Ebereei 7:25 - ꞌBuuk cĩ Thõõth cĩ Nyekuci

²⁵ Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Ebereei 7:25 ပူးပေါင်းရင်းမြစ်များ

Yõaannẽ 14:13

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt.

Yõaannẽ 14:16

Nẽ haduhaahi hatĩ naa Baaba hĩꞌthõõahuung ngagiit Ellioohit, ꞌcĩ hatĩ gõõng arũmẽẽnnu hĩ ngagiit ooo.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

ꞌRooma 5:2

nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

ꞌRooma 8:34

Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

1 Korinthia 1:21

Baa ẽggẽẽnyĩth Nyekuci ngaatĩ hõllõngaa aaꞌnyĩkĩ eet cĩg looc nicci hidticattõõĩ ꞌgẽẽnyĩth cĩnĩĩng hagayyi ĩnõõnnõ. Nẽẽthĩ hinnianĩ, baa ẽbẽra Nyekuci ngaatĩ ẽẽlĩ eet ꞌcĩg ẽlẽmĩ nyeemuut ꞌcĩ aggiithi ꞌcĩ hallimanna naag ko diooni.

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 3:12

Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.

Eevvetho 3:20

Nẽ ꞌyioko, aꞌnyĩĩk bulẽẽnĩt vẽlẽk haau hĩ Nyekuc. Ĩnõõnnõ ꞌcĩ ũũlũ ngaatĩ occa adticanĩ thooꞌthiok ꞌcĩg ĩllõõan ngaatĩ occa hajini ĩnõõnnõ hode hammuhi, ꞌtirrianaa ꞌcĩ adticaniini nẽẽ eleetinii cĩggaac.

Pilippi 3:21

Õkõõĩ hatĩ nẽẽ eleeti cĩggaac ꞌcĩg hõllõngaa attiran ꞌcĩg adaahĩ ho nẽ ũtũhũ ĩhõõggõ hĩĩtõ eleeti ꞌcĩg abuli haauto hĩ ẽlẽ cĩnnẽẽnĩ, makaaꞌthĩtaa ꞌcĩ hatĩ aggamĩ nẽẽ hẽlẽggĩ vẽlẽk.

1 Timotteeo 2:5

Hĩnĩngĩtĩ aaĩ Nyekuci hõdẽẽthõng diooni nẽ Yeesu Krĩstõ dioo ꞌcĩ ĩĩn jayyio ꞌcĩ aꞌnyaha eet hĩ Nyekuc.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

Ebereei 13:15

Nẽẽthĩ hoti ho, haanytĩk Nyekuc ꞌgaarrieenit ꞌcĩ hadĩkꞌthĩ ĩnõõnnõ nẽ huduktaak hĩĩttĩk hathĩhĩ naag ĩnõõnnõ.

Ebereei 2:18

Hĩnĩngĩtĩ baa accananni nẽẽ baa attĩmanni, occa ũũlũ nẽẽ ngaatĩ ẽẽlanneet ngagĩĩt buúk hatĩ hattĩmanni.

Ebereei 2:9

Hĩcĩnĩt naag Yeesu baa arritanniaa hĩdĩhĩdĩĩc hĩllõõan aajĩlẽẽt. Nẽẽthĩ ꞌyioko, itihimoothĩk ĩnõõnnõ tẽmẽdẽhĩ cĩ bulẽẽttõ hĩcĩ tẽẽlꞌthĩtõõ, hĩnĩngĩtĩ baa adaak nẽẽnĩ. Bũnnaiittaa cĩ Nyekuci dĩdĩ, ikia atar Yeesu daahĩth hĩnĩngĩtĩ eet vẽlẽk.

Ebereei 5:7

Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.

Ebereei 7:16

Ikia ĩĩ Yeesu paadĩr, hõllõngaa hĩnĩngĩtĩ ĩĩn nẽẽ eet cĩ hattũũg cĩ ꞌLeevi, nẽẽthĩ, aku ĩĩn nẽẽ paadĩr ꞌtirriaanaa cĩ rũgẽt ꞌcĩ aalla ũdũt.

Ebereei 7:19

Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.

Ebereei 7:24

Nẽẽthĩ, Yeesu ꞌcĩ arũgĩ ũdũt ko, aalla paadĩrꞌthẽẽt cĩnnĩ buúk ũdũt.

Ebereei 7:8

Paadĩrꞌnya ꞌcĩg alũta ꞌbaaninit ꞌcĩ abadtẽc ko, ĩĩn eet ꞌcĩg hatĩ adaahĩ, nẽẽthĩ, maka Melkithẽdẽhĩ ĩllõõan ĩhõõggõ, hĩnĩngĩtĩ adukiaakeet aĩ arũgĩ Melkithẽdẽhĩ ũdũt.

Ebereei 9:24

Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.

ꞌJuud 1:24

Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa.