Ebereei 7:19 - ꞌBuuk cĩ Thõõth cĩ Nyekuci

¹⁹ Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.

Ebereei 7:19 ပူးပေါင်းရင်းမြစ်များ

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Dtiicanĩ cĩg ꞌThooyyiahu 13:39

Nẽ ẽẽtĩ ꞌcĩ ẽlẽmĩ ĩnõõnnõ, ooggiaa hatĩ hẽlẽggẽẽnnĩ vẽlẽk ĩcĩg baa hõllõngaa ũũlũ nyattalĩ cĩ Mũũꞌtha.

ꞌRooma 5:2

nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

ꞌRooma 7:7

Hõthõõth occa ꞌyioko hatĩ naag nyattal haĩ ne? Haĩ ĩĩn nyattalĩ ꞌthẽccan? Aitiõõ ũdũt! Nẽ dĩdĩ occa baa nga haga naa ne ꞌcĩ haĩ ꞌthẽccan ko, hiittiõõ nyattalĩ tõõ. Hĩnĩngĩtĩ occa baa nga haga thõõth ꞌcĩ haĩ bũraneehinit ko hiittiõõ nyattalĩ ngaatĩ aĩnnĩ, “Ma habũraneehi ꞌgii cĩ eet umwa.”

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.

ꞌGalaaꞌthia 3:21

Occa aaburroo nyattalĩ hĩ thõõth baa aduha Nyekuci? Aitiõõ ũdũt! Má baa haaꞌnyeet nyattalĩ rũgẽt ꞌcĩ ĩĩn ngeju, occa baa aaꞌnyeet Nyekuci ngagĩĩt hũbũttaath ngaatĩ hathĩknĩ nyattal.

ꞌGalaaꞌthia 3:24

Baa ĩĩn nyattalĩ ꞌlimman ꞌcĩ aaꞌnyeet ngagĩĩt hagaac Krĩstõ, hátĩ hikia helemeet Nyekuci ngagĩĩta, hĩnĩngĩtĩ hẽlẽmĩ naag ĩnõõnnõ.

Eevvetho 3:12

Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

1 Timotteeo 1:1

Nganĩĩt Paaulo ꞌthooyyiahit cĩ Yeesu Krĩstõ, ꞌcĩ hẽhẽẽda waraga icci ho. Baa ẽbẽraanna nganĩĩt Nyekuci Ellioohiti hĩ Yeesu Krĩstõ ꞌcĩ aaꞌnyeet ngagĩĩt muhẽẽnĩt ꞌcĩ abũnnaa.

Ebereei 10:1

Aaĩ nyattalĩ cĩ Mũũꞌtha hĩ lorii cĩ hẽlẽggĩ ꞌcĩg abũnnaa ꞌcĩg hatĩ nga au horumwa. Nẽ nyattalĩ ꞌcĩ aaĩ hĩ lorii ho, hõllõngaa ĩĩn hẽlẽggĩ ꞌcĩg abũnnaa eleetinii cĩggĩĩng ẽmmẽn, hĩnĩngĩtĩ hõllõngaa ũũny eet ꞌthẽccanẽẽtĩĩ cĩggĩĩng, hĩnĩngĩtĩ ꞌgarriẽẽn ꞌcĩg ibboorri hiriiri irkiꞌnyia hĩ irkiꞌnyia.

Ebereei 11:40

Baa aaĩ thõõth ciee hoti, hĩnĩngĩtĩ baa iyyiangtheekeet Nyekuci ngagĩĩt ꞌgii ꞌcĩ mẽẽn. Nẽ baa hõllõngaa adiim Nyekuci ĩhõõggõ hõdõlanit rũgẽt ꞌcĩ aalla ooo, nga haitiõõ naag tõõ.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

Ebereei 6:18

Nẽẽthĩ, aaꞌnyeet Nyekuci thõõth ꞌcĩ aduha nẽẽ hĩ lõbũtĩ cĩnnĩ. Aalla thooꞌthioha ꞌcĩg ĩĩn ꞌramma ho ꞌgõõla hõdẽẽthõng hĩnĩngĩtĩ hõllõngaa occa ĩĩn thõõth ꞌcĩ aduha Nyekuci õlõng. Nẽẽthĩ, naag baag hõõ hũũk hutugunyeet Nyekuci ho, õkõmĩ ꞌthinneeti hĩnĩngĩtĩ hẽrẽ muhẽẽnĩt ꞌcĩ abũnnaa ꞌcĩ nga aayyiaa ĩĩcĩ oou.

Ebereei 7:11

Má baa ummuddia eeta ngaatĩ ũũnyĩ ꞌgaarriẽẽna cĩg paadĩrꞌthẽẽt cĩ hattũũg cĩ ꞌLeevi ꞌthẽccanẽẽt hĩ baa aduha nyattalĩ cĩ Mũũꞌtha, inni thĩ hidiim Nyekuci hĩꞌthõõa paadĩr umwa hattũũgaa cĩ Melkithẽdẽhĩ nẽ hõllõngaa ĩꞌthõõa hattũũgaa cĩ Arõõnẽ baa ĩĩn paadĩr ꞌcĩ oou ho?

Ebereei 7:20

Baa aku ꞌgõõl ꞌcĩ ĩĩn ngeju ꞌcĩ eberriaanĩ paadĩrꞌnya ho, lõbũtĩaa ꞌcĩ abũnnaa. Baa au ĩĩn lohollia cĩg lõhõlĩ cĩg Arõõnẽ paadĩrꞌnya haaga hiꞌthihi lõbũtĩ,

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Ebereei 8:6

Nẽẽthĩ ꞌyioko, eberria Yeesu paadĩrĩ cĩnaac cobbi nẽ aaꞌnyĩhoothĩk dtiici ꞌcĩ ĩllõõan dtiic cĩ paadĩrꞌnya baag oou, hĩnĩngĩtĩ ĩĩ nẽẽ jayyio ꞌcĩ othooꞌtheet ngagĩĩt hĩ Nyekuc jurrung, thõõthaa cĩ lõhõt ꞌcĩ ĩĩn ngeju baa aduha Nyekuci.

Ebereei 9:9

Nẽ kõr nicci buúk, ẽtẽrꞌtha thõõth ciee aĩ, hõllõngaa naag hũũny ꞌthinneeti hĩĩtõ tẽllĩg, ꞌgõõlẽẽ ꞌcĩ haaꞌnyĩkĩ ꞌbaaninit hĩ ngaatĩ hĩbbõõrĩkĩ Nyekuc ꞌgaarriẽẽn.

ꞌJeemith 4:8

Iita õbõktõ hĩ Nyekuc, hátĩ hikia nẽẽ buúk õbõktõ hĩ ngagiita. Niig ꞌthẽccanniooha, ũtũũnyĩt authet cunuung ꞌcĩ aattiyyu. Ĩtĩllahit ꞌthĩnneeti cugguung, hĩnĩngĩtĩ eꞌngerri ꞌthinneeti cugguung ngaatĩ athiknu Nyekuc hĩ looc nicci.