽhĩ hode ngaannia hode maajiha cĩg baarkit hode ꞌtirriaanĩtĩ hĩ daahĩth cĩnnĩ. Ikia aala nẽẽ ĩĩ paadĩr ũdũt haau hĩ Ngeertĩ Nyekuci.