Ebereei 7:26 - ꞌBuuk cĩ Thõõth cĩ Nyekuci

²⁶ Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

Ebereei 7:26 ပူးပေါင်းရင်းမြစ်များ

Maatteeo 27:18

Baa aga nẽẽ gẽrrẽẽt ngaatĩ ababuuthanĩ eeta cĩg ꞌJudeei Yeesu, hĩnĩngĩtĩ baa eheꞌthi nẽẽg thõng.

Maarko 16:19

Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

ꞌLuuka 1:35

Ẽdẽcĩ aajĩlõ ĩnõõnnõ anneek, “Alluucciakii hatĩ Lorii ꞌcĩ Ẽllẽẽmĩth nganiit nẽ ummuti ꞌtirriani cĩ Nyekuc ꞌcĩ ĩllõõan vẽlẽk. Ma urutaa cĩnnĩ, ũũkcaa hatĩ loholeec ꞌcĩ ẽllẽẽmĩth ꞌcĩ hatĩ haĩ Ngeertĩ Nyekuci.

ꞌLuuka 23:22

Nĩngĩtĩ ajini Pĩlaatõ ĩhõõggõ hĩĩ tabattĩ iyyio annẽẽkĩ, “Inni? Ẽꞌthẽcan ẽẽtĩ ciee neegi? Aitiõõ ꞌgii umwaa ꞌcĩ hammũda naa ꞌcĩ ẽꞌthẽcan ẽẽtĩ ciee tõõ. Ma aaĩ noho, haaꞌnyihi hatĩ naa huuki nẽ alahanoothĩha.”

ꞌLuuka 23:41

Aũlan ngaatĩ huukẽnĩ naag, hĩnĩngĩtĩ thooꞌthiok ꞌcĩg abathĩ ꞌcĩg hadĩman naaga, nẽẽthĩ, aꞌngaaꞌnyi ẽẽtĩ ciee haaga.”

ꞌLuuka 23:47

Ma adtuuha ꞌgaalac cĩ ũũrũta thooꞌthiok iccig vẽlẽk ho, ĩdĩhĩth Nyekuc nẽ ĩĩ, “Occa ꞌthẽk baa ĩĩn ẽẽtĩ ciee eet ꞌcĩ abũnnaa.”

ꞌLuuka 24:26

Erekuung baa nooyyia ngagiit ngaatĩ occa accananiini Krĩstõ nga haaꞌnyĩhoothĩk bulẽẽnĩtĩ cĩnnẽẽnĩ?”

ꞌLuuka 24:46

Baa aduhaak nẽẽ ĩhõõggõ anneek, “Thõõth ꞌcĩ baa eheeddi ho cieeni. Accananni hatĩ Krĩstõ nẽ ikia ũrũga daahĩtha kõr ꞌcĩ ĩĩn iyyio,

Yõaannẽ 14:30

Iittiõõ hatĩ ꞌyioko hõllõngaa hõthõõthõõ naag hĩ ngagiit ĩꞌthõng, hĩnĩngĩtĩ ikia habuui cĩ looc nicci. Nẽẽthĩ, hõllõngaa aꞌnyak nẽẽ ꞌtirrian ꞌcĩ ĩllõõanna nganĩĩta.

Yõaannẽ 8:29

Harũmeenna naag hĩ eet baa ĩꞌthõõannaa nganĩĩta, nga hũtũngeeha nẽẽ nganĩĩt ẽmmẽn, hĩnĩngĩtĩ hadĩmani naa hõdõõkõthĩ thõõth ꞌcĩ accamana nẽẽnĩ.”

Dtiicanĩ cĩg ꞌThooyyiahu 3:14

Aburru hinnia Eet ꞌcĩ Ẽllẽẽmĩth ꞌcĩ Abũnnaa ꞌcĩ ĩĩn hõdẽẽthõng nẽ ĩttĩngatteehu Pĩlaatõ hõõgahuung ꞌloorriahit ꞌcĩ aruk eeta.

Dtiicanĩ cĩg ꞌThooyyiahu 4:27

Nẽ dĩdĩ, baa ommottio habuui Ẽrõõdẽ hĩ Ponthio Pĩlaatõ hĩ eet ꞌcĩg hõllõngaa ĩĩn ꞌJudeei hĩ eet cĩg Ĩꞌthĩraẽlĩ ꞌJeruꞌthalẽma ngaati nẽ ĩlĩhĩt dticciannioohit cunni ꞌcĩ ẽllẽẽmĩth Yeesu baa ẽbẽra niina.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 2:10

Baa Nyekuc ꞌcĩ ẽhẽnyta hẽlẽggĩ vẽlẽk ꞌtirriaanaa cĩnnĩ nẽ ikia ẽbẽan nẽẽ dioo ngaatĩ aaꞌnyĩkĩ Yeesu hũbũna ꞌcannaana, hátĩ hũũppan Yeesu ngaatĩ ẽẽlanĩ eet nẽ otholit bulẽẽnĩt cĩnnĩ.

Ebereei 2:17

Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

Ebereei 7:11

Má baa ummuddia eeta ngaatĩ ũũnyĩ ꞌgaarriẽẽna cĩg paadĩrꞌthẽẽt cĩ hattũũg cĩ ꞌLeevi ꞌthẽccanẽẽt hĩ baa aduha nyattalĩ cĩ Mũũꞌtha, inni thĩ hidiim Nyekuci hĩꞌthõõa paadĩr umwa hattũũgaa cĩ Melkithẽdẽhĩ nẽ hõllõngaa ĩꞌthõõa hattũũgaa cĩ Arõõnẽ baa ĩĩn paadĩr ꞌcĩ oou ho?

Ebereei 8:1

Thõõth dẽẽdẽ ꞌcĩ aaddi ꞌcĩ aĩ nẽẽ, haꞌnyak naag paadĩr cobbi, ĩnõõnnõ Yeesu ꞌcĩ iccioloongan attiaa cobbi dtaabawa, makaaꞌthĩtaa cĩ Nyekuci hẽẽtahujjieen.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

1 Pẽẽtũrũ 1:19

Baa eelliannu niig biyyiẽẽtĩĩ ꞌcĩg aaddi ĩcĩg Krĩstõ, mĩꞌnyõõn cĩ Nyekuci ꞌcĩ hiꞌthihi ꞌthẽccan nẽ aitiõõ nyakẽmẽẽr tõõ.

1 Pẽẽtũrũ 2:22

Baa hõllõngaa ẽꞌthẽcan Krĩstõ thõõth umwa hode aduha õlõng.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.

1 Yõaannẽ 2:2

Ĩĩn Krĩstõ ꞌgaarrieenit ꞌcĩ attik ꞌthẽccanẽẽt cĩggaac battaala. Nẽẽthĩ, hõllõngaa attik ꞌthẽccanẽẽt cĩggaac diooni, attik ꞌthẽccanẽẽt cĩg eet cĩg lootu vẽlẽk.

1 Yõaannẽ 3:5

Nẽ agayyu niig aĩ baa aku Krĩstõ, hátĩ hittik ꞌthẽccanẽẽt battaala nẽ aitiõõ ꞌthẽccanĩ hĩ ĩnõõnnõ tõõ.

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.